Ebree 4:11 - New Testament

¹¹ Pʋ-yɔɔ lɛ, ɖikpedesi nɛ ɖɩsʋʋ hɛzʋʋ ḿbʋ́ pɩ-taa nɛ ɖa-taa nɔɔyʋ ɛtaakɔɔ ɛtɔlɩ se ɛlabɩ kaañamtʋ ɛzɩ ɖɔ-cɔzɔnaa yɔ.

Ebree 4:11 ပူးပေါင်းရင်းမြစ်များ

Maatiyee 11:12

Pɩkpaɣʋnɩ alɩwaatʋ ndʋ́ Yohanɛɛsɩ ɛnʋ esusi tɔm nɛ pʋkɔɔ pɩsɩɩnɩ lɛɛlɛɛyɔ yɔ, ɛyáa wɛɛ pɛtɛzɩɣ kʋyʋʋ Ɛsɔ Kewiyaɣ yɔɔ nɛ pañɩnɩɣnɩ ɖoŋ se pehiɣ-kɛ.

Maatiyee 7:13

Yesu tasɩ-wɛ heyuu se: «Ɩtɩŋnɩ ɖɛɛmɛnɖɛɛ taa nɛ ihiɣ wezuu. Nɔnɔɔ kɩwalaɣ nɛ nʋmɔʋ kɩwalʋʋ patɩŋnaʋ fɛyɩ kaɖɛ. Yee ɩtɩŋnɩ-wɛ yɔ, ileki. Ɛlɛ́, ɛyáa mbá patɩŋɩɣnɩ-wɛ yɔ pɔɖɔ sakɩyɛ.

Luka 13:24

«Meheyiɣ-mɩ se: ɩñaɣ pana nɛ ɩtɩŋnɩ ɖɛɛmɛnɖɛɛ taa nɛ ɩsʋʋ nɛ ihiɣ wezuu. Mbʋ́ pʋyɔɔ yɔ, ɛyáa sakɩyɛ kɔŋ ñɩnʋʋ se pasʋʋ, ɛlɛ́, paapɩzɩɣ.

Luka 16:16

Paawɩlɩ Mooyiizi paɣtʋ nɛ náyaa takayɩsɩ taa tɔm nɛ pʋkɔɔ pɩtalɩ Lɩm Sɔʋ Sɔnzɩ Laɖʋ Yohanɛɛsɩ alɩwaatʋ. Đooo alɩwaatʋ ńdʋ́ʋ́ papazɩ Ɛsɔ Kewiyaɣ Laŋhɛzɩyɛ Tɔm susuu nɛ paa weyi ɛlʋkɩ se ɛsʋʋ ka-taa.

Yohanɛɛsɩ 6:27

Ɩtaala tʋmɩyɛ tɔɔnaɣ ŋgá kɛwɛɛkɩɣ yɔ kɔ-yɔɔ. Ɛlɛ́, ɩla ŋgá kacakɩ tam nɛ kahaɣ wezuu maatɛŋ yɔ kɔ-yɔɔ. Ɛyʋ Pɩyalʋ kɔŋnɩ-mɩ-kɛ haʋ, mbʋ́ pʋyɔɔ yɔ, Caa Ɛsɔ ñɩɣ ɛ-yɔɔ nesi.»

Tʋma Labʋ 26:19

«Pʋ-yɔɔ lɛ, wiyaʋ Agriipaa! Mentekizi mbʋ́ Kɩpaɣlʋ wɩlɩ-m nɛ ɛsɔdaa yɔ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Efɛɛzɩ 5:6

Itaayele nɔɔyʋ yili-mɩ nɛ ɛ-tɔm ndʋ́ tɩfɛyɩ wazaɣ nakɛyɛ yɔ: pʋ-yɔɔ Ɛsɔ pana kpaɣnɩ mbá paañaŋ-ɩ yɔ.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Koloosi 3:6

Ɛsɔ pana kɔŋ kpanaʋ mbá palakɩ pɩtɛ lakasɩ sɩnɛ yɔ.

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Ebree 3:18

Ɛsɔ ɖuwaa se: «Toovenim lɛ, paakɔŋ sʋʋ ɛjaɖɛ nɖɩ́ mɔñɔɔzɩ-wɛ se powolo pɛhɛzɩ yɔ ɖɩ-taa kaʋ.» Mbá eɖuuni ḿbʋ́? Ḿbá lɛ kaañamtʋ tɩnaa ḿbá.

Ebree 4:6

Mbá pacalɩ Laŋhɛzɩyɛ Tɔm ńdʋ́ nɩʋ yɔ, patasʋʋ hɛzʋʋ ḿbʋ́ pɩ-taa, mbʋ́ pʋyɔɔ yɔ, pɛkɛ kaañamtʋ tɩnaa. Pʋ-yɔɔ lone ńɖɩ́ ɖɩwɛɛ se lɛlaa ɛsʋʋ.

Ebree 6:11

Ɛlɛ́, ɖe-liu wɛɛ se paa mɩ-taa weyi lɛ, ɛñaɣ pana ḿbʋ́ siŋŋ nɛ pʋkɔɔ pɩsɩɩnɩ ɛ-kɛtɛzaɣ kɩyakʋ wiye. Yee ɩlabɩ ḿbʋ́ yɔ, ihikiɣ mbʋ́ ɩɖaŋaa yɔ.

2 Pɩyɛ 2:6

Pʋwayɩ lɛ, ɛhʋʋnɩ Sodom ñɩma nɛ Gomɔɔrɩ ñɩma nɛ ɛkʋ pɔ-tɔm nɛ ɛñaɣzɩ pa nɛ pɛ-tɛtʋ miŋ nɛ papɩsɩ tɔlɩma. Ḿbʋ́ ɛwɩlɩnɩ mbá paañaŋ-ɩ yɔ se ḿbʋ́ pʋkɔŋ-wɛ tɛmnaʋ.