Ebree 7:25 - New Testament

²⁵ Pʋ-yɔɔ ɛpɩzɩɣ ɛya mbá patɩŋɩɣnɩ ɛ-yɔɔ nɛ pañɩnɩɣ Ɛsɔ yɔ pa-ñʋʋ kpem. Mbʋ́ pʋyɔɔ yɔ, ɛwɛ wezuu tam nɛ etendiɣ Ɛsɔ pɔ-yɔɔ.

Ebree 7:25 ပူးပေါင်းရင်းမြစ်များ

Yohanɛɛsɩ 14:13

Mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ, malakɩ-pʋ se pɩtɩŋnɩ mɔ-yɔɔ nɛ man-Caa hɩɖɛ sɛɛ.

Yohanɛɛsɩ 14:16

Ma lɛ, mankaɣ tenduu Caa se ɛtasɩ-mɩ tiyinaʋ Sɩnɩyʋ nɔɔyʋ nɛ ɛwɛɛ mɩ-cɔlɔ tam:

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Room 5:10

Đɩɩkɛ Ɛsɔ koyindinaa. Ɛlɛ́, eyele nɛ pɩtɩŋnɩ ɛ-Pɩyalʋ sɩm yɔɔ nɛ ɖa nɛ ɩ ɖɛ-hɛkʋ taa ñɔɔzɩ. Yee ɖa nɛ ɩ ɖɛ-hɛkʋ taa ɛñɔɔzaa lɛ, ɛzɩma ɛɛpɩzɩɣ ɛtɩŋnɩ ɛ-Pɩyalʋ wezuu yɔɔ nɛ ɛya ɖa-ñʋʋ yɔ?

Room 5:2

Ɛ-yɔɔ pɩtɩŋnaa nɛ ɖɩpɩzɩ ɖɩwɛnɩ lidaʋ Ɛsɔ yɔɔ nɛ pɩha-ɖʋ waɖɛ se ɖɩtɩlɩ lootiye nɖɩ́ ɛlabɩ-ɖʋ nɛ ɖɩhaɣ-ɖʋ ɖoŋ yɔ. Pʋ-yɔɔ ɖɩkʋndʋʋ nɛ ɖɩtaɣ liu se ɖa nɛ Ɛsɔ ɛnʋ ɖɩkɔŋ wɛʋ e-koboyaɣ taa.

Room 8:34

Apɩzɩɣ ɛkʋ pɔ-tɔm? Nɔɔyʋ fɛyɩ, mbʋ́ pʋyɔɔ yɔ, Krɩstʋ Yesu sɩbɩna. Pɩtasɩɩnɩ pi-ɖeke, ɛlɛ́, efema nɛ ɛlɩɩnɩ sɩɖaa taa. Ɛwɛ Ɛsɔ cɔlɔ lone kɩbanɖɛ taa nɛ etendiɣ-i nɛ ɖɔ-nɔɔ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

Efɛɛzɩ 2:18

Mbʋ́ pʋyɔɔ yɔ, ɛ-yɔɔ pɩtɩŋnaa nɛ pɩha Yuda ñɩma nɛ mbá pɛtɛkɛ Yuda ñɩma yɔ waɖɛ se paa weyi ɛtɩŋnɩ Fezuu Kiɖeɖeu yɔɔ nɛ ewolo Caa cɔlɔ. Fezuu Kiɖeɖeu kʋɖʋmʋʋ kɔŋ wɛna.

Efɛɛzɩ 3:12

Ɛ-yɔɔ pɩtɩŋɩɣnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ pɩhaɣ-ɖʋ waɖɛ se ɖiwolo Ɛsɔ cɔlɔ kaalɛyɩtʋ.

Efɛɛzɩ 3:20

Ɛnʋ weyi ɛlakɩ tʋmɩyɛ ɖa-taa nɛ e-ɖoŋ yɔ, ɛpɩzɩɣ ɛlabɩ-ɖʋ nɛ pɩkɩlɩ mbʋ́ ɖɩpɔzʋʋ-ɩ yɔ yaa mbʋ́ ɖɩmaɣzɩɣ yɔ kpem.

Filiipu 3:21

Ɛnʋ kɔŋnɩ lɛɣzʋʋ ɖo-tomnaɣ pʋtɔdɩyɛ ñɩŋga ŋgá ɖɩwɛnɩ kedeŋa yɔɔ cɩnɛ yɔ nɛ kapɩsɩ koboyaɣ ñɩŋga ɛzɩ ɛ-ñɩŋga yɔ. E-ɖoŋ weyi ɛwakɩnɩ pɩtɩŋa payɩ yɔ ɛlakɩnɩ ḿbʋ́.

1 Timootee 2:5

Mbʋ́ pʋyɔɔ yɔ, Ɛsɔ kʋɖʋm koŋ wɛna nɛ ceyiyu kʋɖʋm koŋ ñɛwɛɛ Ɛsɔ ɛnʋ nɛ ɛyáa pɛ-hɛkʋ taa nɛ patɩŋɩɣnɩ ɛ-yɔɔ. Ɛnʋ lɛ Krɩstʋ Yesu.

2 Timootee 1:12

Pʋ-yɔɔ mɔntɔkɩ kʋñɔŋ kʋnɛ yɔ. Ɛlɛ́, fɛyɛ ɛɛkpaɣ-m nɛ kʋ, mbʋ́ pʋyɔɔ yɔ, mansɩm weyi ɛ-yɔɔ mɛwɛnɩ lidaʋ yɔ nɛ mana siŋŋ se ɛpɩzɩɣ ɛcɔnɩ mbʋ́ ɛɖʋzɩ me-nesi taa yɔ pʋ-yɔɔ nɛ pʋkɔɔ pɩsɩɩnɩ kɩyakʋ ŋgʋ́ ɛɖʋwa yɔ.

