Ebree 5:9 - New Testament

⁹ Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

Ebree 5:9 ပူးပေါင်းရင်းမြစ်များ

Maatiyee 17:5

Ɛyɔɔdaɣ ḿbʋ́ lɛ, ɛsɔmɩnʋʋ kɩñɩlɩsʋʋ nakʋyʋ kɔɔ kuhuuzi pɔ-yɔɔ nɛ panɩɣ pʋyɔɔdʋʋnɩ-wɛ nɛ kɩ-tɛɛ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ. Ɩnɩɩnɩ-ɩ!»

Luka 13:32

Peeɖe Yesu cosi-wɛ se: «Iwolo iheyi lɔŋ tʋ weyi ɛcɛtɩɣ ɛyáa ɛzɩ kpayʋ yɔ se, mɔntɔm se mɔnɖɔɔnʋʋ aleewaa nɛ mala nɛ kʋdɔndɩnaa yɔɔ cɛ sɔnɔ nɛ cee. Tozo wiye lɛ, mɛntɛzɩ man-tʋmɩyɛ.

Yohanɛɛsɩ 19:30

Ɛmʋzaa lɛ, ɛtɔ se: «Pɩtɩŋa payɩ pɩlaba!» Ɛlɛ́, ɛsɔ ñʋʋ nɛ ɛhɛɛ.

Tʋma Labʋ 3:15

Ḿbʋ́ ɩlaba nɛ iyele pakʋ Ɛyʋ Kʋtʋʋzʋ ɛnʋ, ŋgʋ́ ɛnʋ haɣnɩ wezuu. Ɛlɛ́, Ɛsɔ fezi-i nɛ ɖɩna-ɩ nɛ ɖɛ-ɛsɛ.

Tʋma Labʋ 4:12

Ñʋʋ yaɖʋ nɔɔyʋ fɛyɩ nɛ pɩtasɩnɩ-ɩ. Mbʋ́ pʋyɔɔ yɔ, Ɛsɔ talɩzɩ nɔɔyʋ kedeŋa yɔɔ cɩnɛ se pɩtɩŋnɩ ɛ́lɛ́ yɔɔ nɛ pɩpɩzɩ pɩya ɖa-ñʋʋ.»

Tʋma Labʋ 5:32

Đɩkɛ tɔm ńdʋ́ tɩ-aseɣɖe tɩnaa. Pɩtasɩɩnɩ ɖe-ɖeke, ɛlɛ́, Fezuu Kiɖeɖeu ŋgʋ́ Ɛsɔ ha mbá pañaŋ-ɩ yɔ, kɩkɛ tɩ-aseɣɖe tʋ ɖɔɖɔ.»

Room 1:5

Ɛ-yɔɔ pɩtɩŋnaa nɛ Ɛsɔ labɩ-m lootiye nɛ ɛha-m waɖɛ se mɛnkɛ Yesu ɛnʋ e-tiyiyu nɛ meyele nɛ ajɛya kpeekpe taa ɛyáa wɛnɩ lidaʋ ɛ-yɔɔ nɛ pañam-ɩ. Ḿbʋ́ yekina nɛ paɖʋ-ɩ hɩɖɛ.

Room 10:16

Ɛlɛ́, pɩtɛkɛ patɩŋa paatisini Laŋhɛzɩyɛ Tɔm. Toovenim lɛ, Ezaayii ma ɛ-takayaɣ taa se: «Kɩpaɣlʋ, atisi tɔm ndʋ́ ɖisusaa yɔ?»

Room 15:18

Mbʋ́ pʋyɔɔ yɔ, maacazɩɣ nabʋyʋ tɔm yɔɔdʋʋ nɛ pɩtasɩnɩ mbʋ́ Krɩstʋ tɩŋnɩ mɔ-yɔɔ nɛ ɛla se mbá pɛtɛkɛ Yuda ñɩma yɔ, papɩzɩ paña Ɛsɔ yɔ pʋ-tɔm. Tɔm ndʋ́ monsusaɣ yɔ nɛ mbʋ́ malakaɣ yɔ, pʋ-yɔɔ ɛtɩŋnaa.

Room 2:8

Ɛlɛ́, ɛ-pana kɔŋ kpanaʋ siŋŋ mbá pakaɖɩɣnɩ-ɩ nɛ paañaŋ mbʋ́ pɩkɛ toovenim nɛ panɩɣnɩ mbʋ́ pɩtatʋʋzɩ kpem yɔ.

Room 6:17

Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ.

