Ebree 9:19 - New Testament

¹⁹ Alɩwaatʋ ńdʋ́ lɛ, Mooyiizi calɩ kalʋʋ paɣtʋ tɩŋa payɩ ɛyáa tɩŋa ɛsɩndaa ɛzɩ paɖʋʋ tɩ-taa yɔ. Nabʋlɛ ɖeɖe lɛ, ɛkpaɣ neɣna nɛ tuluŋ pa-calɩm nɛ lɩm nɛ esidi. Ɛkpaɣ ɖɔɖɔ kpɛm kɩsɛmɩm nɛ ñɩyʋʋ ŋgʋ́ payaɣ se Iizoopu yɔ nɛ eliɣ nɛ ɛmɩzɩɣ paɣtʋ takayaɣ nɛ ɛyáa tɩŋa pɔ-yɔɔ.

Ebree 9:19 ပူးပေါင်းရင်းမြစ်များ

Maatiyee 27:28

nɛ pɔhɔzɩ e-wondu nɛ posuu-i awiitoko kɩsɛmʋʋ waaa

Maarkɩ 15:17

nɛ posuu-i awiitoko kɩsɛmʋʋ nakʋyʋ waaa nɛ palʋʋ awiya hulaɣ nɛ sɔɔɔ nɛ papam-ɩ.

Maarkɩ 15:20

Pɛtɛm-ɩ tɛtɛ pɛŋʋʋ ḿbʋ́ lɛ, pɔhɔzɩ toko kɩsɛmʋʋ ŋ́gʋ́ nɛ papɩsɩnɩ e-wondu posuu-i. Pʋwayɩ lɛ, pakpaɣ-ɩ se powokini tɛtʋ wayɩ nɛ pakam-ɩ kaamaŋkaɣ yɔɔ.

Yohanɛɛsɩ 19:2

nɛ sɔɔjanaa lʋʋ awiya hulaɣ nɛ sɔɔ nɛ papam-ɩ. Pakpaɣ ɖɔɖɔ awiitoko kɩsɛmʋʋ nakʋyʋ waaa nɛ posuu-i.

Yohanɛɛsɩ 19:5

Yesu lɩwa lɛ, ɛpam sɔɔ hulaɣ nɛ esuu awiitoko kɩsɛmʋʋ waaa. Peeɖe Pilaatɩ heyi ɛyáa samaɣ se: «Ɛnʋ yɔ!»

Ebree 1:1

Ɛsɔ katɩŋnɩ náyaa yɔɔ ɖooo lɔŋ nɛ ɛyɔɔdɩnɩ ɖɔ-cɔzɔnaa tam sakɩyɛ nɛ wɛtʋ ndɩ ndɩ taa.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 10:4

Mbʋ́ pʋyɔɔ yɔ, naŋ abalaa nɛ tuliŋ pa-calɩm ɛɛpɩzɩɣ pɩñalɩ ɛyáa kɩwɛɛkɩm kaʋ.

Ebree 12:24

Iwobi Yesu nɛ ɛ-calɩm mbʋ́ pɩkpɛdaa nɛ pɩkɩlɩ wazaɣ Aabɛɛlɩ ñɩmbʋ yɔ pɔ-cɔlɔ. Ɛnʋ lɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Ebree 9:13

Sɔnzɩ taa lɛ, paɖʋwa se yee nɔɔyʋ ɛlabɩ kɩwɛɛkɩm yɔ, pʋwɛɛ se pataa-ɩ tuluŋ nɛ naŋ abalaa pa-calɩm nɛ nɔ halɩñɩnʋ weyi paɖʋ-ɩ miŋ nɛ ɛñaɣ yɔ ɛ-tɔlɩma nɛ ɛpɩsɩ cɩɖɩcɩɖɩ tʋ.

Ebree 9:18

Ḿbʋ́ ɖɔɖɔ pʋwɛɛ: pʋwɛɛ se palaa nɛ pɛkpɛdɩ calɩm nɛ pʋcɔ kajalaɣ nɔɔ haʋ maɣmaɣ wɛɛ wazaɣ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.