Ebree 9:11 - New Testament

¹¹ Ɛlɛ́, Krɩstʋ ñɔkɔm se ɛkɛ ñɩm mbʋ́ pʋwɛ lɛɛlɛɛyɔ yɔ pʋ-cɔjɔnaa ñʋʋdʋ. Kɩɖanɖʋʋ ŋgʋ́ ɛlakɩ ɛ-tʋmɩyɛ kɩ-tɛɛ yɔ, ŋ́gʋ́ kɩlɩnɩ wazaɣ nɛ kʋmʋna kpem. Pɩtɛkɛ ɛyáa siɣni-kʋ. Pʋ-tɔbʋʋ se kɩtɛkɛ kedeŋa kanɛ kɔ-yɔɔ pʋyʋ.

Ebree 9:11 ပူးပေါင်းရင်းမြစ်များ

Maatiyee 11:3

pɔpɔzɩ-ɩ nɛ pana se ɛnʋ lɛ weyi ɛ-tɔm paayɔɔdaa se ɛkaɣ kɔm yɔ yaa nɔɔyʋ wɛnɩ wayɩ?

Maatiyee 2:6

‹Ña Bɛtlɛhɛm tɛtʋ lɛ! Pʋtɔtɔyɩnɩ-ŋ kpem Yudee egeetiye taa. Mbʋ́ pʋyɔɔ yɔ, ña-taa pɔkɔŋ lʋlʋʋ wiyaʋ sɔsɔ weyi ɛkɔŋ ɖɔkʋʋ Izrɛɛlɩ ñɩma yɔ.› »

Maarkɩ 14:58

«Ɛyɔɔdaa se ɛyɔkʋʋ Ɛsɔ ɖɩɣa ŋgá ɛyáa mawa yɔ nɛ ɛɖaɣnɩ maʋ kɩfalaɣ ŋgá ɛyáa ɩɩpɩzɩɣ pama yɔ nɛ kɩyakɩŋ naadozo.»

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 4:25

Ɛlɛ́, halʋ ɛnʋ eheyi Yesu se: «Manawa se Weyi Ɛsɔ Lɩzaa yɔ ɛkɔŋ, ɛnʋ payaɣ se Krɩstʋ. Ɛkɔŋ lɛ, ɛlɩzɩ-ɖʋ pɩtɩŋa payɩ pʋ-tɔbʋʋ.»

Tʋma Labʋ 7:48

Ŋgʋ́, Ɛsɔ Caabiyuu ɛɛsʋʋ kuduyiŋ weyi ɛyáa manɩ pa-maɣmaɣ pe-nesi yɔ ɩ-tɛɛ. Pʋwɛ ɛzɩ tɔm ndʋ́ náyʋ kɔyɔɔdaa yɔ. Ńdʋ́ lɛ se:

2 Kɔrɛntɩ 4:18

Đɔɖɔ lɛ, pɩtɛkɛ mbʋ́ panaɣ yɔ, pʋ-yɔɔ ɖɩmaɣzɩɣ. Ɛlɛ́, mbʋ́ paanaɣ yɔ, pʋ-yɔɔ ɖɩmaɣzɩɣ. Mbʋ́ pʋyɔɔ yɔ, mbʋ́ panaɣ yɔ, pɩwɛɣ alɩwaatʋ pazɩ yem nɛ mbʋ́ paanaɣ yɔ, pʋbʋ ñɛwɛɣ tam.

2 Kɔrɛntɩ 5:1

Toovenim lɛ, ɖɩnawa se yee tomnaɣ ŋgá ɖɩwɛnɩ kedeŋa yɔɔ cɩnɛ nɛ kɛwɛ ɛzɩ kɩɖanɖʋʋ ŋgʋ́ ɖɩwɛ kɩ-tɛɛ yɔ, kɔyɔlaa yɔ, ɖɩwɛnɩ tomnaɣ lɛɛka ɛsɔdaa, kɛwɛ ɛzɩ ɖɩɣa yɔ. Pɩtɛkɛ ɛyáa manɩ-kɛ, ɛlɛ́, Ɛsɔ maɣmaɣ manɩ-kɛ. Kɛwɛɣ tam.

