17 Ɛsɔ liu ñaawɛɛ se ɛwɩlɩ ɛ-ɛyáa kaŋŋ se mbʋ́ ɛɖʋwa yɔ, ɛɛlɛɣzɩ-pʋ kaʋ. Pʋ-yɔɔ eɖuuni ɛ-tɩ nɛ pɩtasɩnɩ mbʋ́ ɛɖʋwa se ɛlakɩ yɔ.
Mɩlʋʋ nɛ kʋʋ nɛ wɛɛkʋʋ pe-ɖeke pɔ-yɔɔ mɩ́lʋ́ kɔŋ. Ma lɛ, mɔnkɔm se ɛyáa ihiɣ wezuu nɛ wezuu ŋ́gʋ́ kʋtɔyɩnɩ-wɛ.
Mbʋ́ pʋyɔɔ yɔ, Ɛsɔ ɛɛmʋʋ mbʋ́ ɛhawa yɔ kaʋ. Ɛɛlɛɣzɩɣ ɖɔɖɔ lɩmaɣza mbá ɛya-wɛ yɔ pɔ-tɔm taa.
Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.
Yee ɩkɛ Krɩstʋ ñɩma yɔ, pɩwɩlɩɣ ɖɔɖɔ se ɩkɛ Abraham sayɩnaa. Pʋ-yɔɔ lɛ, Ɛsɔ haɣ-mɩ mbʋ́ ɛɖʋwa se ɛhaɣ Abraham nɛ e-liɖe taa ñɩma yɔ.
Đa nɛ ɩ ɖɛ-kpɛndʋʋ taa Ɛsɔ ha-ɖʋ pɩtɩŋa payɩ. Pʋ-yɔɔ ɛɛlɩzɩ-ɖʋ ɖooo lɔŋ. Ɛlakɩ pɩtɩŋa payɩ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ
Nowee kɛwɛnɩ lidaʋ Ɛsɔ yɔɔ, pʋ-yɔɔ etisi tɔm ndʋ́ ɛ́lɛ́ heyaɣ-i yɔ se tɩkɔŋ labʋ. Ŋgʋ́, ɛtanada. Ɛlɛ́, ɛñam-ɩ nɛ ɛsaɣ mɛlɛ sɔsɔʋ se ɛ-hɔʋ taa ñɩma ehiɣ ñʋʋ yabʋ. Mbʋ́ Nowee lakaɣ yɔ, pɩwɩlaɣ se kedeŋa yɔɔ cɩnɛ ñɩma kɛ kañadɩnaa. Ɛlɛ́, pɩtɩŋnɩ e-lidaʋ yɔɔ nɛ ɛnʋ ñapɩsɩ kʋtʋʋzʋ Ɛsɔ ɛsɩndaa.
Ɛɛwɛnɩ lidaʋ Ɛsɔ yɔɔ, pʋ-yɔɔ ɛkʋyaa nɛ ewolo ɛjaɖɛ nɖɩ́ ɛ́lɛ́ ɖʋwa se ɛhaɣ-ɩ yɔ ɖɩ-taa nɛ ɛwɛɛ ɛzɩ ɛgɔm yɔ. Ɛtalɩ peeɖe lɛ, ɛsʋʋ kɩɖanɖɩŋ tɛɛ. Pʋwayɩ lɛ, Izaakɩ nɛ Yakɔɔbʋ paba ñasʋʋ kɩɖanɖɩŋ tɛɛ ɖɔɖɔ: kʋjɔʋ kʋɖʋmʋʋ ŋ́gʋ́ Ɛsɔ kaɖʋwa se ɛlakɩ-wɛ.
Pʋbʋ, ɩɩpɩsɩɣ fendinaa. Ɛlɛ́, ɩlakɩ ɛzɩ mbá pɛwɛnɩ lidaʋ Ɛsɔ yɔɔ nɛ pɔɖɔkʋʋ pa-tɩ se pehiɣ kʋjɔʋ ŋgʋ́ ɛ́lɛ́ ɖʋwa se ɛlakɩ-wɛ yɔ.
Ɛyáa ɖukuni weyi ɛkɩlɩ-wɛ yɔ. Đuuu ḿbʋ́ pɩwɩlɩɣnɩ se pɔyɔɔdɩ toovenim nɛ pɩfɛyɩ se nɔɔyʋ ɛkpɛzɩ.
Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.
Mbʋ́ pɩtɩŋa pahaɣ ɛyʋ nɛ pʋwɛ ɖeu pɩtɩɩfɛyɩ yɔ, Ɛsɔ weyi ɛwɛ ɛsɔdaa yɔ ɛ-cɔlɔ pɩlɩnaa. Ɛnʋ labɩnɩ wɩsɩ nɛ fenaɣ nɛ tɩɩnzɩ. Ɛɛlɛɣzɩɣ kaʋ: ɛfɛyɩ ɛzɩ kɩlɛmʋʋ yɔ.
Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.
Đɩsa Ɛsɔ, ɛnʋ lɛ ɖa-Kɩpaɣlʋ Yesu Krɩstʋ Caa. Ɛna ɖa-pʋtɔdɩyɛ siŋŋ nɛ ɛtɩŋnɩ Yesu Krɩstʋ fem nɛ ɛlɩɩnɩ sɩɖaa taa yɔ pʋ-yɔɔ nɛ ɛha-ɖʋ wezuu kɩfalʋʋ. Mbʋ́ Ɛsɔ labɩ ḿbʋ́ yɔ, piyebina nɛ ɖɩtaɣ liu siŋŋ.
Mɩ walaa lɛ, ḿbʋ́ ɖɔɖɔ pʋwɛnɩ-mɩ: pʋwɛɛ se paa weyi ɛ́ɖɔ́kɩ ɛ-halʋ camɩyɛ. Ɩtɩlɩ se halaa fɛyɩ ɖoŋ ɛzɩ mɩ yɔ. Ɩɖʋ-wɛ hɩɖɛ, mbʋ́ pʋyɔɔ yɔ, wezuu ŋgʋ́ Ɛsɔ ha-mɩ falaa yɔ, mɩ nɛ wɛ ɛha-kʋ. Yee ɩlakɩ ḿbʋ́ yɔ, nabʋyʋ ɛɛcɛyɩɣ-mɩ mɩ-Ɛsɔ sɛʋ taa.