Ebree 6:1 - New Testament

¹ Pʋ-yɔɔ lɛ, ɖɩɖɛɛnɩ ɛsɩndaa nɛ ɖɩkpɛlɩkɩ Krɩstʋ tɔm ɛzɩ mbá papɩ lidaʋ wɛnaʋ taa yɔ. Đɩtaawɛɛ ɖɩnɩɣnɩ ndʋ́ pɛkpɛlɩkɩ-ɖʋ kajalaɣ taa yɔ ti-ɖeke. Pɩtatasɩ pɔzʋʋ se pɛkpɛlɩkɩ-mɩ natʋyʋ ɛzɩ: tʋma wena aawazɩɣ pʋyʋ yɔ a-yebu nɛ Ɛsɔ yɔɔ lidaʋ wɛnaʋ

Ebree 6:1 ပူးပေါင်းရင်းမြစ်များ

Maatiyee 21:29

Ɛlɛ́, kocosi-i se: ‹Maawoki.› Pɩkɛdaa lɛ, kɛlɛɣzɩ lɩmaɣza nɛ kakʋyɩ kɛɖɛɛ pɩ-taa.

Maatiyee 21:32

Mbʋ́ pʋyɔɔ yɔ, Lɩm Sɔʋ Sɔnzɩ Laɖʋ Yohanɛɛsɩ kɔm mɩ-cɔlɔ nɛ ɛwɩlɩ-mɩ mbʋ́ pʋtʋʋzaa yɔ pʋ-nʋmɔʋ nɛ ikizi. Ɛlɛ́, tikee mʋyaa nɛ halaa mbá pɛpɛdɩɣ pa-tɩ yɔ, paba ñetisi ɛ-tɔm. Halɩ ɩna ḿbʋ́, ɛlɛ́ ɩtɛlɛɣzɩ wɛtʋ se itisi ɛ-tɔm.»

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 4:17

Yesu talɩ Kapɛrnayum lɛ, ɛpazɩ Ɛsɔtɔm susuu nɛ eheyiɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ!»

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Maatiyee 7:25

Tɛʋ nɩwa nɛ pɔsɩ su nɛ heɣlim ma ɖoŋ. Ɛlɛ́, pɩtalabɩ-kɛ pʋyʋ, mbʋ́ pʋyɔɔ yɔ, pasɩ ke-kiɖe ɛwaɣ yɔɔ.

Maarkɩ 1:1

Ɩna ɛzɩma mbʋ́ Ɛsɔ Pɩyalʋ Yesu Krɩstʋ Laŋhɛzɩyɛ Tɔm pazaa yɔ.

Maarkɩ 6:12

Peeɖe Yesu tɔmkpɛlɩkɩyaa ḿbá pɛɖɛwa nɛ papazɩ ɛyáa Ɛsɔtɔm susuu se pɛlɛɣzɩ wɛtʋ.

Luka 6:48

Ɛwɛ ɛzɩ weyi ɛmawaɣ kuduyuu nɛ ehuyi pilimi nɛ ɛtalɩ ɛwaɣ nɛ pʋcɔ ɛsɩɩ tigiɖe yɔ. Pɔɔ kɔɔ kosu, lɩm wadɩ nɛ pɩmakɩ kuduyuu ŋ́gʋ́, ɛlɛ́, kɩtañamsɩ nɛ pʋcɔ paatɔ se kɩtɔlaa. Mbʋ́ pʋyɔɔ yɔ, pama-kʋ camɩyɛ.

Yohanɛɛsɩ 12:44

Pɩkɛdaa lɛ, Yesu holi se: «Weyi ɛwɛnɩ lidaʋ mɔ-yɔɔ yɔ, pɩtɛkɛ men-ɖeke mɔ-yɔɔ ɛwɛnɩ-kʋ, ɛwɛnɩ-kʋ weyi etiyi-m yɔ ɛ-yɔɔ.

Yohanɛɛsɩ 14:1

Pʋwayɩ lɛ, Yesu tasɩ ɛ-tɔmkpɛlɩkɩyaa heyuu se: «Mɩ-laŋa ɛtaawɛɛkɩ, ɩwɛnɩ lidaʋ Ɛsɔ yɔɔ, ɩwɛnɩ-kʋ ɖɔɖɔ mɔ-yɔɔ.

Yohanɛɛsɩ 5:24

Toovenim lɛ, meheyiɣ-mɩ se weyi ewelesiɣ mɔn-tɔm nɛ ɛwɛnɩ lidaʋ weyi etiyi-m yɔ ɛ-yɔɔ yɔ, ehiɣ wezuu maatɛŋ. Paahʋʋnɩ-ɩ. Ɛtɛm lɩʋ sɩm taa nɛ ehiɣ wezuu maatɛŋ.

Tʋma Labʋ 11:18

Panɩ tɔm ńdʋ́ lɛ, pɛhɛzɩ pa-tɩ nɛ pasaŋ Ɛsɔ se: «Yee ḿbʋ́, Ɛsɔ yebi ɖɔɖɔ se halɩ mbá pɛtɛkɛ Yuda ñɩma yɔ, pɛlɛɣzɩ wɛtʋ nɛ pehiɣ wezuu!»

Tʋma Labʋ 17:30

Ɛsɔ ɛɛtasɩɣ kpaɣʋ mbʋ́ ɛyáa kalabɩ ɖooo lɔŋ nɛ patatɩlɩ yɔ nɛ ɛlabɩnɩ tʋmɩyɛ. Ɛlɛ́, lɛɛlɛɛyɔ eheyiɣ patɩŋa payɩ paa le se pɛlɛɣzɩ wɛtʋ.

