Ebree 7:6 - New Testament

⁶ Mɛlkisedɛɛkɩ ɛnʋ, ɛtaakɛ Leevi liɖe taa tʋ. Paa ḿbʋ́ yɔ, Abraham tayɩ ɛ-ñɩm tam hiu nɛ ɛkpaɣ pʋ-hɔɔlʋʋ kʋɖʋmʋʋ nɛ ɛcɛlɩ-ɩ nɛ ɛ́lɛ́ wazɩ ɛ-yɔɔ. Ŋgʋ́ Abraham ɛnʋ, Ɛsɔ kɛtɛm ɖʋʋ se ɛlakɩ-ɩ pʋyʋ.

Ebree 7:6 ပူးပေါင်းရင်းမြစ်များ

Tʋma Labʋ 3:25

Mbʋ́ Ɛsɔ ɖʋwa se ɛtɩŋɩɣnɩ náyaa yɔɔ nɛ ɛla yɔ, mɩtɩnɩ-pʋ. Mbʋ́ ɛɖʋwa se ɛlakɩ mɩ-cɔzɔnaa alɩwaatʋ ndʋ́ ɛha-wɛ nɔɔ yɔ, mɩtɩnɩ-pʋ ɖɔɖɔ. Mbʋ́ pʋyɔɔ yɔ, eeheyi Abraham se: ‹Matɩŋɩɣnɩ ñe-liɖe taa ñɩma yɔɔ nɛ mawazɩ kedeŋa yɔɔ ɛyáa kpeekpe yɔɔ.›

Room 4:13

Toovenim lɛ, pɩtɛkɛ paɣtʋ yɔɔ ɖɔm yɔɔ pɩtɩŋnaa nɛ Ɛsɔ heyi Abraham nɛ ɛ-sayɩnaa se pɔkɔŋ tɩɣyʋʋ kedeŋa kpeekpe. Ɛlɛ́, ɛwɛʋnɩ lidaʋ nɛ Ɛsɔ kpaɣ-ɩ se ɛkɛ kʋtʋʋzʋ yɔ, pʋ-yɔɔ pɩtɩŋnaa.

Room 9:4

Pɛkɛ Izrɛɛlɩ ñɩma: Ɛsɔ pɩsɩ-wɛ e-piya nɛ eyele nɛ pɛwɛɛ e-koboyaɣ taa. Ɛha-wɛ nɔsɩ nɛ ɛɖʋ-wɛ paɣtʋ nɛ ɛwɩlɩ-wɛ ɛzɩma mbʋ́ poluŋ ɛ-tɛɛ yɔ nɛ ɛɖʋ mbʋ́ mbʋ́ ɛlakɩ-wɛ yɔ.

Galaatɩ 3:16

Ɛsɔ ñaɖʋwa ɖɔɖɔ se ɛlakɩ Abraham nɛ ɛ-sayɩ pʋyʋ. Ɛlɛ́, patama se: «Abraham nɛ ɛ-sayɩnaa.» Ɛlɛ́, pamawa se: «Abraham nɛ ɛ-sayɩ.» Pʋ-yɔɔ lɛ, pɩtɛkɛ ɛyáa sakɩyɛ tɔm pamawa, ɛlɛ́, kʋɖʋm koŋ tɔm pamawa. Ɛnʋ lɛ Krɩstʋ.

Ebree 11:13

Mbá paawɛnɩ lidaʋ Ɛsɔ yɔɔ yɔ, pɔɖɔkɩ-kʋ ḿbʋ́ nɛ pʋcɔ pɔkɔɔ pasɩ patɩŋa payɩ. Ɛlɛ́, petehiɣ mbʋ́ Ɛsɔ kaɖʋwa se ɛhaɣ-wɛ yɔ. Polosi-pʋ kulosuu poliŋ taa nɛ pɔyɔɔdɩ se pɛkɛ agɔmaa nɛ ñɩtʋ sʋyaa yem kedeŋa yɔɔ cɩnɛ.

Ebree 11:17

Abraham kɛwɛnɩ lidaʋ Ɛsɔ yɔɔ, pʋ-yɔɔ ɛkpaɣ ɛ-pɩɣa ɛgbamɩyɛ Izaakɩ se ɛlaɣ-ɩ alɩwaatʋ ndʋ́ ɛ́lɛ́ takɩ-ɩ se ɛna ɛ-wayɩ yɔ. Etisaa se ɛlaɣ-kɛ. Ŋgʋ́, ɛɖʋwa se kɔ-yɔɔ ɛkɔŋ tɩŋnaʋ nɛ ɛha-ɩ sayɩnaa.

Ebree 7:1

Mɛlkisedɛɛkɩ ɛnʋ, ɛɛkɛ Saalɛm wiyaʋ nɛ ɛtɛ ɛkɛ Ɛsɔ Caabiyuu cɔjɔ. Abraham lɩnɩ awiya naayɛ ɖɩwaɖɛ nɛ ɛkɔŋ lɛ, Mɛlkisedɛɛkɩ katɩ-ɩ nɛ ɛwazɩ Abraham ɛnʋ ɛ-yɔɔ.

Ebree 7:7

Ŋgʋ́, paa weyi ɛsɩm ḿbʋ́ se sɔsɔ wazɩɣnɩ pɩɣa yɔɔ.