2 Kɔrɛntɩ 10:5

Ɩnʋ ɖɔɖɔ ɖɩyɔkʋʋnɩ mbʋ́ tɩ kpazɩyaa ɖɩkɩnɩ ɛyáa nʋmɔʋ se pataatɩlɩ Ɛsɔ yɔ. Đɩpaɣ ɛyáa se pɛlɛɣzɩ pa-lɩmaɣza nɛ paña Krɩstʋ.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

2 Tesalooniki 1:8

miŋ sɔsɔŋ taa yɔ. Ḿbʋ́ ɛkɔŋ se ɛhɔ mbá patasɩ Ɛsɔ nɛ paañaŋ ɖa-Kɩpaɣlʋ Yesu Laŋhɛzɩyɛ Tɔm yɔ pa-nɩŋgbaaŋ.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

2 Timootee 2:10

Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.

Ebree 1:14

Mbá lɛ Ɛsɔ tiyiyaa yɔ? Ḿbá lɛ feziŋ weyi petiyi-i Ɛsɔ tʋmɩyɛ taa se ɩlabɩ-ɖɩ nɛ pɩsɩnɩ mbá pʋwɛɛ se pehiɣ ñʋʋ yabʋ yɔ.

Ebree 11:40

Mbʋ́ pʋyɔɔ yɔ, Ɛsɔ kaɖʋwa se ɛlakɩ-ɖʋ mbʋ́ pɩkɩlɩ ɖeu ḿbʋ́ yɔ. Ɛlɛ́, ɛtaasɔɔlɩ se pɛkɛ mbá pamʋnaa yɔ nɛ piyebi-ɖʋ.

Ebree 11:8

Abraham ɖɔɖɔ ñaawɛnɩ lidaʋ Ɛsɔ yɔɔ, pʋ-yɔɔ ɛñam-ɩ nɛ etisi tɔm ndʋ́ eheyi-i yɔ. Eeheyi-i se: «Kʋyɩ ŋwolo ɛjaɖɛ nɖɩ́ mawɩlɩɣ-ŋ yɔ ɖɩ-taa nɛ ŋtɩɣyɩ-ɖɩ.» Peeɖe Abraham kʋyɩ ɛ-ɛjaɖɛ taa nɛ ɛɖɛɛ. Ɛlɛ́, ɛtatɩlɩ ɖenɖe ewokaɣ yɔ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 2:10

Toovenim lɛ, Ɛsɔ labɩnɩ pɩtɩŋa payɩ nɛ pʋwɛɛ e-nesi taa. Yesu lɛ weyi ɛpazɩ ñʋʋ yabʋ tʋmɩyɛ yɔ. Pʋ-yɔɔ lɛ, pɩɩmʋnɩ ḿbʋ́ se ɛla kʋñɔŋ nɛ pʋcɔ ɛsʋʋ e-koboyaɣ taa. Ɛlabɩ ḿbʋ́ se ɛyáa sakɩyɛ ɛsʋʋ ka-taa ɖɔɖɔ.

Ebree 2:3

Yee ḿbʋ́ pʋwɛɛ lɛ, ɛzɩma ɖa ɖapɩzɩɣ ɖɩlɩɩ pɩ-taa alɩwaatʋ ndʋ́ ɖɩtakpaɣ ñʋʋ yabʋ siŋŋ tɔm tʋnɛ nɛ ɖɩyaa pʋyʋ yɔ? Kɩpaɣlʋ Yesu calɩnɩ pʋ-tɔm yɔɔdʋʋ nɛ mbá panɩ-tʋ yɔ, paɖaɣnɩ-ɖʋ-tʋ heyuu se tɩkɛ toovenim.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Ebree 9:15

Pʋ-yɔɔ Krɩstʋ kɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa. Ɛlabɩ ḿbʋ́ se mbá Ɛsɔ ya-wɛ se pɛkɛ ɛ-ñɩma yɔ, papɩzɩ pehiɣ ñɩm maatɛŋ mbʋ́ ɛɖʋwa se ɛhaɣ-wɛ yɔ. Krɩstʋ ɛnʋ, ɛ-sɩm yɔɔ pɩtɩŋnaa nɛ pehiɣ-pʋ. Ḿbʋ́ ɖɔɖɔ lɩzɩnɩ-wɛ kɩwɛɛkɩm mbʋ́ paalabɩ alɩwaatʋ ndʋ́ paawɛ kajalaɣ nɔɔ haʋ paɣtʋ tɛɛ yɔ pi-nesi taa.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.

Yuudi 1:21

Mɩ-ɛsɛ ɛsɛɛnɩ Ɛsɔ sɔɔlʋʋ nɛ ɩwɛɛ ɖaŋʋʋ yɔɔ se ɖa-Kɩpaɣlʋ Yesu Krɩstʋ naɣ mɩ-pʋtɔdɩyɛ nɛ ɛha-mɩ wezuu maatɛŋ.