Ebree 6:4 - New Testament

⁴ Nabɛyɛ wɛɛ, Ɛsɔ ñalɩmɩyɛ kɛtɛm pɔ-yɔɔ ñalʋʋ nɛ paɖɩŋ ɛsɔdaa kʋjɔʋ nɛ Fezuu Kiɖeɖeu wɛɛ pɔ-cɔlɔ

Ebree 6:4 ပူးပေါင်းရင်းမြစ်များ

Maatiyee 12:45

Peeɖe ewoki ɛ́yáa ɛ-taabalaa lɛlaa mbá pakɩlɩ-ɩ kañatʋ yɔ lʋbɛ nɛ ɛ nɛ wɛ papɩsɩ pacaɣ ɖɩɣa ŋ́gá ka-taa. Ḿbʋ́ yekina nɛ ɛyʋ ɛnʋ ɛ-wɛtʋ kɩbɩndʋ pɩsɩ tɩkɩlɩ wee wee lɛɛlɛɛyɔ ñɩndʋ. Ḿbʋ́ ɖɔɖɔ pʋkɔŋ tɛmnaʋ lɛɛlɛɛyɔ ɛyáa azaɣ́a.»

Maatiyee 5:13

Yesu tasɩ-wɛ heyuu se: «Mɩ lɛ kedeŋa ɖɔm. Ɛlɛ́, yee ɖɔm leleŋ ɛsɩba lɛ, ɛzɩma palakɩ-pʋ? Pɩfɛyɩ wazaɣ nakɛyɛ ɖɔɖɔ kpem. Pɔlɔʋ-pʋ awayɩ yem nɛ ɛyáa ɖɔ pʋ-yɔɔ.

Yohanɛɛsɩ 15:6

Weyi ɛtɛkpɛndɩ mɔ-yɔɔ tam yɔ, pɔlɔ-ɩ nɛ awayɩ ɛzɩ piliŋa yɔ nɛ ɛwɩlɩ. Pilinzi nzɩ́ sɩwɩlaa yɔ, pɔtɔzʋʋ-sɩ nɛ paɖʋ miŋ taa nɛ sɩñaɣ.

Yohanɛɛsɩ 3:27

Yohanɛɛsɩ cosi-wɛ se: «Mbʋ́ Ɛsɔ ha ɛyʋ yɔ, pi-ɖeke koŋ ɛpɩzɩɣ ɛmʋ.

Yohanɛɛsɩ 4:10

Ɛlɛ́, Yesu heyi-i se: «Yee ŋŋsɩm mbʋ́ Ɛsɔ haɣ yɔ nɛ ŋtɩlɩ ɖɔɖɔ weyi ɛsʋlʋmʋʋ-ŋ lɩm yɔ yɔ, ñaasʋlʋmɩnɩ-ɩ, pʋbʋ ɛɛha-ŋ lɩm mbʋ́ pɩhaɣ wezuu yɔ.»

Yohanɛɛsɩ 6:32

Peeɖe Yesu cosi-wɛ se: «Toovenim lɛ, mankaɖɩɣ-mɩ se pɩtɛkɛ Mooyiizi hanɩ-mɩ tɔɔnaɣ ŋgá kalɩnɩ ɛsɔdaa yɔ. Ɛlɛ́, man-Caa haɣnɩ-mɩ tɔɔnaɣ ŋgá kalɩnɩ ɛsɔdaa yɔ ka-maɣmaɣ siŋŋ.

Tʋma Labʋ 10:45

Peeɖe pɩlabɩ Yuda ñɩma mbá pɛwɛnɩ lidaʋ Krɩstʋ yɔɔ nɛ paatɩŋ Pɩyɛ wayɩ yɔ piti pɩŋŋ nɛ ɛzɩma mbʋ́ Ɛsɔ ha e-Fezuu Kiɖeɖeu mbá pɛtɛkɛ Yuda ñɩma nɛ eyele kitii pɔ-yɔɔ yɔ.

Tʋma Labʋ 11:17

Yee Ɛsɔ ɛlabɩ-wɛ kʋjɔʋ kʋɖʋmʋʋ ŋgʋ́ ɖɩwɛnɩ lidaʋ Kɩpaɣlʋ Yesu Krɩstʋ yɔɔ nɛ ɛlabɩ-ɖʋ yɔ lɛ, ma anɩ nɛ manɖɩkɩ-ɩ nʋmɔʋ?»

Tʋma Labʋ 15:8

Ɛsɔ naɣ mbʋ́ pʋwɛ ɛyáa laŋa taa yɔ, ɛnʋ hanɩ ɛyáa ḿbá e-Fezuu Kiɖeɖeu ɖɔɖɔ ɛzɩ ɛhaʋ-ɖʋ-kʋ yɔ nɛ pɩwɩlɩ se e-liu wɛɛ se pɛkɛ ɛ-ñɩma.

Tʋma Labʋ 8:20

Ɛlɛ́, Pɩyɛ pɩsɩnɩ-ɩ se: «Ña nɛ ñe-liidiye ɩla asayʋʋ! Mbʋ́ pʋyɔɔ yɔ, ŋmaɣzɩɣ se papɩzɩɣ paya Ɛsɔ kʋjɔʋ nɛ liidiye.

