Ebree 6:12 - New Testament

¹² Pʋbʋ, ɩɩpɩsɩɣ fendinaa. Ɛlɛ́, ɩlakɩ ɛzɩ mbá pɛwɛnɩ lidaʋ Ɛsɔ yɔɔ nɛ pɔɖɔkʋʋ pa-tɩ se pehiɣ kʋjɔʋ ŋgʋ́ ɛ́lɛ́ ɖʋwa se ɛlakɩ-wɛ yɔ.

Ebree 6:12 ပူးပေါင်းရင်းမြစ်များ

Maatiyee 22:32

‹Ma lɛ Abraham nɛ Izaakɩ nɛ Yakɔɔbʋ pɛ-Ɛsɔ.› Pʋ-yɔɔ lɛ, Ɛsɔ tɛkɛ sɩɖaa Ɛsɔ, ɛlɛ́, wezuu tɩnaa ñɩnʋ ɛkɛnaa.»

Maatiyee 25:26

Peeɖe ɛ-caa cosi-i se: ‹Tʋmlaɖʋ ɛzaɣ́ʋ, fendu tʋ ña! Ŋsɩm ḿbʋ́ se ɖenɖe montoɖúú yaa mantamɩzɩ yɔ, peeɖe mankʋŋ nɛ ɖenɖe mantamɩzɩ yɔ, peeɖe monkuu.

Luka 16:22

Nakʋyʋ wiye lɛ, kʋñɔndʋ ɛnʋ ɛsɩ nɛ Ɛsɔ tiyiyaa kpaɣ-ɩ powoni-i lone kɩbanɖɛ taa Abraham cɔlɔ. Pʋwayɩ lɛ, ñɩm tʋ ɛnʋ ɛsɩ ɖɔɖɔ nɛ pebim-i

Luka 8:15

Lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa yɔ. Pewelesiɣ Ɛsɔtɔm nɛ hɔyɛ kɩbanɖɛ nɛ pamʋ-tʋ nesi naalɛ nɛ pañaɣ pana pɔɖɔ tɩ-yɔɔ nɛ tɩwɛɛ-wɛ kɛzɛɣa.»

Room 12:11

Ɩla tʋmɩyɛ, fendu ɛtaakpa-mɩ. Ɩla Kɩpaɣlʋ tʋmɩyɛ nɛ mɩ-laŋa tɩŋa pilim.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

Room 4:12

Ɛkɛ ɖɔɖɔ mbá pɛpɛlɩ-wɛ yɔ pɔ-cɔzɔ. Ɛlɛ́, pɩtasɩnɩ pɛ-pɛlʋʋ ɖeke, pɛwɛnɩ lidaʋ ɖɔɖɔ Ɛsɔ yɔɔ ɛzɩ ɖɔ-cɔzɔ Abraham kɛwɛnaʋ nɛ pʋcɔ pɛpɛlɩ-ɩ yɔ.

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

2 Tesalooniki 1:4

Pʋ-yɔɔ ɖa-maɣmaɣ ɖɩkʋndʋʋnɩ-mɩ Ɛsɔ aŋgba taa ñɩma hɛkʋ taa ɛzɩma mbʋ́ ɩpɩzaa ɩɖɔkɩ mɩ-tɩ nɛ ɩwɛnɩ lidaʋ alɩwaatʋ ndʋ́ pɛwɛ mɩ-wayɩ kaŋ kaŋ nɛ panazɩɣ-mɩ yɔ pʋ-yɔɔ.

Ebree 1:14

Mbá lɛ Ɛsɔ tiyiyaa yɔ? Ḿbá lɛ feziŋ weyi petiyi-i Ɛsɔ tʋmɩyɛ taa se ɩlabɩ-ɖɩ nɛ pɩsɩnɩ mbá pʋwɛɛ se pehiɣ ñʋʋ yabʋ yɔ.

Ebree 10:36

Ɩɖɔkɩ mɩ-hɔ kpam nɛ ɩla mbʋ́ Ɛsɔ liu wɛɛ yɔ nɛ ihiɣ mbʋ́ ɛɖʋwa se ɛhaɣ-mɩ yɔ.

Ebree 11:33

Pɛwɛnɩ lidaʋ Ɛsɔ yɔɔ yɔɔ poyoni ajɛya lɛɛna taa ñɩma nɛ pawabɩ-wɛ nɛ pamʋ pɛ-tɛtʋ. Palabɩ mbʋ́ pʋwɛ ɖeu yɔ nɛ pehiɣ mbʋ́ Ɛsɔ ɖʋwa se ɛhaɣ-wɛ yɔ. Posuli tɔɔyɩŋ nɔsɩ

Ebree 12:1

Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.

Ebree 13:7

Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

Ebree 5:11

Đɩwɛnɩ tɔm sakɩyɛ se ɖɩyɔɔdʋʋ Mɛlkisedɛɛkɩ ɛnʋ ɛ-yɔɔ. Ɛlɛ́, pʋwɛ-ɖʋ kaɖɛ se ɖɩlɩzɩ-mɩ tɩ-tɔbʋʋ. Mbʋ́ pʋyɔɔ yɔ, ɩpɩsɩ mbá paanɩɣ lɔŋ yɔ.

Ebree 6:15

Ḿbʋ́ yebina nɛ Abraham ɖɔkɩ ɛ-tɩ nɛ ɛwɛɛ ɖaŋʋʋ yɔɔ nɛ ɛkɔɔ ɛmʋ mbʋ́ Ɛsɔ kaɖʋwa se ɛlakɩ-ɩ yɔ.

Yakubu 1:3

Mbʋ́ pʋyɔɔ yɔ, ɩtɛm naʋ se yee pɩtakɩɣ-mɩ se pana mi-lidaʋ tɩnaɣ nɛ ɩɖɔkɩ mɩ-tɩ yɔ, piyeki nɛ ɩɖɔkɩ mɩ-hɔ.

2 Pɩyɛ 1:10

Taabalaa, pʋ-yɔɔ lɛ, mɩ-tʋmɩyɛ labʋ taa lɛ, mɩ-pana ñaɣʋ ɛwɩlɩ-mɩ se Ɛsɔ ya-mɩ. Mbʋ́ pʋyɔɔ yɔ, yee ɩlakɩ ḿbʋ́ yɔ, ɩɩtɔlʋʋ Ɛsɔ nʋmɔʋ taa kaʋ.

1 Yohanɛɛsɩ 2:25

Mbʋ́ Yesu Krɩstʋ ɖʋwa se ɛhaɣ-ɖʋ yɔ lɛ: wezuu maatɛŋ.

Wɩlʋʋ 13:10

Yee pʋɖʋwa se nɔɔyʋ ɛsʋʋ salaka yɔ, ɛsʋʋ ka-taa ɖɔɖɔ. Yee pʋɖʋwa se pakʋ nɔɔyʋ nɛ sɩɣa yɔ, pakʋʋ-ɩ nɛ kɛ ɖɔɖɔ. Pʋnɛ pɩ-taa panaɣ Ɛsɔ ñɩma tɩ ɖɔkʋʋ nɛ pe-lidaʋ wɛnaʋ.