Ebree 6:11 - New Testament

¹¹ Ɛlɛ́, ɖe-liu wɛɛ se paa mɩ-taa weyi lɛ, ɛñaɣ pana ḿbʋ́ siŋŋ nɛ pʋkɔɔ pɩsɩɩnɩ ɛ-kɛtɛzaɣ kɩyakʋ wiye. Yee ɩlabɩ ḿbʋ́ yɔ, ihikiɣ mbʋ́ ɩɖaŋaa yɔ.

Ebree 6:11 ပူးပေါင်းရင်းမြစ်များ

Maatiyee 24:13

Ɛlɛ́, weyi ɛɖɔkʋʋ ɛ-tɩ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Luka 1:1

Ɛyáa nabɛyɛ na mbʋ́ Ɛsɔ laba ɖɛ-tɛ yɔ ɖooo kajalaɣ taa. Pʋwayɩ lɛ, posusi Ɛsɔtɔm. Pʋbʋ wayɩ lɛ, pɛkɛdɩ-ɖʋ mbʋ́ pɩtɩŋa payɩ palaba yɔ nɛ ɖa-taa ɛyáa sakɩyɛ pazɩ-tʋ maʋ.

Room 12:8

Weyi ɛha ɛ́lɛ́ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛ́lɛ́ ɛla ḿbʋ́. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛ́lɛ́ ɛsɩnɩ-wɛ nɛ laŋhʋlʋmɩyɛ.

Room 15:13

Ɛsɔ weyi eyeki se ɖɩtaa-ɩ yɔ, ɛtɩŋnɩ lidaʋ ŋgʋ́ ɩwɛnɩ ɛ-yɔɔ yɔ kʋ-yɔɔ nɛ eyele mɩ-laŋa hʋlʋmɩ siŋŋ nɛ ɛhɛzɩ-yɛ camɩyɛ. Peeɖe pɩtɩŋɩɣnɩ e-Fezuu Kiɖeɖeu ɖoŋ yɔɔ nɛ ɩtɛzɩ-ɩ taʋ kpem.

1 Kɔrɛntɩ 13:13

Yee ḿbʋ́ lɛɛlɛɛyɔ lidaʋ nɛ ɖaŋʋʋ nɛ sɔɔlɩm pa-naadozo pɛwɛɣna tam. Ɛlɛ́, pa-taa lɛ, sɔɔlɩm kɩlɩna.

1 Kɔrɛntɩ 15:58

Pʋ-yɔɔ lɛ, taabalaa kɩbama, ɩɖɔkɩ mɩ-tɩ camɩyɛ kpam. Pɩtaaliɣti-mɩ, ɩla Kɩpaɣlʋ tʋma paa ɖooye. Mbʋ́ pʋyɔɔ yɔ, mɩ-maɣmaɣ ɩtɛm naʋ se tʋma wena ɩlakɩ mɩ nɛ ɩ mɩ-kpɛndʋʋ taa yɔ, atɛkɛ falaa.

Galaatɩ 5:5

Đa lɛ, ɖɩtaɣ liu se ɛkɔŋ-ɖʋ pɩsʋʋ kʋtʋʋzaa. Ḿbʋ́ e-Fezuu Kiɖeɖeu yeba nɛ ɖɩɖaŋ nɛ ɖɩwɛnɩ lidaʋ pʋ-yɔɔ.

Galaatɩ 6:9

Pɩtaaɖɛɛ-ɖʋ nɛ camɩyɛ lakasɩ labʋ. Yee ɖɩwɛ sɩ-labʋ yɔɔ ḿbʋ́ yɔ, alɩwaatʋ talɩɣ lɛ, paa weyi ɛkʋ mbʋ́ eɖuwa yɔ.

Filiipu 3:15

Mbá ɖa ɖɩtɛm kɛʋ mbá pamʋnaa yɔ, ɖɩmaɣzɩ ḿbʋ́. Ɛlɛ́, yee nabʋyʋ taa mɩ-lɩmaɣza ɛwɛ ndɩ yɔ, Ɛsɔ wɩlɩɣ-mɩ mbʋ́ pɩkɛ toovenim yɔ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

1 Tesalooniki 4:10

Ḿbʋ́ ɖɔɖɔ ɩsɔɔlɩ taabalaa mbá pɛwɛ Masedonii egeetiye kpeekpe taa yɔ patɩŋa payɩ. Ɛlɛ́, taabalaa! Đɩsazɩɣ-mɩ se ɩla nɛ pɩkɩlɩ ḿbʋ́!

2 Tesalooniki 3:13

Taabalaa! Piyele mɩ lɛ, pɩtaanɩɩ-mɩ nɛ camɩyɛ labʋ.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

2 Pɩyɛ 1:10

Taabalaa, pʋ-yɔɔ lɛ, mɩ-tʋmɩyɛ labʋ taa lɛ, mɩ-pana ñaɣʋ ɛwɩlɩ-mɩ se Ɛsɔ ya-mɩ. Mbʋ́ pʋyɔɔ yɔ, yee ɩlakɩ ḿbʋ́ yɔ, ɩɩtɔlʋʋ Ɛsɔ nʋmɔʋ taa kaʋ.

2 Pɩyɛ 3:14

Mɛ-ɛgbaɣdɩnaa, pʋ-yɔɔ lɛ, pɩ-ɖaŋʋʋ taa lɛ, pʋwɛɛ se ɩñaɣ pana nɛ ɩwɛɛ cɩɖɩcɩɖɩ Ɛsɔ ɛsɩndaa nɛ pataana kɩdɛkɛdɩm nabʋyʋ mɩ-yɔɔ. Ɩñaɣ pana ɖɔɖɔ nɛ ɩwɛɛ laŋhɛzɩyɛ taa ɛ-ɛsɩndaa.

1 Yohanɛɛsɩ 3:14

Đa lɛ, ɖɩna ɖeu se ɖɩlɩ sɩm taa nɛ ɖihiɣ wezuu, mbʋ́ pɩwɩlɩɣ-pʋ yɔ lɛ se ɖɩsɔɔlɩ ɖa-taabalaa. Weyi ɛtɔsɔɔlɩ ɛ-taabalʋ yɔ, ɛkpɛndɩ ɛwɛ sɩm taa.

1 Yohanɛɛsɩ 3:19

Yee ɖɩlakɩ ḿbʋ́ yɔ, pɩwɩlɩɣ-ɖʋ se ɖɩkɛ toovenim tɩnaa. Ḿbʋ́ kɔŋnɩ yebu ɖɔɖɔ nɛ ɖa-laŋa hɛɛ Ɛsɔ ɛsɩndaa.

Wɩlʋʋ 2:26

‹Weyi ɛwakɩ nɛ ɛ́ɖɔ́kɩ ɛ-tɩ man-tʋma taa kpam nɛ pʋkɔɔ pɩtalɩ tɩnaɣ yɔɔ yɔ, mahaɣ-ɩ ɖoŋ se ɛcɔnɩ ajɛya taa ñɩma yɔɔ ɛzɩ man-Caa haʋ-m ɖɔɖɔ yɔ. Eɖiyiɣ-wɛ nɛ ñɩ́ɣ́yʋ́ʋ ɖaʋ nɛ ɛmɩzɩ-wɛ ɛzɩ pɔyɔkʋʋ cʋʋ pɛŋ yɔ. Mɔnkɔŋ-ɩ haʋ ɖɔɖɔ tɩmbalʋʋ.