Ebree 4:2 - New Testament

² Peheyi-ɖʋ Laŋhɛzɩyɛ Tɔm ɖɔɖɔ ɛzɩ paaheyuu mbá paawɛ lakʋ taa yɔ. Ɛlɛ́, tɔm ndʋ́ panɩwa yɔ, tɩtawazɩ-wɛ pʋyʋ, mbʋ́ pʋyɔɔ yɔ, mbá panɩ-tʋ yɔ, pataawɛnɩ lidaʋ tɩ-yɔɔ.

Ebree 4:2 ပူးပေါင်းရင်းမြစ်များ

Tʋma Labʋ 13:46

Peeɖe ɛ nɛ Barnaabaasɩ peheyi-wɛ kpayɩ se: «Mɩ pɩɩmʋnaa se ɖɩlɛyɩnɩ Ɛsɔtɔm heyuu nɛ pʋcɔ. Ɛlɛ́, ɖenɖe ikizi-tʋ nɛ ɩmaɣzɩɣ se ɩtamʋnɩ se ihiɣ wezuu maatɛŋ yɔ, ɖiyeki-mɩ ɖiwolo mbá pɛtɛkɛ Yuda ñɩma yɔ pɔ-cɔlɔ.

Tʋma Labʋ 3:26

Ḿbʋ́ Ɛsɔ calɩ ɛ-tʋmlaɖʋ Yesu tiyuu mɩ-cɔlɔ se ɛkɔɔ ɛlɩzɩ-mɩ mɩ-kɩwɛɛkɩm taa nɛ pɩwɩlɩ se ɛwazɩ mɩtɩŋa payɩ mɩ-yɔɔ.»

Room 2:25

Toovenim lɛ, yee ŋɖɔŋ paɣtʋ yɔɔ yɔ, pɛlʋʋ wɛ wazaɣ. Ɛlɛ́, yee ŋŋɖɔŋ tɩ-yɔɔ yɔ, pʋwɛ ɛzɩ pɛtɛpɛlɩ-ŋ yɔ.

Room 3:3

Yee pa-taa nabɛyɛ ɛtɔɖɔ tɩ-yɔɔ lɛ, pɩwɩlɩɣ se Ɛsɔ ɛɛlakɩ mbʋ́ ɛɖʋwa se ɛlakɩ yɔ yaa we?

1 Kɔrɛntɩ 13:3

Paa maakpaɣ ma-ñɩm tɩŋa payɩ nɛ mantayɩ lɛlaa yaa paa maacɛlɩ man-tɩ se pɔsɔbɩ-m miŋ ɛyáa yɔɔ nɛ yee maasɔɔlʋʋ-wɛ yɔ, pɩɩlɩɣ-m pʋyʋ.

Galaatɩ 3:2

Tɔm kʋɖʋmtʋ koŋ mɔnpɔzʋʋ-mɩ, ńdʋ́ lɛ se: ɩɖɔŋ Yuda ñɩma paɣtʋ yɔɔ camɩyɛ yɔɔ Ɛsɔ ha-mɩ e-Fezuu Kiɖeɖeu yaa ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ? Icosi-m nɛ manɩɩ.

Galaatɩ 3:8

Đɔɖɔ lɛ, pama Ɛsɔtɔm Takayaɣ taa ɖooo lɔŋ se mbá pɛtɛkɛ Yuda ñɩma yɔ, pɔkɔŋ wɛnaʋ lidaʋ Ɛsɔ yɔɔ se ɛ́lɛ́ ɛkpaɣ-wɛ se pɛkɛ kʋtʋʋzaa. Pʋ-yɔɔ Ɛsɔ kalayɩnɩ Abraham heyuu laŋhɛzɩyɛ tɔm. Ńdʋ́ lɛ se: «Ñɔ-yɔɔ lɛ, mɔnkɔŋ wazʋʋ kedeŋa kpeekpe ɛyáa yɔɔ.»

Galaatɩ 4:13

Ɩtɔzɩ se kʋdɔŋ taa maawɛɛ yɔɔ mancalɩ-mɩ susuu Laŋhɛzɩyɛ Tɔm.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

1 Tesalooniki 2:13

Đɩsaŋ Ɛsɔ tam nabʋyʋ yɔɔ ɖɔɖɔ. Ḿbʋ́ lɛ se: alɩwaatʋ ndʋ́ ɖisusi-mɩ ɛ-tɔm nɛ ɩnɩɩ-tʋ yɔ, itetisi-tʋ ɛzɩ ɛyáa tɔm yem yɔ. Ɛlɛ́, itisi-tʋ ɛzɩ mbʋ́ tɩkɛ toovenim taa yɔ, tɩkɛ Ɛsɔtɔm siŋŋ nɛ tɩlakɩ mbá mɩ ɩwɛnɩ lidaʋ ɛ-yɔɔ yɔ tʋmɩyɛ.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

Ebree 11:6

Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Ebree 4:6

Mbá pacalɩ Laŋhɛzɩyɛ Tɔm ńdʋ́ nɩʋ yɔ, patasʋʋ hɛzʋʋ ḿbʋ́ pɩ-taa, mbʋ́ pʋyɔɔ yɔ, pɛkɛ kaañamtʋ tɩnaa. Pʋ-yɔɔ lone ńɖɩ́ ɖɩwɛɛ se lɛlaa ɛsʋʋ.

Yakubu 1:21

Pʋ-yɔɔ lɛ, iyele mbʋ́ pɩtɩŋa payɩ pipisiɣ ɛyáa yɔ nɛ mbʋ́ pɩtɩŋa payɩ pɩfɛyɩ ɖeu yɔ. Itisi tɔm ndʋ́ Ɛsɔ ɖu mɩ-laŋa taa yɔ nɛ ñamtʋ, mbʋ́ pʋyɔɔ yɔ, tɩpɩzɩɣ tɩya mɩ-ñʋʋ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.