Ebree 8:3 - New Testament

³ Paa cɔjɔ sɔsɔ weyi lɛ, pasɩ-ɩ se ewoni Ɛsɔ haɖɛ nɛ kpɩna wena palaɣ Ɛsɔ ɛnʋ yɔ. Pʋ-yɔɔ lɛ, pʋwɛɛ se ɖɔ-cɔjɔ sɔsɔ ɖɔɖɔ ehiɣ nabʋyʋ nɛ ewoni ɛha-ɩ.

Ebree 8:3 ပူးပေါင်းရင်းမြစ်များ

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Room 4:25

Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.

Room 5:6

Toovenim lɛ, Krɩstʋ sɩba mbá ɖa ɖa-paa fɛyɩnɩ Ɛsɔ yɔ ɖɔ-yɔɔ alɩwaatʋ ndʋ́ Ɛsɔ ɖʋwa yɔ. Alɩwaatʋ ńdʋ́ lɛ, ɖɩtatɩɩwɛnɩdɩ ɖoŋ nɩɩyɩ.

Room 5:8

Ɛlɛ́, Ɛsɔ ñawɩlɩ-ɖʋ ɛzɩma mbʋ́ ɛsɔɔlɩ-ɖʋ yɔ. Mbʋ́ pʋyɔɔ yɔ, alɩwaatʋ ndʋ́ ɖɩɩkɛ kɩwɛɛkɩm laɖaa yɔ eyeba nɛ Krɩstʋ sɩ ɖɔ-yɔɔ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 5:1

Paa cɔjɔnaa ñʋʋdʋ weyi lɛ, ɛyáa hɛkʋ taa palɩzɩ-ɩ. Ɛ-tʋmɩyɛ lɛ se ewolo Ɛsɔ ɛsɩndaa nɛ ɛlɔ nɔɔ nɛ ɛcɛlɩ-ɩ haɖɛ ndɩ ndɩ nɖɩ́ pahawa yɔ nɛ ɛlaa-ɩ kɩlaŋ nɛ ɛ́lɛ́ kpeɣ-wɛ pa-kɩwɛɛkɩm.

Ebree 7:27

Ɛfɛyɩ ɛzɩ cɔjɔnaa ñʋndɩnaa lɛlaa yɔ. Mbʋ́ pʋyɔɔ yɔ, pʋpɔzʋʋ se palaɣ Ɛsɔ kɩyakɩŋ tɩŋa. Kajalaɣ lɛ, palaɣ pa-maɣmaɣ pa-kɩwɛɛkɩm yɔɔ. Pʋwayɩ lɛ, palaa ɛyáa tɩŋa ñɩmbʋ yɔɔ. Piyele Yesu lɛ, tam kʋɖʋm koŋ ɛla alɩwaatʋ ndʋ́ ɛkpaɣ ɛ-maɣmaɣ ɛ-tɩ nɛ ɛha ɛyáa kɩwɛɛkɩm yɔɔ yɔ.

Ebree 8:4

Ŋgʋ́, yee ɛɛwɛ kedeŋa yɔɔ yɔ, ɛtaatɩɩkɛʋ cɔjɔ maɣmaɣ nɛ pʋcɔ. Mbʋ́ pʋyɔɔ yɔ, cɔjɔnaa lɛlaa wɛɛ nɛ powokini Ɛsɔ haɖɛ ɛzɩ paɖʋʋ paɣtʋ taa yɔ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.