Koloosi 2:11

Mɩ nɛ ɩ mɩ-kpɛndʋʋ ḿbʋ́ pɩ-taa pɛpɛlɩ-mɩ. Pɛtɛpɛlɩ-mɩ ɛzɩ ɛyáa pɛlʋʋ yɔ, ɛlɛ́, pɛpɛlɩ-mɩ ɛzɩ Krɩstʋ ɖʋʋ yɔ. Ḿbʋ́ lɛ se ɩsɛtɩ mɩ-kɩwɛɛkɩm nɛ ɩlɔ.

Ebree 10:1

Ñɩm kɩbam mbʋ́ Krɩstʋ kɔnaa yɔ, Mooyiizi paɣtʋ kɛnɩ pɩ-kɩlɛmʋʋ yem. Tɩtɛkɛ pɩ-maɣmaɣ. Tɩɩpɩzɩɣ tɩñɔɔzɩ ɛyáa nɛ papɩsɩ kɩbama nɛ powolo Ɛsɔ cɔlɔ: ɛzɩma tɩpɩzɩɣ tɩtɩŋnɩ kɩlaŋ weyi palaɣ pɩnzɩ tɩŋa payɩ nɛ pɩfɛyɩ tɩnaɣ yɔ ɩ-yɔɔ nɛ tɩñɔɔzɩ ɛyáa?

Ebree 12:27

Tɔm pee anɛ, atasɩɣ wɩlʋʋ se mbʋ́ ɛlaba yɔ, pɩñamsɩɣ-pʋ nɛ pʋmʋʋ nɛ piyele mbʋ́ pɩfɛyɩ ñamsʋʋ yɔ pʋwɛɛ.

Ebree 13:14

Mbʋ́ pʋyɔɔ yɔ, ɖɩfɛyɩnɩ tataa cɩnɛ tɛtʋ ndʋ́ tɩwɛɣ tam yɔ. Ɛlɛ́, ɖɩñɩnɩɣ ndʋ́ tɩkaɣ kɔm yɔ.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 4:15

Mbʋ́ pʋyɔɔ yɔ, cɔjɔnaa ñʋndɩnaa taa sɔsɔ ɛnʋ, ɛtɛkɛ weyi ɛɛpɩzɩɣ se ɛsɩnɩ-ɖʋ ɖɛ-ɛjandʋ taa yɔ: pɩtakɩ-ɩ ɛzɩ ɖa yɔ pɩtɩŋa pɩ-taa. Ɛlɛ́, ɛtala kɩwɛɛkɩm nabʋyʋ.

Ebree 7:1

Mɛlkisedɛɛkɩ ɛnʋ, ɛɛkɛ Saalɛm wiyaʋ nɛ ɛtɛ ɛkɛ Ɛsɔ Caabiyuu cɔjɔ. Abraham lɩnɩ awiya naayɛ ɖɩwaɖɛ nɛ ɛkɔŋ lɛ, Mɛlkisedɛɛkɩ katɩ-ɩ nɛ ɛwazɩ Abraham ɛnʋ ɛ-yɔɔ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.

2 Yohanɛɛsɩ 1:7

Meheyiɣ-mɩ ḿbʋ́, mbʋ́ pʋyɔɔ yɔ, cɛtɩyaa sakɩyɛ lɩ kedeŋa yɔɔ nɛ paakaɖɩɣ kpayɩ se toovenim Yesu Krɩstʋ pɩsɩ ɛyʋ nɛ ɛkɔɔ kɔ-yɔɔ. Yee nɔɔyʋ ɛlakɩ ḿbʋ́ yɔ, pʋdʋ kɛ cɛtɩyʋ nɛ ɛtɛ ɛkɛ Krɩstʋ koyindu.