Ebree 7:19 - New Testament

¹⁹ Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Ebree 7:19 ပူးပေါင်းရင်းမြစ်များ

Yohanɛɛsɩ 1:17

Toovenim lɛ, Mooyiizi yɔɔ Ɛsɔ tɩŋnaa nɛ ɛɖʋ-ɖʋ paɣtʋ. Ɛlɛ́, Yesu Krɩstʋ yɔɔ ɛtɩŋnaa nɛ ɛlabɩ-ɖʋ lootiye nɛ ɛwɩlɩ-ɖʋ toovenim.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Tʋma Labʋ 13:39

Weyi ɛwɛnɩ lidaʋ ɛ-yɔɔ yɔ, peɖeziɣ-i Ɛsɔ ɛsɩndaa mbʋ́ pɩtɩŋa pɩ-taa Mooyiizi paɣtʋ ñaapɩzɩɣ tiɖezi-i yɔ.

Room 5:2

Ɛ-yɔɔ pɩtɩŋnaa nɛ ɖɩpɩzɩ ɖɩwɛnɩ lidaʋ Ɛsɔ yɔɔ nɛ pɩha-ɖʋ waɖɛ se ɖɩtɩlɩ lootiye nɖɩ́ ɛlabɩ-ɖʋ nɛ ɖɩhaɣ-ɖʋ ɖoŋ yɔ. Pʋ-yɔɔ ɖɩkʋndʋʋ nɛ ɖɩtaɣ liu se ɖa nɛ Ɛsɔ ɛnʋ ɖɩkɔŋ wɛʋ e-koboyaɣ taa.

Room 7:7

Se we ɖɩɩyɔɔdɩ yɔ? Mooyiizi paɣtʋ kɛ kɩwɛɛkɩm naa we? Pɩtɛkɛ ḿbʋ́ kpem! Ɛlɛ́, tɩ-yɔɔ pɩtɩŋnaa nɛ mantɩlɩ mbʋ́ pɩkɛ kɩwɛɛkɩm yɔ. Mbʋ́ pʋyɔɔ yɔ, yee pataaɖʋ tɩ-taa se: «Taaɖʋ ɛsɩyɛ lɛlʋ ñɩm yɔɔ» yɔ, mantaatɩlɩ mbʋ́ ɛsɩyɛ ɖʋʋ kɛnaa yɔ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Galaatɩ 2:16

Đɩnawa se pɩtɛkɛ weyi ɛɖɔŋ paɣtʋ ńdʋ́ tɩ-yɔɔ yɔ lɛ kʋtʋʋzʋ Ɛsɔ ɛsɩndaa. Ɛlɛ́, weyi ɛwɛnɩ lidaʋ Krɩstʋ Yesu yɔɔ yɔ lɛ kʋtʋʋzʋ. Pʋ-yɔɔ ɖa ɖɔɖɔ ɖɩwɛnɩ lidaʋ ɛ-yɔɔ se pɩtɩŋnɩ kʋ-yɔɔ nɛ ɖɩkɛ kʋtʋʋzaa Ɛsɔ ɛsɩndaa. Ɛlɛ́, pɩtaakɛna se ɖɩɖɔŋ paɣtʋ yɔɔ yɔɔ. Mbʋ́ pʋyɔɔ yɔ, nɔɔyʋ ɛɛkɛɣ kʋtʋʋzʋ Ɛsɔ ɛsɩndaa se ɛɖɔŋ ɛ-paɣtʋ yɔɔ.

Galaatɩ 3:21

Pɩwɩlɩɣ se paɣtʋ kʋyʋʋ mbʋ́ Ɛsɔ ɖʋwa se ɛlakɩ yɔ pʋ-yɔɔ yaa we? Toovenim lɛ, pɩtɛkɛ ḿbʋ́! Yee paaɖʋ paɣtʋ natʋyʋ nɛ tɩhaɣ ɛyáa wezuu yɔ, tɩɩpɩzaa nɛ tɩpɩsɩ-wɛ kʋtʋʋzaa Ɛsɔ ɛsɩndaa. Ŋgʋ́, pataɖʋ natʋyʋ ḿbʋ́.

Galaatɩ 3:24

Ḿbʋ́ paɣtʋ kɔcɔnɩ ɖɔ-yɔɔ nɛ pʋkɔɔ pɩsɩɩnɩ alɩwaatʋ ndʋ́ Krɩstʋ kɔma yɔ. Ɛkɔm se pɩtɩŋnɩ ɖe-lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ ɖɩpɩsɩ kʋtʋʋzaa Ɛsɔ ɛsɩndaa.

