Ebree 9:14 - New Testament

¹⁴ Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Ebree 9:14 ပူးပေါင်းရင်းမြစ်များ

Maatiyee 12:28

Toovenim lɛ, Fezuu Kiɖeɖeu ɖoŋ mɔnɖɔɔnʋʋnɩ aleewaa. Ḿbʋ́ wɩlɩɣna se Ɛsɔ Kewiyaɣ tɛm talʋʋ mɩ-hɛkʋ taa.

Maatiyee 16:16

Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 7:11

Mbá mɩ ɩkɛ azaɣ́a yɔ, itekizi haʋ mi-piya mbʋ́ pʋwɛ ɖeu yɔ nɛ pɩcandɩnɩ mɩ-Caa Ɛsɔ weyi ɛwɛ ɛsɔdaa yɔ? Ɛhaɣ mbʋ́ pʋwɛ ɖeu yɔ mbá paba sʋlʋmʋʋ-ɩ yɔ.

Luka 1:74

Ɛɖʋwa se ɛkɔŋ-ɖʋ lɩzʋʋ ɖo-koyindinaa nesi taa nɛ ɖɩla ɛ-tʋmɩyɛ, sɔɔndʋ ɛɛkpaɣ-ɖʋ.

Luka 12:24

Ɩcɔnɩ sumasɩ nɛ ɩna: siiɖuu, sɩɩkʋŋ. Sɩfɛyɩnɩ kpoŋ yaa tɔɔnaɣ ɖɩzɩyɛ. Ɛlɛ́, Ɛsɔ calɩɣ-sɩ. Ŋgʋ́, mɩkɩlɩ sumasɩ wazaɣ tam sakɩyɛ.

Luka 12:28

Lidaʋ pazɩ tɩnaa mɩ! Ɛsɔ tekizi haʋ ñɩtʋ ndʋ́ tɩwɛ hayɩm taa sɔnɔ nɛ cee pɔkɔŋ-tʋ ɖʋʋ miŋ taa yɔ ɖeu nɛ pɩcandɩnɩ mɩ na!

Luka 4:18

«Kɩpaɣlʋ lɩzɩ-m nɛ ɛha-m e-Fezuu Kiɖeɖeu. Toovenim, ɛlɩzɩ-m nɛ etiyi-m se monsusi kʋñɔndɩnaa Laŋhɛzɩyɛ Tɔm. Etiyi-m se meheyi salaka tɩnaa se pɛwɛ pa-tɩ yɔɔ! Meheyi ɖɔɖɔ yʋlʋmaa se pɔkɔŋ pɛ-ɛsɛ kuluu! Etiyi-m se moholi ajamaa mbá panazɩɣ-wɛ yɔ.

Yohanɛɛsɩ 3:34

Weyi Ɛsɔ tiyi-i yɔ, ɛyɔɔdʋʋ Ɛsɔ tɔm. Mbʋ́ pʋyɔɔ yɔ, Ɛsɔ tɛzɩ-ɩ haʋ e-Fezuu Kiɖeɖeu.

Tʋma Labʋ 1:2

nɛ pʋkɔɔ pɩsɩɩnɩ kɩyakʋ ŋgʋ́ Ɛsɔ kpazɩ-ɩ ɛsɔdaa yɔ. Ɛɛlɩzɩ ɛyáa nabɛyɛ se pɛkɛ e-tiyiyaa, nɛ pʋcɔ Ɛsɔ kpazɩ-ɩ ɛsɔdaa lɛ, ɛtɩŋnɩ Fezuu Kiɖeɖeu ɖoŋ yɔɔ nɛ ɛɖʋ-wɛ paɣtʋ.

Tʋma Labʋ 10:38

Ɛsɔ kɛwɛ Nazarɛɛtɩ tʋ Yesu cɔlɔ nɛ eyele e-Fezuu Kiɖeɖeu tii ɛ-yɔɔ nɛ kɩha-ɩ ɖoŋ. Pʋ-yɔɔ ɛcɔwaɣ lona ndɩ ndɩ taa nɛ ɛlakɩ ɛyáa ɖeu nɛ eholuu mbá patɩŋa payɩ pɛwɛ Satanɩ nesi taa yɔ.

Tʋma Labʋ 14:15

«Taabalaa, pɩlabɩ ɛzɩma nɛ ɩlakɩ ḿbʋ́? Đɩkɛ ɛyáa ɖɔɖɔ ɛzɩ mɩ yɔ. Ɛlɛ́, ɖɩkɔm se ɖiheyi-mɩ Laŋhɛzɩyɛ Tɔm nɛ iyele agɔlɩma wena aawazɩɣ pʋyʋ yɔ, a-kpɛyʋʋ nɛ ɩpɩsɩnɩ Ɛsɔ wezuu tʋ yɔɔ. Ɛnʋ labɩnɩ ɛsɔdaa nɛ tataa nɛ teŋgu nɛ mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ.

