Ebree 4:12 - New Testament

¹² Mbʋ́ pʋyɔɔ yɔ, Ɛsɔtɔm wɛ wezuu nɛ tɩwɛɛ ɖoŋ ɖɔɖɔ. Tɩwɛ lɔŋ nɛ pɩkɩlɩ sɛsɩ nzɩ́ sɩwɛ lɔŋ cenje yɔ. Tɩsʋʋ ɛyʋ fɩŋ fɩŋ nɛ tɩtalɩ e-ciyam nɛ ɛ-kalɩzaɣ pa-ɖɩtanɛ nɛ tɩtayɩ-wɛ. Tɩtalɩɣ ɖɔɖɔ ɛ-mɔɔ nɛ a-taa num nɛ tɩtayɩ-wɛ. Ńdʋ́ tayɩɣnɩ ɖɔɖɔ ɛ-lɩmaɣza: kɩbana hɔɔlʋʋ nɛ kɩdɛkɛdɛɛ hɔɔlʋʋ.

Ebree 4:12 ပူးပေါင်းရင်းမြစ်များ

Luka 8:11

Peeɖe Yesu heyi-wɛ se: «Ɩɩnaɣ eduuye ńɖɩ́ ɖɩ-tɔbʋʋ: tɔɔnaɣ pee ana, awɛ ɛzɩ Ɛsɔtɔm yɔ.

Yohanɛɛsɩ 12:48

Weyi ɛlɔʋ-m nɛ ekizi mɔn-tɔm yɔ, ɛnaɣ mbʋ́ pʋkʋʋ ɛ-tɔm yɔ: tɔm ndʋ́ mawɩlaa yɔ, ńdʋ́ kʋʋnɩ ɛ-tɔm kɛtɛzaɣ kɩyakʋ wiye.

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Tʋma Labʋ 2:37

Panɩ tɔm ńdʋ́ lɛ, pitili-wɛ yem yɔɔɔ. Peeɖe pɔpɔzɩ Pɩyɛ nɛ tiyiyaa lɛlaa se: «Taabalaa! Ɛbɛ pʋwɛɛ se ɖɩla yɔ?»

Tʋma Labʋ 4:31

Pɛtɛm Ɛsɔ sɛʋ lɛ, lone nɖɩ́ ɖɩ-taa paakpeɣlaa yɔ, ɖɩñamsɩ. Peeɖe Fezuu Kiɖeɖeu tibi kɩwɛɛ patɩŋa pɔ-yɔɔ nɛ papazɩ Ɛsɔtɔm susuu kaalɛyɩtʋ.

Tʋma Labʋ 5:33

Tɔm hʋyaa nɩ ḿbʋ́ lɛ, pamʋ miŋ nɛ pacaɣ se pakʋ-wɛ.

Tʋma Labʋ 7:38

Ɛnʋ kɛwɛnɩ Izrɛɛlɩ ñɩma mbá paakpeɣli lakʋ taa yɔ pɔ-cɔlɔ: ɛ nɛ ɖɔ-cɔzɔnaa nɛ Ɛsɔ tiyiyu weyi ɛyɔɔdaɣnɩ-ɩ nɛ Sinayii pʋʋ yɔɔ yɔ paawɛna. Ɛnʋ mʋnɩ wezuu tɔm nɛ ɛcɛlɩ-ɖʋ.

Room 1:16

Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.

1 Kɔrɛntɩ 1:24

Ɛlɛ́, mbá Ɛsɔ yawa yɔ, paa pɛkɛ Yuda ñɩma yaa pɛtɛkɛ Yuda ñɩma yɔ, Krɩstʋ ɛnʋ, ɛkɛnɩ-wɛ Ɛsɔ ɖoŋ nɛ Ɛsɔ lɔŋsɩnɖɛ.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

Efɛɛzɩ 5:13

Ɛlɛ́, ñalɩmɩyɛ ɛñalɩ pʋ-yɔɔ yɔ, panaɣ-pʋ keɣlee, panaɣ mbʋ́ pɩkɛnaa kpem yɔ.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

Efɛɛzɩ 6:17

Ɩkpaɣ ɖɔɖɔ mɩ-ñʋʋ yabʋ ɛzɩ you hulaɣ yɔ nɛ Ɛsɔtɔm ɛzɩ you sɩɣa ŋgá e-Fezuu Kiɖeɖeu cɛlɩ-mɩ yɔ.

