Ebree 3:6 - New Testament

⁶ Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 3:6 ပူးပေါင်းရင်းမြစ်များ

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 16:18

Ma lɛ, meheyiɣ-ŋ se: ña mayaɣ se Pɩyɛ. Pɩyɛ ńɖɩ́ ɖɩ-yɔɔ manɖʋʋ mɛ-ŋgbɛyɛ. Sɩm maɣmaɣ ɛɛpɩzɩɣ pɩlabɩ-ɖɩ pʋyʋ.

Maatiyee 24:13

Ɛlɛ́, weyi ɛɖɔkʋʋ ɛ-tɩ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Room 11:22

Cɔnɩ ŋna Ɛsɔ camɩyɛ lakasɩ nɛ ɛzɩma mbʋ́ ɛhʋʋnɩ ɛyáa nɛ ɛhɔŋ pa-nɩŋgbaaŋ ɖɔɖɔ yɔ: ɛhʋʋnɩ mbá palabɩ kɩwɛɛkɩm yɔ nɛ ɛlakɩ ña ɖeu. Ɛlɛ́, pʋwɛɛ se ŋwɛɛ Ɛsɔ camɩyɛ lakasɩ nʋmɔʋ taa. Pɩtɛkɛ ḿbʋ́, ɛsɛtɩɣ-ŋ ɖɔɖɔ ɛzɩ pɛsɛtʋʋ piliŋa yɔ.

Room 12:12

Mɩ-laŋa ɛhʋlʋmɩ mɩ-ɖaŋʋʋ yɔɔ. Ɩɖɔkɩ mɩ-hɔ kʋñɔmɩŋ taa. Ɩwɛɛ Ɛsɔ sɛʋ yɔɔ tam.

Room 15:13

Ɛsɔ weyi eyeki se ɖɩtaa-ɩ yɔ, ɛtɩŋnɩ lidaʋ ŋgʋ́ ɩwɛnɩ ɛ-yɔɔ yɔ kʋ-yɔɔ nɛ eyele mɩ-laŋa hʋlʋmɩ siŋŋ nɛ ɛhɛzɩ-yɛ camɩyɛ. Peeɖe pɩtɩŋɩɣnɩ e-Fezuu Kiɖeɖeu ɖoŋ yɔɔ nɛ ɩtɛzɩ-ɩ taʋ kpem.

Room 5:2

Ɛ-yɔɔ pɩtɩŋnaa nɛ ɖɩpɩzɩ ɖɩwɛnɩ lidaʋ Ɛsɔ yɔɔ nɛ pɩha-ɖʋ waɖɛ se ɖɩtɩlɩ lootiye nɖɩ́ ɛlabɩ-ɖʋ nɛ ɖɩhaɣ-ɖʋ ɖoŋ yɔ. Pʋ-yɔɔ ɖɩkʋndʋʋ nɛ ɖɩtaɣ liu se ɖa nɛ Ɛsɔ ɛnʋ ɖɩkɔŋ wɛʋ e-koboyaɣ taa.

1 Kɔrɛntɩ 3:16

Ɩtatɩlɩ se ɩwɛ ɛzɩ Ɛsɔ ɖɩɣa ŋgá e-Fezuu Kiɖeɖeu wɛ ka-taa yɔ yaa we?

1 Kɔrɛntɩ 6:19

Ɩtatɩlɩ se mi-tomnaɣ lɛ Fezuu ŋgʋ́ Ɛsɔ ha-mɩ nɛ kɩwɛɛ mɩ-taa yɔ kɩ-ɖɩɣa naa we? Pɩtɛkɛ mɩtɩnɩ mɩ-tɩ.

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

Galaatɩ 6:10

Pʋ-yɔɔ lɛ, yee pɩha-ɖʋ waɖɛ yɔ, ɖɩsɩnɩ ɛyáa tɩŋa, kɔzɩkɔzɩ mbá pɛwɛnɩ lidaʋ Krɩstʋ yɔɔ yɔ.

Galaatɩ 6:9

Pɩtaaɖɛɛ-ɖʋ nɛ camɩyɛ lakasɩ labʋ. Yee ɖɩwɛ sɩ-labʋ yɔɔ ḿbʋ́ yɔ, alɩwaatʋ talɩɣ lɛ, paa weyi ɛkʋ mbʋ́ eɖuwa yɔ.

Efɛɛzɩ 3:12

Ɛ-yɔɔ pɩtɩŋɩɣnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ pɩhaɣ-ɖʋ waɖɛ se ɖiwolo Ɛsɔ cɔlɔ kaalɛyɩtʋ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

1 Tesalooniki 5:16

Mɩ-taa ɛhʋlʋmɩ tam.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

Ebree 1:2

Ɛlɛ́, lɛɛlɛɛyɔ ɛtɩŋnɩ ɛ-Pɩyalʋ yɔɔ nɛ ɛyɔɔdɩnɩ-ɖʋ kɛtɛzaɣ kɩyakɩŋ ɩnɛ ɩ-taa. Ɛ-yɔɔ ɛtɩŋnaa nɛ ɛla kedeŋa. Ɛlɩzɩ-ɩ se ɛtɩɣyɩ pɩtɩŋa payɩ.

Ebree 10:19

Pʋ-yɔɔ lɛ, taabalaa! Đɩna siŋŋ se Yesu calɩm haɣ-ɖʋ waɖɛ se ɖɩsʋʋ lone nɖɩ́ ɖɩkɩlɩ kaɖɛ yɔ ɖɩ-taa kaalɛyɩtʋ.

