Ebree 7:3 - New Testament

³ Ɛfɛyɩnɩ caa yaa ɖoo yaa liɖe. Pɔtɔyɔɔdɩ ɛ-lʋlʋʋ yaa ɛ-sɩm tɔm ɖoli. Ɛnɩɣzɩnɩ Ɛsɔ Pɩyalʋ nɛ ɛkɛ cɔjɔ tam.

Ebree 7:3 ပူးပေါင်းရင်းမြစ်များ

Maatiyee 4:3

Peeɖe Satanɩ woba ɛ-cɔlɔ nɛ eheyi-i se: «Yee ŋnaɣ se ŋkɛ Ɛsɔ Pɩyalʋ yɔ, heyi pɛɛ anɛ se apɩsɩ tindine nɛ ŋtɔɔ.»

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Ebree 7:1

Mɛlkisedɛɛkɩ ɛnʋ, ɛɛkɛ Saalɛm wiyaʋ nɛ ɛtɛ ɛkɛ Ɛsɔ Caabiyuu cɔjɔ. Abraham lɩnɩ awiya naayɛ ɖɩwaɖɛ nɛ ɛkɔŋ lɛ, Mɛlkisedɛɛkɩ katɩ-ɩ nɛ ɛwazɩ Abraham ɛnʋ ɛ-yɔɔ.

Ebree 7:17

Mbʋ́ pʋyɔɔ yɔ, pama ɛ-tɔm Ɛsɔtɔm Takayaɣ taa se: «Ŋkɛɣ cɔjɔ tam ɛzɩ Mɛlkisedɛɛkɩ yɔ.»

Ebree 7:2

Peeɖe ɛ́lɛ́ tayɩ ɛ-ñɩm tɩŋa tam hiu nɛ ɛcɛlɩ-ɩ pʋ-hɔɔlʋʋ kʋɖʋmʋʋ. Mɛlkisedɛɛkɩ tɔbʋʋ se: «Toovenim wiyaʋ.» Đɔɖɔ lɛ, ɛkɛ Saalɛm wiyaʋ. Pʋbʋ tɔbʋʋ se: «Laŋhɛzɩyɛ wiyaʋ.»

Ebree 7:6

Mɛlkisedɛɛkɩ ɛnʋ, ɛtaakɛ Leevi liɖe taa tʋ. Paa ḿbʋ́ yɔ, Abraham tayɩ ɛ-ñɩm tam hiu nɛ ɛkpaɣ pʋ-hɔɔlʋʋ kʋɖʋmʋʋ nɛ ɛcɛlɩ-ɩ nɛ ɛ́lɛ́ wazɩ ɛ-yɔɔ. Ŋgʋ́ Abraham ɛnʋ, Ɛsɔ kɛtɛm ɖʋʋ se ɛlakɩ-ɩ pʋyʋ.