Ebree 7:26 - New Testament

²⁶ Toovenim lɛ, Yesu lɛ cɔjɔ sɔsɔ weyi pʋmʋnaa se ɖɩwɛna yɔ: ɛwɛ cɩɖɩcɩɖɩ, paanaɣ ndʋ́ paawanɩ-ɩ yɔ, ɛtala kɩwɛɛkɩm nabʋyʋ. Ɛ nɛ kɩwɛɛkɩm laɖaa pɛfɛyɩ ɖoli kʋɖʋm, ɛwɛ ɖooo ɛsɔdaa.

Ebree 7:26 ပူးပေါင်းရင်းမြစ်များ

Maatiyee 27:18

Ɛpɔzɩ-wɛ ḿbʋ́, mbʋ́ pʋyɔɔ yɔ, ɛnawa se paanaɣ Yesu nɛ ɛsɩyɛ yɔɔ pakpa-ɩ nɛ powoni ɛ-cɔlɔ.

Maarkɩ 16:19

Kɩpaɣlʋ Yesu tɛm ɛ-tɔmkpɛlɩkɩyaa yɔɔdɩnaʋ ḿbʋ́ lɛ, pɩkpazɩ-ɩ ɛsɔdaa yem nɛ ɛcaɣ Ɛsɔ cɔlɔ lone kɩbanɖɛ taa.

Luka 1:35

Ɛ́lɛ́ cosi-i se: «Ɛsɔ Caabiyuu Fezuu Kiɖeɖeu tiki ñɔ-yɔɔ nɛ ki-ɖoŋ nɛ kihuuzi ñɔ-yɔɔ ɖeu ɛzɩ kuzotuu yɔ. Pʋ-yɔɔ pɩɣa ŋgá ŋlʋlʋʋ yɔ, kɛkɛɣ Ɛsɔ ñɩnʋ nɛ payaa-kɛ se: Ɛsɔ Pɩyalʋ.

Luka 23:22

Pilaatɩ tasɩ-wɛ pɔzʋʋ tozo ɖeɖe se: «Ɛlɛ́, ɛbɛ kpem ɛwɛɛkaa? Mantana mbʋ́ ɛwɛɛkaa nɛ pʋpɔzʋʋ se pakʋ-ɩ yɔ. Pʋ-yɔɔ lɛ, meyeki-i. Ɛlɛ́, pʋwɛɛ se polu-i agbazɛɛ nɛ pʋcɔ ɛɖɛɛ.»

Luka 23:41

Đa yɔ, pʋmʋnaa se paɖʋ-ɖʋ-kʋ ḿbʋ́ ɖa-lakasɩ kɩdɛkɛdɩsɩ yɔɔ. Ŋgʋ́ ɛnʋ yɔ, ɛtala kɩwɛɛkɩm nabʋyʋ.

Luka 23:47

Peeɖe Room sɔɔja sɔsɔ na mbʋ́ pɩtɩŋa pɩlaba yɔ nɛ ɛsa Ɛsɔ nɛ ɛtɔ se: «Ɛnɛ, ɛɛkɛ ɛyʋ kʋtʋʋzʋ toovenim!»

Luka 24:26

Pɩtaawɛɛ se Weyi Ɛsɔ Lɩzaa Yɔ, ɛtɔɔ kʋñɔŋ ḿbʋ́ nɛ pʋcɔ ɛsʋʋ e-koboyaɣ taa yaa we?»

Luka 24:46

nɛ eheyi-wɛ se: «Ndʋ́ pama ka-taa yɔ lɛ se pʋwɛɛ se Weyi Ɛsɔ Lɩzaa Yɔ, ɛtɔɔ kʋñɔŋ nɛ ɛsɩ nɛ pepim-i. Kɩyakʋ naadozo ñɩŋgʋ wiye lɛ, pefezi-i nɛ ɛlɩɩnɩ pɩlaʋ taa.

Yohanɛɛsɩ 14:30

Maatasɩɣ-mɩ yɔɔdɩnaʋ nɛ pʋɖɔɔ, mbʋ́ pʋyɔɔ yɔ, kedeŋa wiyaʋ ɛzaɣ́ʋ alɩwaatʋ talaa. Ɛfɛyɩnɩ ɖoŋ nɩɩyɩ mɔ-yɔɔ.