1 Tesalooniki 2:13

Đɩsaŋ Ɛsɔ tam nabʋyʋ yɔɔ ɖɔɖɔ. Ḿbʋ́ lɛ se: alɩwaatʋ ndʋ́ ɖisusi-mɩ ɛ-tɔm nɛ ɩnɩɩ-tʋ yɔ, itetisi-tʋ ɛzɩ ɛyáa tɔm yem yɔ. Ɛlɛ́, itisi-tʋ ɛzɩ mbʋ́ tɩkɛ toovenim taa yɔ, tɩkɛ Ɛsɔtɔm siŋŋ nɛ tɩlakɩ mbá mɩ ɩwɛnɩ lidaʋ ɛ-yɔɔ yɔ tʋmɩyɛ.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

Ebree 13:7

Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

Ebree 6:5

nɛ pana se Ɛsɔtɔm wɛ ɖeu nɛ panɩɩ kedeŋa ɖoŋ weyi ɛkaɣ kɔm yɔ ɛ-taŋ.

Yakubu 1:18

Ɛ-maɣmaɣ ɛsɔɔlɩna nɛ ɛtɩŋnɩ toovenim tɔm yɔɔ nɛ ɛha-ɖʋ wezuu se ɖɩkɛ kajalaɣ ñɩma, mbʋ́ mbʋ́ ɛlaba yɔ pɩ-taa.

1 Pɩyɛ 1:23

Mbʋ́ pʋyɔɔ yɔ, Ɛsɔtɔm ndʋ́ tɩwɛ tam nɛ tɩlakɩ ɛyáa tʋmɩyɛ yɔ, tɩ-yɔɔ pɩtɩŋnaa nɛ ihiɣ wezuu kɩfalʋʋ. Ḿbʋ́ pɩtɩŋnɩ mbʋ́ pɩɩsɩkɩ kaʋ yɔ pʋ-yɔɔ nɛ ihiɣ wezuu.

Wɩlʋʋ 1:16

Ɛɖɔkɩ tɩɩnzɩ lʋbɛ e-nesi kɩbanzɩ taa nɛ ɛ-nɔɔ taa lɩɣ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ. Ɛ-ɛsɩndaa ñɩlɩsaɣ ɛzɩ wɩsɩ ñakʋʋ ɖoŋ alɩwaatʋ ndʋ́ sisiɣa yɔ.

Wɩlʋʋ 19:15

Sɩɣa ŋgá kɛwɛ lɔŋ yɔ, kalɩɣaɣnɩ ɛ-nɔɔ taa se ɛwabɩnɩ ajɛya taa ñɩma. Ɛ-maɣmaɣ ɛkɔŋ-wɛ ɖiyuu nɛ ɖaʋ ñɩ́ɣ́yʋ́ʋ ñɩŋgʋ. Ɛhɔyʋʋ-wɛ Ɛsɔ Đoŋ Tɩŋa Tʋ pana sɔsɔna pulone taa ɛzɩ pɔhɔyʋʋ tɩŋ weyi popuu i-pee sʋlʋm yɔ i-pee yɔ.

Wɩlʋʋ 19:21

Ɛlɛ́, weyi ɛcaɣ kpaŋnɔ yɔ, ɛkʋ lɛlaa mbá pɩkazaa yɔ patɩŋa payɩ nɛ sɩɣa ŋgá kalɩɣaɣnɩ ɛ-nɔɔ taa yɔ nɛ sumasɩ tɩŋa tɔɔ pa-nandʋ nɛ sɩhaɣ.

Wɩlʋʋ 2:16

Pʋ-yɔɔ lɛ, pɛlɛɣzɩ wɛtʋ. Pɩtɛkɛ ḿbʋ́, mɔnkɔŋ pɛ-tɛ kɩyakɩŋ ɩnɛ ɩ-taa nɛ moyoni-wɛ nɛ sɩɣa ŋgá kalɩɣnɩ mɔ-nɔɔ taa yɔ.

Wɩlʋʋ 2:23

Mɔnkɔŋ kʋʋ halʋ ɛnʋ e-piya nɛ piyele ma-aŋgba tɩŋa taa ñɩma tɩlɩ se ma lɛ weyi ɛtazɩɣ ɛyáa lɩmaɣza nɛ mbʋ́ pʋwɛ pa-taa yɔ pa-taa. Mɔnkɔŋ hɛyʋʋ paa mɩ-taa weyi mbʋ́ ɛlaba yɔ pʋ-yɔɔ.

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.