Tʋma Labʋ 15:9

Ɛtɔsɔɔlɩ Yuda ñɩma ɖa nɛ pɩkɩlɩ-wɛ, mbʋ́ pʋyɔɔ yɔ, mbá patɩŋa payɩ pɛwɛnɩ lidaʋ ɛ-yɔɔ yɔ, ɛñalɩ pa-kɩwɛɛkɩm.

Room 1:20

Toovenim lɛ, ɖooo ɛzɩ Ɛsɔ labʋ kedeŋa yɔ, ɛlabɩ-kɛ labʋ mbʋ́ yɔ, piyeba nɛ panaɣ ɛ-wɛtʋ ndʋ́ paanaɣ yɔ kaŋŋ nɛ e-ɖoŋ weyi ɛfɛyɩ tɩnaɣ yɔ nɛ mbʋ́ ɛkɛnaa kpem yɔ.

Room 1:4

ɛlɛ́, efem nɛ ɛlɩɩnɩ sɩɖaa taa yɔ, pʋ-yɔɔ Ɛsɔ ya-ɩ se ɛ-maɣmaɣ ɛ-Pɩyalʋ weyi pɩtɩŋnɩ e-Fezuu Kiɖeɖeu yɔɔ nɛ ɛwɛnɩ ɖoŋ yɔ.

Room 11:12

Mbá pɛtɛkɛ Yuda ñɩma yɔ, Yuda ñɩma ɛzaɣ́tʋ nɛ pɔ-tɔlʋʋ pɔ-yɔɔ pehiɣ Ɛsɔ ñɩm. Yee pɩkɛ ḿbʋ́ lɛ, ɛzɩma pʋwɛɣ alɩwaatʋ ndʋ́ patɩŋa payɩ papɩsɩɣ ñʋʋ yabʋ nʋmɔʋ taa yɔ?

Room 11:24

Pʋ-yɔɔ lɛ, weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa maɣmaɣ: pɛsɛtɩ-kɛ nɛ pɔsɔ-kɛ ŋgʋ́ pɔsɔ kʋsɔʋ yɔ kʋ-yɔɔ. Ŋgʋ́, ŋtɛkɛ kʋkʋ piliŋa. Yee Ɛsɔ ɛpɩzɩɣ ɛla ḿbʋ́ lɛ, ɛzɩma ɛɛpɩzɩɣ ɛpɩsɩnɩ Yuda ñɩma mbá pɛwɛ ɛzɩ somuu ŋgʋ́ pɔsɔ kʋkʋ kʋsɔʋ yɔ ki-pilinzi maɣmaɣ nɛ ɛpɩsɩnɩ ɛsɔ si-lona taa?

Room 6:13

Ɩtaakpaɣ mi-pilinzi nɛ ɩlabɩnɩ kɩwɛɛkɩm ɛzɩ mbʋ́ palakɩnɩ mbʋ́ pɩtatʋʋzɩ yɔ. Ɛlɛ́, mɩ-maɣmaɣ ɩkpaɣ mɩ-tɩ nɛ ɩcɛlɩ Ɛsɔ ɛzɩ mbá pasɩba nɛ pefe yɔ. Đɔɖɔ lɛ, ɩkpaɣ mi-pilinzi ńzɩ́ nɛ ɩcɛlɩ-ɩ ɛzɩ mbʋ́ palakɩnɩ mbʋ́ pʋtʋʋzaa yɔ.

Room 6:22

Ɛlɛ́, lɛɛlɛɛyɔ, Ɛsɔ holi-mɩ nɛ kɩwɛɛkɩm nesi taa nɛ ɩpɩsɩ e-yomaa. Mbʋ́ pɩlɩ-mɩ pɩ-taa yɔ lɛ se ɩpɩsɩ ɛ-ñɩma nɛ pɩtɛmna se ihikiɣ wezuu maatɛŋ.

1 Kɔrɛntɩ 15:45

Pʋ-yɔɔ pama Ɛsɔtɔm Takayaɣ taa se: «Kajalaɣ ɛyʋ weyi Ɛsɔ ma-ɩ nɛ payaɣ-ɩ se Aɖam yɔ, ɛpɩsɩ weyi ɛwɛ wezuu yɔ.» Ɛlɛ́, kɛtɛzaɣ Aɖam lɛ Fezuu Kiɖeɖeu ŋgʋ́ kɩhaɣ wezuu yɔ.