Efɛɛzɩ 3:12

Ɛ-yɔɔ pɩtɩŋɩɣnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ pɩhaɣ-ɖʋ waɖɛ se ɖiwolo Ɛsɔ cɔlɔ kaalɛyɩtʋ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

1 Timootee 1:1

Ma Pɔɔlɩ, ɖa-ñʋʋ yaɖʋ Ɛsɔ nɛ Krɩstʋ Yesu weyi ɖɩtaɣ liu yɔ pahanɩ-m nɔɔ se mɛnkɛ Krɩstʋ Yesu tiyiyu.

Ebree 10:1

Ñɩm kɩbam mbʋ́ Krɩstʋ kɔnaa yɔ, Mooyiizi paɣtʋ kɛnɩ pɩ-kɩlɛmʋʋ yem. Tɩtɛkɛ pɩ-maɣmaɣ. Tɩɩpɩzɩɣ tɩñɔɔzɩ ɛyáa nɛ papɩsɩ kɩbama nɛ powolo Ɛsɔ cɔlɔ: ɛzɩma tɩpɩzɩɣ tɩtɩŋnɩ kɩlaŋ weyi palaɣ pɩnzɩ tɩŋa payɩ nɛ pɩfɛyɩ tɩnaɣ yɔ ɩ-yɔɔ nɛ tɩñɔɔzɩ ɛyáa?

Ebree 11:40

Mbʋ́ pʋyɔɔ yɔ, Ɛsɔ kaɖʋwa se ɛlakɩ-ɖʋ mbʋ́ pɩkɩlɩ ɖeu ḿbʋ́ yɔ. Ɛlɛ́, ɛtaasɔɔlɩ se pɛkɛ mbá pamʋnaa yɔ nɛ piyebi-ɖʋ.

Ebree 11:6

Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 4:16

Pʋ-yɔɔ lɛ, pʋwɛɛ se ɖɩñɔtɩnɩ Ɛsɔ kewiyaɣ kpelaɣ kaalɛyɩtʋ, kɔ-cɔlɔ lootiye wɛɛ. Đɩlabɩ ḿbʋ́ yɔ, ɛnaɣ ɖa-pʋtɔdɩyɛ nɛ ɛlabɩ-ɖʋ lootiye nɛ ɛsɩnɩ-ɖʋ alɩwaatʋ ndʋ́ pʋpɔzʋʋ yɔ.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

Ebree 7:11

Ɛsɔ ɖʋ Izrɛɛlɩ ñɩma paɣtʋ se pala pɩtɩŋa ɛzɩ pʋmʋnaʋ yɔ. Ŋgʋ́, yee Leevi liɖe taa ñɩma ɛɛlaba ḿbʋ́ yɔ, pɩtaapɔzɩ ɖɔɖɔ se cɔjɔ nɔɔyʋ ɛtasɩ lɩʋ ɛzɩ Mɛlkisedɛɛkɩ yɔ nɛ ɛtalɩɩnɩ Aarɔɔnɩ liɖe taa.

Ebree 7:20

Yesu cɔjɔtʋ wɛ ndɩ nɛ lɛlaa ñɩndʋ. Mbʋ́ pʋyɔɔ yɔ, Ɛsɔ ɖuwaa nɛ pʋcɔ ɛkɛ cɔjɔ. Piyele lɛlaa yɔ, etoɖuu.

Ebree 7:25

Pʋ-yɔɔ ɛpɩzɩɣ ɛya mbá patɩŋɩɣnɩ ɛ-yɔɔ nɛ pañɩnɩɣ Ɛsɔ yɔ pa-ñʋʋ kpem. Mbʋ́ pʋyɔɔ yɔ, ɛwɛ wezuu tam nɛ etendiɣ Ɛsɔ pɔ-yɔɔ.

Ebree 8:6

Ɛlɛ́ lɛɛlɛɛyɔ, paɖʋ Krɩstʋ tʋmɩyɛ nɖɩ́ ɖɩkɩlɩ pa-ñɩna yɔ. Mbʋ́ pʋyɔɔ yɔ, ɛnʋ lɛ ceyiyu nɔɔ haʋ mbʋ́ pɩkɩlɩ ɖeu nɛ pʋwɛɛ Ɛsɔ nɛ ɛyáa pɛ-hɛkʋ taa yɔ pɩ-taa. Halɩ mbʋ́ Ɛsɔ ɖʋwa se ɛlakɩ nɔɔ haʋ ḿbʋ́ pɩ-taa yɔ, pɩkɩlɩ ɖeu.

Ebree 9:9

Ḿbʋ́ wɩlɩɣnɩ alɩwaatʋ ndʋ́ ɖɩwɛ tɩ-taa lɛɛlɛɛyɔ yɔ. Pʋ-tɔbʋʋ se haɖɛ nɛ kpɩna wena palaɣ Ɛsɔ yɔ, paapɩsɩɣ mbá palakɩ kʋjɔŋ ɩnʋ yɔ kʋtʋʋzaa Ɛsɔ ɛsɩndaa.

Yakubu 4:8

Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.