Ebree 7:18 - New Testament

¹⁸ Ḿbʋ́ peyebi paɣtʋ kɩbɩndʋ se tɩfɛyɩ ɖoŋ, tɩɩwazɩɣ pʋyʋ.

Ebree 7:18 ပူးပေါင်းရင်းမြစ်များ

Tʋma Labʋ 13:39

Weyi ɛwɛnɩ lidaʋ ɛ-yɔɔ yɔ, peɖeziɣ-i Ɛsɔ ɛsɩndaa mbʋ́ pɩtɩŋa pɩ-taa Mooyiizi paɣtʋ ñaapɩzɩɣ tiɖezi-i yɔ.

Room 3:31

Pɩwɩlɩɣ se lidaʋ yɔɔ lɛ, paɣtʋ tɛkɛ pʋyʋ yaa we? Toovenim lɛ, pɩtɛkɛ ḿbʋ́! Ɛlɛ́, ɖɩwɛnɩ lidaʋ yɔ, ɖɩwɩlɩɣ mbʋ́ paɣtʋ kɛnaa kpem yɔ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Galaatɩ 3:15

Taabalaa! Đɩkpaɣ mbʋ́ ɛyáa lakɩ nɛ ɖɩkɛdɩnɩ mbʋ́ Ɛsɔ laba yɔ: yee nɔɔyʋ ɛɖʋ ɛzɩma mbʋ́ patayɩ ɛ-ñɩm ɛ-sɩm wayɩ nɛ ɛ-ñɩɣ niye yɔ, nɔɔyʋ ɛɛpɩzɩɣ ekizini-i yaa ɛɖʋ nɔɔ pɩ-taa.

Galaatɩ 3:17

Iwelesi nɛ ɩnɩɩ tɔm ndʋ́ mancaɣ-mɩ heyuu yɔ. Ńdʋ́ lɛ se: Ɛsɔ kaɖʋwa se ɛlakɩ Abraham pʋyʋ nɛ ɛñɩɣ niye. Pɩnzɩ nasɩnaza nɛ niidozo ɖɛwa lɛ, ɛɖʋ Yuda ñɩma paɣtʋ. Ɛlɛ́, tɩɩpɩzɩɣ tɩwɛɛkɩ mbʋ́ ɛɖʋwa se ɛlakɩ-ɩ yɔ.

Galaatɩ 3:21

Pɩwɩlɩɣ se paɣtʋ kʋyʋʋ mbʋ́ Ɛsɔ ɖʋwa se ɛlakɩ yɔ pʋ-yɔɔ yaa we? Toovenim lɛ, pɩtɛkɛ ḿbʋ́! Yee paaɖʋ paɣtʋ natʋyʋ nɛ tɩhaɣ ɛyáa wezuu yɔ, tɩɩpɩzaa nɛ tɩpɩsɩ-wɛ kʋtʋʋzaa Ɛsɔ ɛsɩndaa. Ŋgʋ́, pataɖʋ natʋyʋ ḿbʋ́.

Galaatɩ 4:21

Mbá mɩ mi-liu wɛɛ se paɣtʋ ɛwɛnɩ ɖoŋ mɩ-yɔɔ yɔ, iheyi-m nɛ mana se ɩnɩ ndʋ́ paɖʋ tɩ-taa yɔ yaa ɩtanɩɩ?

Galaatɩ 4:9

Ɛlɛ́, lɛɛlɛɛyɔ, ɩsɩm Ɛsɔ nɛ halɩ ɛ́lɛ́ ñasɩm-mɩ. Pɩlabɩ ɛzɩma nɛ ɩcaɣ se ɩɖaɣnɩ pɩsʋʋ kedeŋa yɔɔ cɩnɛ ɖoŋ weyi ɩɩpɩzɩɣ pʋyʋ nɛ ɩɩwazɩɣ pʋyʋ yɔ ɩ-wayɩ se ɩpɩsɩ-mɩ yomaa?

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.