Ebree 7:27 - New Testament

²⁷ Ɛfɛyɩ ɛzɩ cɔjɔnaa ñʋndɩnaa lɛlaa yɔ. Mbʋ́ pʋyɔɔ yɔ, pʋpɔzʋʋ se palaɣ Ɛsɔ kɩyakɩŋ tɩŋa. Kajalaɣ lɛ, palaɣ pa-maɣmaɣ pa-kɩwɛɛkɩm yɔɔ. Pʋwayɩ lɛ, palaa ɛyáa tɩŋa ñɩmbʋ yɔɔ. Piyele Yesu lɛ, tam kʋɖʋm koŋ ɛla alɩwaatʋ ndʋ́ ɛkpaɣ ɛ-maɣmaɣ ɛ-tɩ nɛ ɛha ɛyáa kɩwɛɛkɩm yɔɔ yɔ.

Ebree 7:27 ပူးပေါင်းရင်းမြစ်များ

Room 6:10

Ɛsɩbʋ yɔ, ɛsɩba kpaagbaa sɩbʋ se kɩwɛɛkɩm ɛsɩɩ tɩnaɣ. Ɛlɛ́, lɛɛlɛɛyɔ ɛwɛʋ wezuu yɔ, ɛwɛ-kʋ se pɩkɛdɩnɩ Ɛsɔ.

Efɛɛzɩ 2:22

Ɛ-yɔɔ mɩ ɖɔɖɔ ɩwɛ mbá pamanɩ-kɛ se Ɛsɔ ɛtɩŋnɩ e-Fezuu Kiɖeɖeu yɔɔ nɛ ɛwɛɛ ka-taa yɔ pa-taa.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 5:1

Paa cɔjɔnaa ñʋʋdʋ weyi lɛ, ɛyáa hɛkʋ taa palɩzɩ-ɩ. Ɛ-tʋmɩyɛ lɛ se ewolo Ɛsɔ ɛsɩndaa nɛ ɛlɔ nɔɔ nɛ ɛcɛlɩ-ɩ haɖɛ ndɩ ndɩ nɖɩ́ pahawa yɔ nɛ ɛlaa-ɩ kɩlaŋ nɛ ɛ́lɛ́ kpeɣ-wɛ pa-kɩwɛɛkɩm.

Ebree 5:3

Ɛjandʋ ńdʋ́ tɩ-yɔɔ pʋwɛɛ se ɛlaa pʋyʋ ɛ-maɣmaɣ ɛ-kɩwɛɛkɩm yɔɔ nɛ ɛlaa ɖɔɖɔ lɛlaa ñɩmbʋ yɔɔ.

Ebree 8:4

Ŋgʋ́, yee ɛɛwɛ kedeŋa yɔɔ yɔ, ɛtaatɩɩkɛʋ cɔjɔ maɣmaɣ nɛ pʋcɔ. Mbʋ́ pʋyɔɔ yɔ, cɔjɔnaa lɛlaa wɛɛ nɛ powokini Ɛsɔ haɖɛ ɛzɩ paɖʋʋ paɣtʋ taa yɔ.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Ebree 9:25

Ɛtasʋʋ kɩ-tɛɛ se ɛlaa ɛ-tɩ tam sakɩyɛ ɛzɩ cɔjɔnaa ñʋʋdʋ kpɛndʋʋnɩ kpɩnɛ calɩm paa pɩnaɣ ŋ́gá nɛ ɛsʋʋ yɔ.

Ebree 9:26

Yee ḿbʋ́ pɩɩwɛɛ yɔ, ɖooo ɛzɩ palabʋ kedeŋa yɔ, Krɩstʋ kalabɩ kʋñɔŋ tam sakɩyɛ. Toovenim lɛ, lɛɛlɛɛyɔ ɛlɩ kpaagbaa lɩʋ kɛtɛzaɣ alɩwaatʋ tʋnɛ tɩ-taa se ɛha ɛ-tɩ nɛ palaa-ɩ nɛ Ɛsɔ hɛzɩ ɛyáa kɩwɛɛkɩm.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

Ebree 9:7

Ɛlɛ́, cɔjɔnaa ñʋʋdʋ ɖeke sʋwaɣnɩ kɩɖanɖʋʋ hɔɔlʋʋ naalɛ ñɩŋgʋ taa tam kʋɖʋm pɩnaɣ taa. Pʋwɛɛ se ewoni kpɩna wena ɛhaɣ Ɛsɔ yɔ a-calɩm ɛ-maɣmaɣ ɛ-kɩwɛɛkɩm nɛ mbʋ́ lɛlaa laba nɛ patatɩlɩ yɔ pʋ-yɔɔ.