Ebree 6:5 - New Testament

⁵ nɛ pana se Ɛsɔtɔm wɛ ɖeu nɛ panɩɩ kedeŋa ɖoŋ weyi ɛkaɣ kɔm yɔ ɛ-taŋ.

Ebree 6:5 ပူးပေါင်းရင်းမြစ်များ

Maatiyee 12:32

Weyi ɛyɔɔdʋʋ Ɛyʋ Pɩyalʋ ma tɔm ɛzaɣ́tʋ yɔ, Ɛsɔ kpeɣiɣ-i. Ɛlɛ́, weyi ɛyɔɔdʋʋ Fezuu Kiɖeɖeu tɔm ɛzaɣ́tʋ yɔ, Ɛsɔ eekpeɣiɣ pʋdʋ sɔnɔ nɛ cee.»

Maarkɩ 6:20

Wiyaʋ Eroodi seɣaɣ Yohanɛɛsɩ nɛ ɛɖaŋɩɣ ɛ-yɔɔ. Mbʋ́ pʋyɔɔ yɔ, ɛsɩm-ɩ se ɛkɛ Ɛsɔ ñɩnʋ weyi ɛtʋʋzaa yɔ. Ɛyɔɔdʋʋ tɔm nɛ Eroodi nɩɣ lɛ, pɩcɛyɩɣ-ɩ. Ŋgʋ́, e-liu kɛwɛɛ se ewelesini-i siŋŋ.

Luka 8:13

Mbá paba wɛ ɛzɩ ɛwaɣ ŋgá kɔ-yɔɔ pee tɔlaa yɔ, panɩɣ-tʋ lɛ, petisi kpaagbaa nɛ laŋhʋlʋmɩyɛ. Ɛlɛ́, paayeki se tɩlabɩ-wɛ tʋmɩyɛ camɩyɛ. Pɛwɛɣnɩ lidaʋ tɩ-yɔɔ alɩwaatʋ pazɩ nɛ pʋkɔɔ pɩtakɩɣ-wɛ lɛ, pɔlɔ-kʋ.

Efɛɛzɩ 6:17

Ɩkpaɣ ɖɔɖɔ mɩ-ñʋʋ yabʋ ɛzɩ you hulaɣ yɔ nɛ Ɛsɔtɔm ɛzɩ you sɩɣa ŋgá e-Fezuu Kiɖeɖeu cɛlɩ-mɩ yɔ.

Ebree 11:3

Đɩwɛnɩ lidaʋ Ɛsɔ yɔɔ yɔɔ ɖɩtɩlaa se ɛ-tɔm ɛlabɩnɩ kedeŋa. Pʋ-yɔɔ ɖɩtɩlaa ɖɔɖɔ se ɛkpaɣ mbʋ́ paanaɣ yɔ nɛ ɛlabɩnɩ mbʋ́ panaɣ yɔ.

Ebree 2:5

Toovenim lɛ, Ɛsɔ taha e-tiyiyaa waɖɛ se pɔcɔnɩ kedeŋa ŋgá kakaɣ kɔm yɔ kɔ-yɔɔ. Kɔ-tɔm ɖɩɖɔŋ yɔɔdʋʋ.

Ebree 4:12

Mbʋ́ pʋyɔɔ yɔ, Ɛsɔtɔm wɛ wezuu nɛ tɩwɛɛ ɖoŋ ɖɔɖɔ. Tɩwɛ lɔŋ nɛ pɩkɩlɩ sɛsɩ nzɩ́ sɩwɛ lɔŋ cenje yɔ. Tɩsʋʋ ɛyʋ fɩŋ fɩŋ nɛ tɩtalɩ e-ciyam nɛ ɛ-kalɩzaɣ pa-ɖɩtanɛ nɛ tɩtayɩ-wɛ. Tɩtalɩɣ ɖɔɖɔ ɛ-mɔɔ nɛ a-taa num nɛ tɩtayɩ-wɛ. Ńdʋ́ tayɩɣnɩ ɖɔɖɔ ɛ-lɩmaɣza: kɩbana hɔɔlʋʋ nɛ kɩdɛkɛdɛɛ hɔɔlʋʋ.

1 Pɩyɛ 1:25

Ɛlɛ́, Kɩpaɣlʋ tɔm ñɛwɛɣ tam.» Toovenim lɛ, Laŋhɛzɩyɛ Tɔm ndʋ́ posusi-mɩ yɔ, ńdʋ́ lɛ.

1 Pɩyɛ 2:3

Mbʋ́ pʋyɔɔ yɔ, ɩtɛm naʋ se Kɩpaɣlʋ lɛ kɩbanʋ.

2 Pɩyɛ 2:20

Đa-Kɩpaɣlʋ Yesu Krɩstʋ lɛ ɖa-ñʋʋ yaɖʋ. Toovenim lɛ, yee ɛyáa ɩsɩm-ɩ nɛ peyele kedeŋa yɔɔ cɩnɛ ɛzaɣ́tʋ lakasɩ nɛ pɛtɛ paɖaɣnɩ pɩsʋʋ sɩ-taa nɛ sɩwabɩ-wɛ yɔ, pɛwɛɣ pʋtɔdɩyɛ kpem nɛ pɩkɩlɩ paawɛʋ kajalaɣ taa yɔ.