2 Kɔrɛntɩ 5:21

Krɩstʋ tala kɩwɛɛkɩm kaʋ. Ɛlɛ́, Ɛsɔ sʋʋ-ɩ ɖa-kɩwɛɛkɩm se ɖa nɛ ɩ ɖɛ-kpɛndʋʋ taa lɛ, ɖɩpɩsɩ ɛyáa kʋtʋʋzaa Ɛsɔ ɛnʋ ɛ-ɛsɩndaa» yɔ.

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

Galaatɩ 2:19

Paɣtʋ yɔɔ lɛ, manpɩsɩ ɛzɩ sɩɖʋ yɔ nɛ tɩtatasɩ kɛʋ pʋyʋ mɛ-ɛsɩndaa. Pɩlabɩ ḿbʋ́ se manpɩzɩ mancaɣ wezuu Ɛsɔ ɛsɩndaa. Alɩwaatʋ ndʋ́ pakaŋaɣ Krɩstʋ kaamaŋkaɣ yɔɔ yɔ, ma nɛ ɩ pakama.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

1 Tesalooniki 1:9

Pa-maɣmaɣ pɛkɛdɩɣ ɛzɩma mbʋ́ ɩmʋ-ɖʋ mɩ-tɛ yɔ pʋ-tɔm nɛ ɛzɩma mbʋ́ ɩha agɔlɩma siɣ́ye nɛ ɩnɩɣnɩ Ɛsɔ wezuu tʋ nɛ toovenim tʋ tʋmɩyɛ

1 Timootee 1:17

Ɛyáa tɩŋa payɩ ɛsam-ɩ nɛ paɖʋ-ɩ hɩɖɛ tam. Mbʋ́ pʋyɔɔ yɔ, ɛnʋ lɛ Wiyaʋ sɔsɔ weyi e-kewiyaɣ tɔɔʋ fɛyɩ tɩnaɣ yɔ, ɛɛsɩkɩ, nɔɔyʋ ɛɛnaɣ-ɩ, e-ɖeke koŋ lɛ Ɛsɔ tam! Pɩla ḿbʋ́!

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 10:10

Mbʋ́ pʋyɔɔ yɔ, Yesu Krɩstʋ labɩ mbʋ́ Ɛsɔ liu kɛwɛɛ yɔ nɛ palaa-ɩ kpaagbaa laʋ. Ḿbʋ́ hanɩ-ɖʋ waɖɛ nɛ ɖɩpɩsɩ Ɛsɔ ñɩma.

Ebree 10:12

Piyele Krɩstʋ yɔ, ɛkpaɣ ɛ-maɣmaɣ ɛ-tɩ ɛha nɛ palaa-ɩ kpaagbaa laʋ ɛyáa kɩwɛɛkɩm yɔɔ. Pʋwayɩ lɛ, ewolo ɛcaɣ Ɛsɔ cɔlɔ lone kɩbanɖɛ taa

Ebree 10:2

Yee tɩɩpɩzaɣ yɔ, paayeba laʋ. Pʋbʋ, tiiyeba nɛ papɩsɩ ɛyáa kɩbama kpaagbaa pɩsʋʋ nɛ pataatasɩ tɔzʋʋ pa-kɩwɛɛkɩm nabʋyʋ yɔɔ.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 11:21

Yakɔɔbʋ ɖɔɖɔ kɛwɛnɩ lidaʋ Ɛsɔ yɔɔ, pʋ-yɔɔ ɛwazɩ paa Yozɛɛfʋ pɩyalʋ weyi ɛ-yɔɔ, alɩwaatʋ ndʋ́ ɛcaɣaɣ sɩbʋ yɔ. Đɔɖɔ lɛ, ɛɛñɩɣ ɛ-ɖaʋ yɔɔ nɛ ɛɖʋ Ɛsɔ hɩɖɛ.

Ebree 13:12

Pʋ-yɔɔ Yesu ñasɩbɩ tɛtʋ koloŋa wayɩ se ɛñalɩ ɛyáa kɩwɛɛkɩm nɛ ɛ-maɣmaɣ ɛ-calɩm nɛ pɛwɛɛ cɩɖɩcɩɖɩ.