Ebree 11:6

Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Ebree 13:15

Đɩtɩŋnɩ Yesu yɔɔ nɛ ɖɩsa Ɛsɔ tam. Samtʋ ndʋ́ tɩlɩɣnɩ ɖɔ-nɔɔ taa alɩwaatʋ ndʋ́ ɖɩyɔɔdʋʋ se ɛnʋ lɛ Kɩpaɣlʋ yɔ, tɩwɛ ɛzɩ kɩlaʋ yɔ. Pʋ-tɔbʋʋ se ɖɩsam-ɩ paa ɖooye.

Ebree 2:18

Ɛ-maɣmaɣ ɛlabɩ kʋñɔŋ alɩwaatʋ ndʋ́ pɩtakɩ-ɩ yɔ. Pʋ-yɔɔ ɛpɩzɩɣ ɛsɩnɩ mbá pɩtakɩɣ-wɛ yɔ.

Ebree 2:9

Ɛlɛ́, Ɛsɔ yeba nɛ Yesu luzi ɛ-tɩ Ɛsɔ ɛnʋ e-tiyiyaa tɛɛ alɩwaatʋ pazɩ. Ɛlabɩ ḿbʋ́ se pɩtɩŋnɩ e-lootiye yɔɔ nɛ Yesu sɩ ɛyáa tɩŋa payɩ yɔɔ. Ɛnʋ ɖɩnaɣ lɛɛlɛɛyɔ, Ɛsɔ pam-ɩ koboyaɣ hulaɣ nɛ ɛɖʋ-ɩ hɩɖɛ sɩm mbʋ́ ɛlabɩ kʋñɔŋ nɛ ɛsɩ yɔ pʋ-yɔɔ.

Ebree 5:7

Yesu kɛwɛ kedeŋa yɔɔ cɩnɛ lɛ, ɛsɛɣaɣ Ɛsɔ nɛ kubusi nɛ ɛsɩtɛɣlɩm. Etendaɣ-ɩ, mbʋ́ pʋyɔɔ yɔ, e-ɖeke ɛpɩzɩɣnɩ ɛlɩzɩ-ɩ sɩm taa. Ɛ-ñamtʋ siŋŋ yɔɔ lɛ, ɛ́lɛ́ nɩɩnɩ-ɩ.

Ebree 7:16

Pɩtɛkɛ paɣtʋ ndʋ́ ɛyáa ɖʋwa yɔ ńdʋ́ hanɩ-ɩ waɖɛ se ɛpɩsɩ cɔjɔ. Ɛlɛ́, wezuu ŋgʋ́ kɩfɛyɩ tɩnaɣ yɔ, ku-ɖoŋ taa ɛkɛ ḿbʋ́.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Ebree 7:24

Ɛlɛ́, Yesu ñɛwɛ wezuu tam. Pɩɩpɔzʋʋ se pɛcɛlɩ nɔɔyʋ ɛ-cɔjɔtʋ tʋmɩyɛ.

Ebree 7:8

Leevi piya mbá Izrɛɛlɩ ñɩma tayɩɣ pa-ñɩm tam hiu nɛ pɛcɛlɩɣ-wɛ pʋ-hɔɔlʋʋ kʋɖʋmʋʋ yɔ, pasɩkɩ ɖɔɖɔ ɛzɩ ɛyáa lɛlaa yɔ. Piyele Mɛlkisedɛɛkɩ yɔ, ɛ-tɔm pama Ɛsɔtɔm Takayaɣ taa se ɛwɛ wezuu.

Ebree 9:24

Mbʋ́ pʋyɔɔ yɔ, Krɩstʋ tasʋʋ kɩɖanɖʋʋ ŋgʋ́ ɛyáa siɣaa yɔ kɩ-tɛɛ. Ŋ́gʋ́ lɛ ɛsɔdaa ñɩŋgʋ lɛzʋʋ. Ɛlɛ́, ɛkpa ɛsɔdaa maɣmaɣ se ewolo Ɛsɔ cɔlɔ lɛɛlɛɛyɔ nɛ ɖɔ-nɔɔ.

Yuudi 1:24

Pasa weyi ɛpɩzɩɣ ehuuzi mɩ-yɔɔ se ɩtaatɔlɩ kaʋ yɔ. Ɛnʋ yekina se ɩwɛɛ cɩɖɩcɩɖɩ nɛ iwolo ɛ-cɔlɔ e-koboyaɣ taa nɛ mɩ-laŋa hʋlʋmɩ poyi poyi. Ɛnʋ lɛ Ɛsɔ kʋɖʋm koŋ weyi ɛwɛɛ yɔ. Ɛnʋ tɩŋnɩnɩ ɖa-Kɩpaɣlʋ Yesu Krɩstʋ yɔɔ nɛ ɛya ɖa-ñʋʋ. Pasam-ɩ nɛ paɖʋ-ɩ hɩɖɛ. Ɛwɛnɩ ɖoŋ tɩŋa nɛ ɛcɔŋnɩ pɩtɩŋa pʋ-yɔɔ. Ḿbʋ́ pɩɩwɛ ɖooo kiɖe tɛɛ. Pʋwɛɛ ḿbʋ́ lɛɛlɛɛyɔ, pʋwɛɛ ɖɔɖɔ ḿbʋ́ tam! Pɩla ḿbʋ́!