Yohanɛɛsɩ 8:29

Weyi etiyi-m yɔ, ɛwɛ mɔn-cɔlɔ, eteyebi-m men-ɖeke. Mbʋ́ pʋyɔɔ yɔ, malakɩ mbʋ́ pɩkɛdɩnɩ-ɩ yɔ alɩwaatʋ tɩŋa.»

Tʋma Labʋ 3:14

Ikizi Ɛsɔ Ɛyʋ Kʋtʋʋzʋ ɛnʋ nɛ ɩpɔzɩ Pilaatɩ se ɛlɩzɩ-mɩ ɛyáa kʋyʋ.

Tʋma Labʋ 4:27

Kɩpaɣlʋ! Pɩkɛ toovenim, mbʋ́ pʋyɔɔ yɔ, wiyaʋ Eroodi nɛ wiyaʋ Pɔɔnsɩ Pilaatɩ nɛ Izrɛɛlɩ ñɩma nɛ mbá pɛtɛkɛ Izrɛɛlɩ ñɩma yɔ, patam nɔɔ ña-tʋmlaɖʋ kɩbanʋ Yesu weyi ŋlɩzaa yɔ ɛ-yɔɔ tɛtʋ tʋnɛ tɩ-taa.

2 Kɔrɛntɩ 5:21

Krɩstʋ tala kɩwɛɛkɩm kaʋ. Ɛlɛ́, Ɛsɔ sʋʋ-ɩ ɖa-kɩwɛɛkɩm se ɖa nɛ ɩ ɖɛ-kpɛndʋʋ taa lɛ, ɖɩpɩsɩ ɛyáa kʋtʋʋzaa Ɛsɔ ɛnʋ ɛ-ɛsɩndaa» yɔ.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 2:10

Toovenim lɛ, Ɛsɔ labɩnɩ pɩtɩŋa payɩ nɛ pʋwɛɛ e-nesi taa. Yesu lɛ weyi ɛpazɩ ñʋʋ yabʋ tʋmɩyɛ yɔ. Pʋ-yɔɔ lɛ, pɩɩmʋnɩ ḿbʋ́ se ɛla kʋñɔŋ nɛ pʋcɔ ɛsʋʋ e-koboyaɣ taa. Ɛlabɩ ḿbʋ́ se ɛyáa sakɩyɛ ɛsʋʋ ka-taa ɖɔɖɔ.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 7:11

Ɛsɔ ɖʋ Izrɛɛlɩ ñɩma paɣtʋ se pala pɩtɩŋa ɛzɩ pʋmʋnaʋ yɔ. Ŋgʋ́, yee Leevi liɖe taa ñɩma ɛɛlaba ḿbʋ́ yɔ, pɩtaapɔzɩ ɖɔɖɔ se cɔjɔ nɔɔyʋ ɛtasɩ lɩʋ ɛzɩ Mɛlkisedɛɛkɩ yɔ nɛ ɛtalɩɩnɩ Aarɔɔnɩ liɖe taa.

Ebree 8:1

Tɔm ndʋ́ meheyiɣ-mɩ yɔ, tɩ-taa ndʋ́ tɩkɩlɩ wazaɣ yɔ lɛ se: ɖɩwɛnɩ cɔjɔ sɔsɔ nɔɔyʋ. Ɛcaɣ Ɛsɔ Đoŋ Tɩŋa Tʋ kewiyaɣ kpelaɣ cɔlɔ lone kɩbanɖɛ taa ɛsɔdaa.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

1 Pɩyɛ 1:19

Ɛlɛ́, Krɩstʋ weyi ɛwɛ ɛzɩ heɣa ŋgá kɔ-yɔɔ fɛyɩ azuluma yaa pɩtacam ko-ɖoli yɔ, ɛnʋ pala ɖɔ-yɔɔ. Kɩlaʋ ŋ́gʋ́ kɩkɩlɩnɩ wazaɣ.

1 Pɩyɛ 2:22

Ɛtala kɩwɛɛkɩm nabʋyʋ. Wiɖiyi patanɩɩ ɛ-nɔɔ taa cɛtɩm tɔm natʋyʋ.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

1 Yohanɛɛsɩ 3:5

Ŋgʋ́, ɩnawa se Yesu Krɩstʋ kɔm kedeŋa yɔɔ se ɛlɩzɩ ɛyáa pa-kɩwɛɛkɩm taa, ɛtala kɩwɛɛkɩm nabʋyʋ.

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se: