Ebree 4:13 - New Testament

¹³ Mbʋ́ pɩtɩŋa payɩ pʋwɛ kedeŋa yɔɔ yɔ, nabʋyʋ fɛyɩ Ɛsɔ mɛsaɣ tɛɛ. Pukuli pɩtɩŋa payɩ pʋ-yɔɔ nɛ pile ɛ-ɛsɩndaa nɛ ɛnaɣ-pʋ. Ɛnʋ pʋwɛɛ se ɖatɩŋa payɩ ɖiheyi mbʋ́ ɖɩlaba yɔ.

Ebree 4:13 ပူးပေါင်းရင်းမြစ်များ

Maatiyee 6:4

Ha-wɛ mɛsaɣ tɛɛ nɛ ña-Caa weyi ɛnaɣ mbʋ́ ŋlakɩ mɛsaɣ tɛɛ yɔ, ɛhɛyɩ-ŋ.»

Yohanɛɛsɩ 2:24

Ɛlɛ́, ɛnʋ tataa-wɛ liu, mbʋ́ pʋyɔɔ yɔ, ɛsɩm patɩŋa payɩ pa-lɩmaɣza.

Yohanɛɛsɩ 21:17

Yesu tasɩ-ɩ pɔzʋʋ tozo ɖeɖe se: «Yohanɛɛsɩ pɩyalʋ Siimɔɔ! Ŋsɔɔlɩ-m yaa we?» Ɛtasɩ Pɩyɛ pɔzʋʋ tozo ɖeɖe ḿbʋ́ lɛ, ɛ́lɛ́ laŋɩyɛ wɛɛkɩ nɛ ecosi-i se: «Kɩpaɣlʋ! Ŋsɩm pɩtɩŋa payɩ. Ŋna ḿbʋ́ se mɔnsɔɔlɩ-ŋ!» Peeɖe Yesu heyi-i se: «Yee ḿbʋ́ cɔnɩ me-heŋ yɔɔ camɩyɛ.»

Yohanɛɛsɩ 4:16

Ɛlɛ́, Yesu heyi-i se: «Wolo ŋyaa ña-walʋ nɛ ña nɛ ɩ ɩkɔɔ.»

Tʋma Labʋ 17:31

Mbʋ́ pʋyɔɔ yɔ, ɛtɛm ɖʋʋ kɩyakʋ ŋgʋ́ ɛkɔŋ hʋnaʋ kedeŋa kpeekpe yɔɔ ɛyáa nɛ toovenim yɔ. Ɛyʋ weyi ɛlɩzaa yɔ, ɛ-yɔɔ ɛtɩŋɩɣna nɛ ɛhʋʋnɩ-wɛ tɔm. Mbʋ́ ɛwɩlɩnɩ paa weyi se ɛkɔŋ-pʋ labʋ yɔ lɛ se efezi-i nɛ sɩɖaa taa.»

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 5:10

Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.

Wɩlʋʋ 2:23

Mɔnkɔŋ kʋʋ halʋ ɛnʋ e-piya nɛ piyele ma-aŋgba tɩŋa taa ñɩma tɩlɩ se ma lɛ weyi ɛtazɩɣ ɛyáa lɩmaɣza nɛ mbʋ́ pʋwɛ pa-taa yɔ pa-taa. Mɔnkɔŋ hɛyʋʋ paa mɩ-taa weyi mbʋ́ ɛlaba yɔ pʋ-yɔɔ.