Tʋma Labʋ 2:38

Ɛ́lɛ́ cosi-wɛ se: «Ɩlɛɣzɩ wɛtʋ nɛ pala paa mɩ-taa weyi lɩm sɔʋ sɔnzɩ Yesu Krɩstʋ hɩɖɛ taa nɛ pekpeɣ-mɩ mɩ-kɩwɛɛkɩm. Peeɖe Ɛsɔ haɣ-mɩ e-Fezuu Kiɖeɖeu.

Tʋma Labʋ 20:21

Meheyi Yuda ñɩma nɛ mbá pɛtɛkɛ Yuda ñɩma yɔ se pɛlɛɣzɩ wɛtʋ Ɛsɔ ɛsɩndaa nɛ pɛwɛnɩ lidaʋ ɖa-Kɩpaɣlʋ Yesu yɔɔ.

Tʋma Labʋ 26:20

Ɛlɛ́, Damaasɩ ñɩma manpazɩnɩ Ɛsɔtɔm susuu. Pʋwayɩ lɛ, monsusi-tʋ ɖɔɖɔ Yeruusalɛm ñɩma nɛ Yudee egeetiye taa ñɩma tɩŋa nɛ ajɛya lɛɛna taa ñɩma. Meheyi-wɛ se pɛlɛɣzɩ wɛtʋ nɛ papɩsɩnɩ Ɛsɔ yɔɔ nɛ pala mbʋ́ pɩwɩlɩɣ se toovenim pɛlɛɣzɩ wɛtʋ yɔ.

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.

1 Kɔrɛntɩ 13:10

Ɛlɛ́, alɩwaatʋ ndʋ́ mbʋ́ pʋwɛ pɩtɩŋa payɩ yɔ pʋkɔŋ lɛ, mbʋ́ pɩfɛyɩ pɩtɩŋa payɩ yɔ pʋmʋkɩ.

1 Kɔrɛntɩ 2:6

Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

2 Kɔrɛntɩ 7:10

Toovenim lɛ, laŋwɛɛkɩyɛ nɖɩ́ ɖɩlɩnɩ Ɛsɔ cɔlɔ yɔ, ɖiyeki nɛ ɛyʋ lɛɣzɩ wɛtʋ nɛ ehiɣ ñʋʋ yabʋ, eekpiɖiɣ. Piyele kedeŋa laŋwɛɛkɩyɛ ñɔkɔŋnɩ sɩm.

Efɛɛzɩ 2:1

Mɩ lɛ, ɖooo lɛ, ɩɩsɩbɩ mɩ-kɩdɛkɛdɩm nɛ mɩ-kɩwɛɛkɩm pɔ-yɔɔ.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

Efɛɛzɩ 4:12

Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Koloosi 1:28

Ɛ-tɔm ɖisusuu nɛ ɖɩkaŋ paa weyi ɛ-ñʋʋ taa nɛ ɖɩwɩlɩɣ-ɩ nɛ ɖɔ-lɔŋsɩnɖɛ tɩŋa. Đɩlakɩ ḿbʋ́ se pɩtɩŋnɩ ɛ nɛ Krɩstʋ pɛ-kpɛndʋʋ yɔɔ nɛ ɛpɩɩ.

Koloosi 3:14

Ɩtɛm-tʋ suu payɩ lɛ, sɔɔlɩm ɛkɛnɩ-mɩ tambaɖɛ nɛ ɩtam-ɖɩ: ḿbʋ́ kpɛndɩɣnɩ pɩtɩŋa payɩ nɛ pɩtɛzɩ wɛʋ ɛzɩ pʋmʋnaʋ yɔ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Timootee 6:19

Yee palakɩ ḿbʋ́ yɔ, pasɩɣ pa-tɩ ñɩm mbʋ́ pɩɩwɛɛkɩɣ yɔ cee wayɩ yɔɔ. Peeɖe pehikiɣ wezuu maatɛŋ.

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

Ebree 11:6

Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Ebree 12:13

Ɩɖɔ nʋmɔŋ weyi ɩtʋʋzaa yɔ ɩ-taa nɛ ɛjandʋ ndʋ́ ɩwɛna yɔ tɩtaatɛzɩ ɖɔʋ, ɛlɛ́, tɩtɛ.

Ebree 7:11

Ɛsɔ ɖʋ Izrɛɛlɩ ñɩma paɣtʋ se pala pɩtɩŋa ɛzɩ pʋmʋnaʋ yɔ. Ŋgʋ́, yee Leevi liɖe taa ñɩma ɛɛlaba ḿbʋ́ yɔ, pɩtaapɔzɩ ɖɔɖɔ se cɔjɔ nɔɔyʋ ɛtasɩ lɩʋ ɛzɩ Mɛlkisedɛɛkɩ yɔ nɛ ɛtalɩɩnɩ Aarɔɔnɩ liɖe taa.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Yakubu 1:4

Ɛlɛ́, pʋwɛɛ se mɩ-hɔ ɖɔkʋʋ ḿbʋ́, pɩtɛzɩ kpaʋ ɖoŋ mi-wezuu caɣʋ taa nɛ piyele ɩtɛzɩ wɛnaʋ wɛtʋ kɩbandʋ tɩŋa, nabʋyʋ ɛtaatɛɖɩ-mɩ.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

1 Yohanɛɛsɩ 4:12

Nɔɔyʋ tana Ɛsɔ wiɖiyi kaʋ. Ɛlɛ́, yee ɖɩsɔɔlɩ ɖama yɔ, pɩwɩlɩɣ se ɖa nɛ ɩ ɖɩkpɛndaa nɛ ɛ-sɔɔlɩm wɛɛ ɖa-taa siŋŋ.