Room 1:11

Mbʋ́ pʋyɔɔ yɔ, me-liu wɛɛ kpem se mɔnkɔɔ nɛ Fezuu Kiɖeɖeu tɩŋnɩ mɔ-yɔɔ nɛ kɩlabɩ-mɩ kʋjɔʋ nɛ ɩkpa ɖoŋ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Galaatɩ 3:2

Tɔm kʋɖʋmtʋ koŋ mɔnpɔzʋʋ-mɩ, ńdʋ́ lɛ se: ɩɖɔŋ Yuda ñɩma paɣtʋ yɔɔ camɩyɛ yɔɔ Ɛsɔ ha-mɩ e-Fezuu Kiɖeɖeu yaa ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ? Icosi-m nɛ manɩɩ.

Galaatɩ 3:5

Ɩɖɔŋ paɣtʋ yɔɔ yɔɔ Ɛsɔ ha-mɩ e-Fezuu Kiɖeɖeu nɛ ɛlakɩ hama lakasɩ mɩ-hɛkʋ taa yaa we? Pɩtɛkɛ ḿbʋ́! Ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ.

Efɛɛzɩ 1:18

Mentendiɣ-i ɖɔɖɔ se ekuli mɩ-lɩmaɣza yɔɔ nɛ ɩtɩlɩ mbʋ́ ɛya-mɩ se ɩɖaŋ kpam yɔ nɛ ɛzɩma mbʋ́ ɛ-ñɩm koboyaɣ ɖewa pɩtɩɩfɛyɩ yɔ. Ḿbʋ́ ɛsɩ ɛ-ñɩma.

Efɛɛzɩ 2:8

E-lootiye ńɖɩ́ ɖɩ-yɔɔ ɛtɩŋnɩ lidaʋ ŋgʋ́ ɩwɛnɩ Krɩstʋ yɔɔ yɔ kʋ-yɔɔ nɛ ɛya mɩ-ñʋʋ. Pɩtɛkɛ mɩ-cɔlɔ pɩlɩnaa, Ɛsɔ kʋjɔʋ pɩkɛnaa.

Efɛɛzɩ 3:7

Laŋhɛzɩyɛ Tɔm ńdʋ́, manpɩsɩ tɩ-tʋmlaɖʋ. Ɛsɔ tɩŋnɩnɩ e-ɖoŋ yɔɔ nɛ ɛlabɩ-m lootiye se manpɩzɩ malabɩ-ɖɩ.

Efɛɛzɩ 4:7

Paa ḿbʋ́, Krɩstʋ labɩ paa ɖa-taa weyi kʋjɔʋ ɛzɩ ɛɖʋʋ se ɛhaɣ-ɩ yɔ nɛ kɩwɛnɩ ndɩ.

1 Timootee 4:14

Taaniɣzi kʋjɔʋ ŋgʋ́ Fezuu Kiɖeɖeu labɩ-ŋ yɔ. Kɩlabɩ-ŋ-kʋ alɩwaatʋ ndʋ́ paayɔɔdɩ ñɔ-yɔɔ tɔm ndʋ́ tɩlɩnɩ Ɛsɔ cɔlɔ nɛ sɔsaa tɩnɩ ñɔ-yɔɔ nesi yɔ.

2 Timootee 2:25

Pʋwɛɛ se ɛwɩlɩ mbá paatisiɣ ɛ-tɔm nɛ pɛlɛɣzɩɣ pa-ñɩndʋ yɔ hɛɛɛ nɛ pʋtɔma yɔ, Ɛsɔ ha-wɛ nʋmɔʋ nɛ pɛlɛɣzɩ pa-lɩmaɣza nɛ papɩzɩ patɩlɩ toovenim

2 Timootee 4:14

Alɛksandrɩ weyi ɛkɛ kolu yɔ, ɛlabɩ-m ɛzaɣ́tʋ kpem. Kɩpaɣlʋ kɔŋ-ɩ hɛyʋʋ mbʋ́ ɛlaba yɔ pʋ-yɔɔ.

Ebree 10:32

Ɩtɔzɩ kajalaɣ kɩyakɩŋ weyi ɩ-taa Ɛsɔ ñalɩmɩyɛ ñalɩ mɩ-yɔɔ yɔ ɩ-yɔɔ. Alɩwaatʋ ńdʋ́ʋ́ ɩtɔɔ kʋñɔŋ siŋŋ. Ɛlɛ́, ɩɖɔkɩ mɩ-tɩ kpam mɩ-lʋbɩyɛ taa.

Ebree 2:4

Ɛsɔ ñatɩŋnɩ kawɩlɩsɩ nɛ hama lakasɩ ndɩ ndɩ pɔ-yɔɔ nɛ ɛwɩlɩ se tɔm ndʋ́ pɔyɔɔdaa yɔ, tɩkɛ toovenim. Đɔɖɔ lɛ, ɛtayɩ-wɛ e-Fezuu Kiɖeɖeu haɖɛ ɛzɩ ɛ-maɣmaɣ e-liu wɛʋ yɔ.

1 Yohanɛɛsɩ 5:16

Yee nɔɔyʋ ɛna ɛ-taabalʋ lakɩ kɩwɛɛkɩm mbʋ́ piiyeki se ɛ́lɛ́ ɛsɩ yɔ yɔ, pʋmʋnaa se ɛsɛɛ Ɛsɔ ɛ-yɔɔ nɛ ɛ́lɛ́ ha-ɩ wezuu. Mbá palakɩ kɩwɛɛkɩm mbʋ́ piiyeki se pasɩ yɔ, pe-ɖeke pɔ-yɔɔ mɔntɔŋ se pɛsɛɛ Ɛsɔ. Ɛlɛ́, kɩwɛɛkɩm nabʋyʋ wɛɛ, piyeki se ɛyáa ɛsɩ. Pɩtɛkɛ weyi ɛlakɩ-pʋ yɔ ɛ-yɔɔ mɔntɔŋ se ɩsɛɛ Ɛsɔ.