Ebree 5:1 - New Testament

¹ Paa cɔjɔnaa ñʋʋdʋ weyi lɛ, ɛyáa hɛkʋ taa palɩzɩ-ɩ. Ɛ-tʋmɩyɛ lɛ se ewolo Ɛsɔ ɛsɩndaa nɛ ɛlɔ nɔɔ nɛ ɛcɛlɩ-ɩ haɖɛ ndɩ ndɩ nɖɩ́ pahawa yɔ nɛ ɛlaa-ɩ kɩlaŋ nɛ ɛ́lɛ́ kpeɣ-wɛ pa-kɩwɛɛkɩm.

Ebree 5:1 ပူးပေါင်းရင်းမြစ်များ

Room 15:17

Pʋ-yɔɔ lɛ, ma nɛ Krɩstʋ Yesu ɖɛ-kpɛndʋʋ taa lɛ, manpɩzɩɣ mankʋndɩnɩ Ɛsɔ tʋmɩyɛ nɖɩ́ malakɩ yɔ.

1 Kɔrɛntɩ 15:3

Tɔm ndʋ́ maanɩwa nɛ mentisi nɛ tɩkɩlɩ wazaɣ yɔ, ńdʋ́ meheyi-mɩ. Ńdʋ́ lɛ se: ɖa-kɩwɛɛkɩm yɔɔ Krɩstʋ sɩba. Ḿbʋ́ pama Ɛsɔtɔm Takayaɣ taa ɖooo lɔŋ.

Ebree 10:11

Paa cɔjɔ weyi lɛ, ɛwɛ ɛ-tʋmɩyɛ ɖɩlaɖɛ paa kɩyakʋ ŋgʋ́ se ɛlabɩ-ɖɩ. Ɛpaŋ laʋ kpɩna, ŋgʋ́, kɩlaŋ ɩnʋ ɩɩpɩzɩɣ ɩhɛzɩ ɛyáa kɩwɛɛkɩm kaʋ.

Ebree 10:12

Piyele Krɩstʋ yɔ, ɛkpaɣ ɛ-maɣmaɣ ɛ-tɩ ɛha nɛ palaa-ɩ kpaagbaa laʋ ɛyáa kɩwɛɛkɩm yɔɔ. Pʋwayɩ lɛ, ewolo ɛcaɣ Ɛsɔ cɔlɔ lone kɩbanɖɛ taa

Ebree 11:4

Aabɛɛlɩ wɛnɩ lidaʋ Ɛsɔ yɔɔ yɔɔ ɛla-ɩ kɩlaʋ nɛ kɩkɩlɩ ɛ-ɖalʋ Kayɛnɩ ñɩŋgʋ. Kʋ-yɔɔ ɛ́lɛ́ kaɖaa se ɛkɛ kʋtʋʋzʋ. Mbʋ́ pʋyɔɔ yɔ, ɛ-haɖɛ ńɖɩ́ ɖɩkɛdɩnɩ-ɩ. Aabɛɛlɩ ɛnʋ, mbʋ́ ɛlaba nɛ pɩtɩŋnɩ e-lidaʋ ŋ́gʋ́ kʋ-yɔɔ yɔ, pʋ-yɔɔ pɛkɛdɩɣ-ɖʋ ɛ-tɔm halɩ nɛ sɔnɔ nɛ pʋwɛɛ ɛzɩ ɛnʋ yɔɔdʋʋnɩnɩ-ɖʋ yɔ. Ŋgʋ́ ɛsɩba.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 7:27

Ɛfɛyɩ ɛzɩ cɔjɔnaa ñʋndɩnaa lɛlaa yɔ. Mbʋ́ pʋyɔɔ yɔ, pʋpɔzʋʋ se palaɣ Ɛsɔ kɩyakɩŋ tɩŋa. Kajalaɣ lɛ, palaɣ pa-maɣmaɣ pa-kɩwɛɛkɩm yɔɔ. Pʋwayɩ lɛ, palaa ɛyáa tɩŋa ñɩmbʋ yɔɔ. Piyele Yesu lɛ, tam kʋɖʋm koŋ ɛla alɩwaatʋ ndʋ́ ɛkpaɣ ɛ-maɣmaɣ ɛ-tɩ nɛ ɛha ɛyáa kɩwɛɛkɩm yɔɔ yɔ.

Ebree 8:3

Paa cɔjɔ sɔsɔ weyi lɛ, pasɩ-ɩ se ewoni Ɛsɔ haɖɛ nɛ kpɩna wena palaɣ Ɛsɔ ɛnʋ yɔ. Pʋ-yɔɔ lɛ, pʋwɛɛ se ɖɔ-cɔjɔ sɔsɔ ɖɔɖɔ ehiɣ nabʋyʋ nɛ ewoni ɛha-ɩ.

Ebree 8:4

Ŋgʋ́, yee ɛɛwɛ kedeŋa yɔɔ yɔ, ɛtaatɩɩkɛʋ cɔjɔ maɣmaɣ nɛ pʋcɔ. Mbʋ́ pʋyɔɔ yɔ, cɔjɔnaa lɛlaa wɛɛ nɛ powokini Ɛsɔ haɖɛ ɛzɩ paɖʋʋ paɣtʋ taa yɔ.

Ebree 9:9

Ḿbʋ́ wɩlɩɣnɩ alɩwaatʋ ndʋ́ ɖɩwɛ tɩ-taa lɛɛlɛɛyɔ yɔ. Pʋ-tɔbʋʋ se haɖɛ nɛ kpɩna wena palaɣ Ɛsɔ yɔ, paapɩsɩɣ mbá palakɩ kʋjɔŋ ɩnʋ yɔ kʋtʋʋzaa Ɛsɔ ɛsɩndaa.