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Ebree 6:1

Pʋ-yɔɔ lɛ, ɖɩɖɛɛnɩ ɛsɩndaa nɛ ɖɩkpɛlɩkɩ Krɩstʋ tɔm ɛzɩ mbá papɩ lidaʋ wɛnaʋ taa yɔ. Đɩtaawɛɛ ɖɩnɩɣnɩ ndʋ́ pɛkpɛlɩkɩ-ɖʋ kajalaɣ taa yɔ ti-ɖeke. Pɩtatasɩ pɔzʋʋ se pɛkpɛlɩkɩ-mɩ natʋyʋ ɛzɩ: tʋma wena aawazɩɣ pʋyʋ yɔ a-yebu nɛ Ɛsɔ yɔɔ lidaʋ wɛnaʋ

Ebree 7:16

Pɩtɛkɛ paɣtʋ ndʋ́ ɛyáa ɖʋwa yɔ ńdʋ́ hanɩ-ɩ waɖɛ se ɛpɩsɩ cɔjɔ. Ɛlɛ́, wezuu ŋgʋ́ kɩfɛyɩ tɩnaɣ yɔ, ku-ɖoŋ taa ɛkɛ ḿbʋ́.

Ebree 7:27

Ɛfɛyɩ ɛzɩ cɔjɔnaa ñʋndɩnaa lɛlaa yɔ. Mbʋ́ pʋyɔɔ yɔ, pʋpɔzʋʋ se palaɣ Ɛsɔ kɩyakɩŋ tɩŋa. Kajalaɣ lɛ, palaɣ pa-maɣmaɣ pa-kɩwɛɛkɩm yɔɔ. Pʋwayɩ lɛ, palaa ɛyáa tɩŋa ñɩmbʋ yɔɔ. Piyele Yesu lɛ, tam kʋɖʋm koŋ ɛla alɩwaatʋ ndʋ́ ɛkpaɣ ɛ-maɣmaɣ ɛ-tɩ nɛ ɛha ɛyáa kɩwɛɛkɩm yɔɔ yɔ.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Ebree 9:26

Yee ḿbʋ́ pɩɩwɛɛ yɔ, ɖooo ɛzɩ palabʋ kedeŋa yɔ, Krɩstʋ kalabɩ kʋñɔŋ tam sakɩyɛ. Toovenim lɛ, lɛɛlɛɛyɔ ɛlɩ kpaagbaa lɩʋ kɛtɛzaɣ alɩwaatʋ tʋnɛ tɩ-taa se ɛha ɛ-tɩ nɛ palaa-ɩ nɛ Ɛsɔ hɛzɩ ɛyáa kɩwɛɛkɩm.

Ebree 9:7

Ɛlɛ́, cɔjɔnaa ñʋʋdʋ ɖeke sʋwaɣnɩ kɩɖanɖʋʋ hɔɔlʋʋ naalɛ ñɩŋgʋ taa tam kʋɖʋm pɩnaɣ taa. Pʋwɛɛ se ewoni kpɩna wena ɛhaɣ Ɛsɔ yɔ a-calɩm ɛ-maɣmaɣ ɛ-kɩwɛɛkɩm nɛ mbʋ́ lɛlaa laba nɛ patatɩlɩ yɔ pʋ-yɔɔ.

Ebree 9:9

Ḿbʋ́ wɩlɩɣnɩ alɩwaatʋ ndʋ́ ɖɩwɛ tɩ-taa lɛɛlɛɛyɔ yɔ. Pʋ-tɔbʋʋ se haɖɛ nɛ kpɩna wena palaɣ Ɛsɔ yɔ, paapɩsɩɣ mbá palakɩ kʋjɔŋ ɩnʋ yɔ kʋtʋʋzaa Ɛsɔ ɛsɩndaa.

1 Pɩyɛ 1:19

Ɛlɛ́, Krɩstʋ weyi ɛwɛ ɛzɩ heɣa ŋgá kɔ-yɔɔ fɛyɩ azuluma yaa pɩtacam ko-ɖoli yɔ, ɛnʋ pala ɖɔ-yɔɔ. Kɩlaʋ ŋ́gʋ́ kɩkɩlɩnɩ wazaɣ.

1 Pɩyɛ 2:22

Ɛtala kɩwɛɛkɩm nabʋyʋ. Wiɖiyi patanɩɩ ɛ-nɔɔ taa cɛtɩm tɔm natʋyʋ.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Pɩyɛ 4:2

se ɛtaatasɩ wezuu caɣʋ ɛzɩ ɛyáa liu wɛʋ yɔ. Ɛlɛ́, ɛcaɣ-kʋ ɛzɩ Ɛsɔ liu wɛʋ yɔ nɛ pʋkɔɔ pɩsɩɩnɩ kɩyakʋ ŋgʋ́ ɛkʋyaa yɔ.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

1 Yohanɛɛsɩ 3:5

Ŋgʋ́, ɩnawa se Yesu Krɩstʋ kɔm kedeŋa yɔɔ se ɛlɩzɩ ɛyáa pa-kɩwɛɛkɩm taa, ɛtala kɩwɛɛkɩm nabʋyʋ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa