Ebree 6:9 - New Testament

⁹ Mɛ-ɛgbaɣdɩnaa! Paa ɖɩyɔɔdɩ ḿbʋ́ yɔ, ɖɩtaɣ-mɩ liu siŋŋ se ɩwɛ nʋmɔʋ kɩbaŋgʋ taa, ŋ́gʋ́ lɛ ñʋʋ yabʋ nʋmɔʋ.

Ebree 6:9 ပူးပေါင်းရင်းမြစ်များ

Maarkɩ 16:16

Yee nɔɔyʋ etisaa lɛ, ɩlabɩ-ɩ lɩm sɔʋ sɔnzɩ nɛ Ɛsɔ ya ɛ-ñʋʋ. Ɛlɛ́, yee nɔɔyʋ ekizaa yɔ, Ɛsɔ kʋʋ ɛ-tɔm.

Tʋma Labʋ 11:18

Panɩ tɔm ńdʋ́ lɛ, pɛhɛzɩ pa-tɩ nɛ pasaŋ Ɛsɔ se: «Yee ḿbʋ́, Ɛsɔ yebi ɖɔɖɔ se halɩ mbá pɛtɛkɛ Yuda ñɩma yɔ, pɛlɛɣzɩ wɛtʋ nɛ pehiɣ wezuu!»

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

1 Kɔrɛntɩ 10:14

Pʋ-yɔɔ lɛ, mɛ-ɛgbaɣdɩnaa, iyele agɔlɩma tɔm kpem.

2 Kɔrɛntɩ 12:19

Pʋtɔma ɩmaɣzaɣ mɩ-taa ɖooo lɔŋ se ɖɩcaɣ se ɖiɖezi ɖa-tɩ mɩ-cɔlɔ. Taabalaa kʋsɔɔlaa, ɖa nɛ Krɩstʋ ɖɩkpɛndaa yɔɔ ɖɩyɔɔdʋʋ ḿbʋ́ Ɛsɔ ɛsɩndaa. Điheyiɣ-mɩ pɩtɩŋa payɩ ḿbʋ́ se ɩtɛzɩ pɩʋ Ɛsɔ nʋmɔʋ taa.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

2 Kɔrɛntɩ 7:10

Toovenim lɛ, laŋwɛɛkɩyɛ nɖɩ́ ɖɩlɩnɩ Ɛsɔ cɔlɔ yɔ, ɖiyeki nɛ ɛyʋ lɛɣzɩ wɛtʋ nɛ ehiɣ ñʋʋ yabʋ, eekpiɖiɣ. Piyele kedeŋa laŋwɛɛkɩyɛ ñɔkɔŋnɩ sɩm.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.

Ebree 10:39

Đa lɛ, ɖɩfɛyɩ mbá papɩsɩɣnɩ pa-tɩ nɛ wayɩ se pele yɔ pa-taa. Ɛlɛ́, ɖɩwɛnɩ lidaʋ Ɛsɔ yɔɔ se ɖa-ciyamnaa ehiɣ ñʋʋ yabʋ.

Ebree 2:3

Yee ḿbʋ́ pʋwɛɛ lɛ, ɛzɩma ɖa ɖapɩzɩɣ ɖɩlɩɩ pɩ-taa alɩwaatʋ ndʋ́ ɖɩtakpaɣ ñʋʋ yabʋ siŋŋ tɔm tʋnɛ nɛ ɖɩyaa pʋyʋ yɔ? Kɩpaɣlʋ Yesu calɩnɩ pʋ-tɔm yɔɔdʋʋ nɛ mbá panɩ-tʋ yɔ, paɖaɣnɩ-ɖʋ-tʋ heyuu se tɩkɛ toovenim.

Ebree 5:9

Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

Ebree 6:10

Ɛsɔ lɛ weyi ɛhʋʋ tɔm nɛ toovenim yɔ. Ɛɛsɔʋ mɩ-camɩyɛ lakasɩ yɔɔ. Ɛɛsɔʋ ɖɔɖɔ sɔɔlɩm mbʋ́ ɩsɔɔlɩ-ɩ nɛ ɩtɩŋɩɣnɩ pʋ-yɔɔ nɛ ɩsɩŋnɩ ɛ-ñɩma yɔ pʋyɔɔ. Ḿbʋ́ ɖɔɖɔ ɩwɛɛ ɩlakɩ lɛɛlɛɛyɔ.

1 Pɩyɛ 2:11

Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.

2 Pɩyɛ 3:1

Mɛ-ɛgbaɣdɩnaa, ɩɩnaɣ takayaɣ naalɛ ñɩŋga ŋgá mamaɣ-mɩ yɔ. Ka nɛ kajalaɣ ñɩŋga sɩ-naalɛ sɩ-taa lɛ, mancaɣ se mɔntɔzɩ-mɩ mbʋ́ ɩtɛm sɩm yɔ nɛ menfezi mɩ-lɩmaɣza nɛ ɩmaɣzɩ camɩyɛ.

1 Yohanɛɛsɩ 2:7

Mɛ-ɛgbaɣdɩnaa! Pɩtɛkɛ paɣtʋ kɩfatʋ natʋyʋ tɔm mamaɣ se meheyi-mɩ. Ɛlɛ́, kɩbɩndʋ ndʋ́ peheyi-mɩ ɖooo kiɖe tɛɛ nɛ itisi yɔ, tɩ-tɔm mamaɣ-mɩ. Paɣtʋ kɩbɩndʋ ńdʋ́ lɛ tɔm ndʋ́ ɩnɩwa yɔ.

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.