Ebree 9:10 - New Testament

¹⁰ Pɩtɩŋa payɩ pɩkɛnɩ paɣtʋ yem. Tomnaɣ yɔɔ paɖʋ-tʋ: paɖʋ-tʋ tɔɔnasɩ nɛ sʋlʋm nɛ cɩɖɩcɩɖɩ wɛtʋ sɔnzɩ ndɩ ndɩ pɔ-yɔɔ, nɛ tɩwɛnɩ ɖoŋ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ lɛɣzɩ pɩtɩŋa payɩ yɔ.

Ebree 9:10 ပူးပေါင်းရင်းမြစ်များ

Maarkɩ 7:4

Yee palɩnɩ kɩyakʋ nɛ pɔtɔsɔ lɩm yɔ, paatɔkɩ. Pañalɩɣ caɖasɩ nɛ ɖeɣsi nɛ ñɩɣtʋ wondu nɛ palakɩ lakasɩ lɛɛsɩ sakɩyɛ ɛzɩ caánaʋ́ taa ñɩma yɔ.

Galaatɩ 4:9

Ɛlɛ́, lɛɛlɛɛyɔ, ɩsɩm Ɛsɔ nɛ halɩ ɛ́lɛ́ ñasɩm-mɩ. Pɩlabɩ ɛzɩma nɛ ɩcaɣ se ɩɖaɣnɩ pɩsʋʋ kedeŋa yɔɔ cɩnɛ ɖoŋ weyi ɩɩpɩzɩɣ pʋyʋ nɛ ɩɩwazɩɣ pʋyʋ yɔ ɩ-wayɩ se ɩpɩsɩ-mɩ yomaa?

Efɛɛzɩ 1:10

Alɩwaatʋ talɩɣ lɛ, ɛlabɩ-pʋ: ekpeɣliɣ mbʋ́ pɩtɩŋa payɩ pʋwɛ ɛsɔdaa nɛ tataa yɔ wiyaʋ kʋɖʋm koŋ tɛɛ. Ɛnʋ lɛ Krɩstʋ.

Efɛɛzɩ 2:15

Ɛtɩŋnɩ ɛ-maɣmaɣ ɛ-yɔɔ nɛ ɛlɩzɩ paɣtʋ nɛ mbʋ́ pʋwɛ tɩ-taa yɔ pu-ɖoŋ. Ḿbʋ́ yebina nɛ laŋhɛzɩyɛ wɛɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa. Ḿbʋ́ ɛpɩsɩ patɩŋa ɛyʋ kʋɖʋm, pʋdʋ kɛ kɩfalʋ.

Koloosi 2:16

Pʋ-yɔɔ lɛ, ɩtaaha nɔɔyʋ waɖɛ se ɛkpɛzɩnɩ-mɩ mbʋ́ ɩtɔkɩ yaa ɩñɔʋ yɔ pʋ-yɔɔ yaa mbʋ́ pʋwɛɛ se ɩla kazandʋ natʋyʋ wiye yaa ɩla alɩwaatʋ ndʋ́ fenaɣ kɩfalaɣ lɩɣ yɔ yaa kɩyakʋ kɩhɛzʋʋ wiye yɔ pʋ-yɔɔ.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

Ebree 2:5

Toovenim lɛ, Ɛsɔ taha e-tiyiyaa waɖɛ se pɔcɔnɩ kedeŋa ŋgá kakaɣ kɔm yɔ kɔ-yɔɔ. Kɔ-tɔm ɖɩɖɔŋ yɔɔdʋʋ.

Ebree 6:2

nɛ lɩm sɔʋ sɔnzɩ ndɩ ndɩ labʋ nɛ ɛyáa yɔɔ nesi tɩnʋʋ nɛ sɩɖaa fem nɛ tɔm hʋʋ maatɛŋ, pɔ-tɔm.

Ebree 6:5

nɛ pana se Ɛsɔtɔm wɛ ɖeu nɛ panɩɩ kedeŋa ɖoŋ weyi ɛkaɣ kɔm yɔ ɛ-taŋ.

Ebree 7:12

Mbʋ́ pʋyɔɔ yɔ, yee pɛlɛɣzɩ cɔjɔnaa liɖe yɔ, pʋwɛɛ se pɛlɛɣzɩ ɖɔɖɔ paɣtʋ.

Ebree 7:16

Pɩtɛkɛ paɣtʋ ndʋ́ ɛyáa ɖʋwa yɔ ńdʋ́ hanɩ-ɩ waɖɛ se ɛpɩsɩ cɔjɔ. Ɛlɛ́, wezuu ŋgʋ́ kɩfɛyɩ tɩnaɣ yɔ, ku-ɖoŋ taa ɛkɛ ḿbʋ́.

Ebree 9:1

Kajalaɣ nɔɔ haʋ kɛwɛnɩ paɣtʋ ndɩ ndɩ ɛzɩma mbʋ́ poluŋuu Ɛsɔ tɛɛ ɛ-ɖɩɣa taa tataa cɩnɛ yɔ pʋ-yɔɔ.