Ebree 10:21

Yee ḿbʋ́, ɖɩwɛnɩ cɔjɔ sɔsɔ nɛ ɛcɔŋnɩ Ɛsɔ ɖɩɣa yɔɔ.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 10:35

Pʋ-yɔɔ lɛ, ɩtaalɔ liu: ɩkɔŋ hiɣu kɩhɛyʋʋ sɔsɔʋ.

Ebree 11:1

Ɛsɔ yɔɔ lidaʋ wɛnaʋ lɛ se ɖɩtɩlɩ se mbʋ́ ɖɩɖaŋ kpam yɔ, pʋkɔŋ labʋ. Ḿbʋ́ ɖɔɖɔ mbʋ́ ɖɩɩnaɣnɩ ɖɛ-ɛsɛ yɔ, pʋwɛɛ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 4:11

Pʋ-yɔɔ lɛ, ɖikpedesi nɛ ɖɩsʋʋ hɛzʋʋ ḿbʋ́ pɩ-taa nɛ ɖa-taa nɔɔyʋ ɛtaakɔɔ ɛtɔlɩ se ɛlabɩ kaañamtʋ ɛzɩ ɖɔ-cɔzɔnaa yɔ.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Ebree 4:16

Pʋ-yɔɔ lɛ, pʋwɛɛ se ɖɩñɔtɩnɩ Ɛsɔ kewiyaɣ kpelaɣ kaalɛyɩtʋ, kɔ-cɔlɔ lootiye wɛɛ. Đɩlabɩ ḿbʋ́ yɔ, ɛnaɣ ɖa-pʋtɔdɩyɛ nɛ ɛlabɩ-ɖʋ lootiye nɛ ɛsɩnɩ-ɖʋ alɩwaatʋ ndʋ́ pʋpɔzʋʋ yɔ.

Ebree 6:11

Ɛlɛ́, ɖe-liu wɛɛ se paa mɩ-taa weyi lɛ, ɛñaɣ pana ḿbʋ́ siŋŋ nɛ pʋkɔɔ pɩsɩɩnɩ ɛ-kɛtɛzaɣ kɩyakʋ wiye. Yee ɩlabɩ ḿbʋ́ yɔ, ihikiɣ mbʋ́ ɩɖaŋaa yɔ.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

1 Pɩyɛ 1:8

Ɩtana-ɩ nɛ mɩ-ɛsɩyɛ, ɛlɛ́ ɩsɔɔlɩ-ɩ. Paa ɩtana-ɩ yɔ, ɩwɛnɩ lidaʋ ɛ-yɔɔ nɛ mɩ-laŋa hʋlʋmɩ siŋŋ, pɩfɛyɩ yɔɔdʋʋ.

1 Pɩyɛ 2:5

Pʋwɛɛ se ɩwɛɛ ɛzɩ pɛɛ wena awɛ wezuu yɔ. Ana Ɛsɔ kpakɩɣ nɛ ɛtɩŋnɩ e-Fezuu Kiɖeɖeu yɔɔ nɛ ɛmanɩ ɛ-ɖɩɣa. Peeɖe ɩkɛɣ cɔjɔnaa mbá ɛlɩzɩ-wɛ nɛ patɩŋɩɣnɩ Yesu Krɩstʋ yɔɔ nɛ palaɣ-ɩ kɩlaŋ weyi paanaɣ nɛ e-liu wɛɛ-ɩ yɔ.

1 Pɩyɛ 4:17

Mbʋ́ pʋyɔɔ yɔ, alɩwaatʋ talaa se Ɛsɔ ɛhʋʋnɩ ɛyáa tɔm. Ɛ-ñɩma ɛpazɩɣna. Yee ɖa ɛpazɩɣna lɛ, ɛbɛ pʋkɔŋ tɛmnaʋ mbá paaɖɔŋ ɛ-Laŋhɛzɩyɛ tɔm yɔɔ yɔ?

Wɩlʋʋ 2:18

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Tiyaatiiri Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Ma Ɛsɔ Pɩyalʋ, weyi ma mɛ-ɛsɛ ɖeɣ miŋ pelu pelu ɛzɩ miŋ nzʋlʋmɩyɛ nɛ ma-naŋgbanzɩ wɛɛ ɛzɩ ñɩ́ɣ́yʋ́ʋ kazɩnzɩŋa ñɩŋgʋ yɔ, mɔntɔŋna se:

Wɩlʋʋ 2:25

Ɛlɛ́, ɩɖɔkɩ mbʋ́ ɩwɛna yɔ kpam nɛ pʋkɔɔ pɩsɩɩnɩ kɩyakʋ ŋgʋ́ mɔnkɔŋ yɔ.

Wɩlʋʋ 2:26

‹Weyi ɛwakɩ nɛ ɛ́ɖɔ́kɩ ɛ-tɩ man-tʋma taa kpam nɛ pʋkɔɔ pɩtalɩ tɩnaɣ yɔɔ yɔ, mahaɣ-ɩ ɖoŋ se ɛcɔnɩ ajɛya taa ñɩma yɔɔ ɛzɩ man-Caa haʋ-m ɖɔɖɔ yɔ. Eɖiyiɣ-wɛ nɛ ñɩ́ɣ́yʋ́ʋ ɖaʋ nɛ ɛmɩzɩ-wɛ ɛzɩ pɔyɔkʋʋ cʋʋ pɛŋ yɔ. Mɔnkɔŋ-ɩ haʋ ɖɔɖɔ tɩmbalʋʋ.

Wɩlʋʋ 3:11

Pɩkazɩ pazɩ, mɔnkɔŋ. Pɔɖɔkɩ mbʋ́ pɛwɛna yɔ kpam nɛ nɔɔyʋ ɛtaakɔɔ ɛlɛɣ pa-wabɩyɛ hulaɣ.