Ebree 3:12 - New Testament

¹² Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Ebree 3:12 ပူးပေါင်းရင်းမြစ်များ

Maatiyee 16:16

Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

Maatiyee 24:4

Peeɖe eheyi-wɛ se: «Ɩɖɔkɩ mɩ-tɩ camɩyɛ, ɩtaayele nɛ nɔɔyʋ yili-mɩ.

Maarkɩ 13:23

Mɩ lɛ, mɛntɛm-mɩ heyuu pɩtɩŋa nɛ pɩɖɛɛ. Ɩɖɔkɩ mɩ-tɩ camɩyɛ kpam.»

Maarkɩ 13:33

Pʋ-yɔɔ lɛ, ɩɖɔkɩ mɩ-tɩ camɩyɛ, ɩtaaɖoo. Mbʋ́ pʋyɔɔ yɔ, ɩtasɩ alɩwaatʋ ńdʋ́.

Maarkɩ 13:9

«Mɩ lɛ, ɩkpa mɩ-tɩ camɩyɛ. Pɔkɔŋ-mɩ luu agbazɛɛ Ɛsɔ ɖɩsɛyɛ ndɩ ndɩ taa nɛ powoni-mɩ tɔm ɖɩhʋyɛ. Payaɣ-mɩ ajɛya ñʋndɩnaa nɛ awiya sɔsɔna pɔ-cɔlɔ mɔ-yɔɔ nɛ ɩkɛ ma-aseɣɖe tɩnaa pɔ-cɔlɔ.

Luka 21:8

Yesu cosi-wɛ se: «Ɩɖɔkɩ mɩ-tɩ camɩyɛ, ɩtaayele nɛ nɔɔyʋ yili-mɩ. Mbʋ́ pʋyɔɔ yɔ, ɛyáa sakɩyɛ kɔŋ Kʋɖʋm kʋɖʋm nɛ peyili-mɩ nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ. Pakaɣ-mɩ heyuu ɖɔɖɔ se: ‹Alɩwaatʋ talaa.› Ɛlɛ́, ɩtaamʋ pɔ-tɔm nɛ ɩtɩŋ-wɛ.

Room 11:21

Mbʋ́ pʋyɔɔ yɔ, yee Ɛsɔ etohuuzi Yuda ñɩma mbá pɛwɛ ɛzɩ kajalaɣ pilinzi yɔ pɔ-yɔɔ yɔ, eehuuzuu ña ɖɔɖɔ ñɔ-yɔɔ.

1 Kɔrɛntɩ 10:12

Pʋ-yɔɔ lɛ, weyi ɛmaɣzɩɣ se ɛsɩŋ ɛ-nasɩ taa yɔ, ɛkpa ɛ-tɩ nɛ ɛtaakɔɔ ɛtɔlɩ.

Koloosi 2:8

Ɩkpa mɩ-tɩ ɖeu nɛ nabɛyɛ ɛtaacɛtɩ-mɩ nɛ pa-maɣmaɣ pɔ-lɔŋsɩnɖɛ tɔm. Cɛtɩm tɔm ńdʋ́, tɩɩwazɩɣ pʋyʋ. Ɛyáa sɔnzɩ nɛ kedeŋa yɔɔ cɩnɛ ɖoŋ pɔ-cɔlɔ tɩlɩnaa. Tɩtɛkɛ Krɩstʋ ñɩndʋ.

1 Tesalooniki 1:9

Pa-maɣmaɣ pɛkɛdɩɣ ɛzɩma mbʋ́ ɩmʋ-ɖʋ mɩ-tɛ yɔ pʋ-tɔm nɛ ɛzɩma mbʋ́ ɩha agɔlɩma siɣ́ye nɛ ɩnɩɣnɩ Ɛsɔ wezuu tʋ nɛ toovenim tʋ tʋmɩyɛ

Ebree 10:31

Yee ḿbʋ́, pʋtɔɔ weyi ɛtɔlʋʋ Ɛsɔ wezuu tʋ nesi taa yɔ!

Ebree 10:38

Kɩpaɣlʋ yɔɔdaa se: Ma-ñɩnʋ weyi ɛtʋʋzɩ mɛ-ɛsɩndaa yɔ, e-lidaʋ yɔɔ lɛ, ɛwɛɣ wezuu. Ɛlɛ́, yee ɛpɩsɩnɩ ɛ-tɩ nɛ wayɩ yɔ, ɛ-tɔm ɛɛkɛdɩɣnɩ-m.»

Ebree 12:15

Ɩcɔnɩ ɖama yɔɔ camɩyɛ nɛ mɩ-taa nɔɔyʋ ɛtaakɔɔ ɛha lootiye nɖɩ́ Ɛsɔ labɩ-mɩ yɔ siɣ́ye. Mɩ-taa nɔɔyʋ ɛtaawɛɛ ɛzɩ tɩʋ ñaŋ ñɩŋgʋ ŋgʋ́ kɩwɛɛ nɛ kʋ-sɔtʋ ɖɛɣ ɛyáa sakɩyɛ nɛ tɩwɛɛkɩɣ-wɛ yɔ.

Ebree 12:22

Ɛlɛ́, mɩ mɩñɔtɩnɩ Siiyɔɔ Pʋʋ nɛ Ɛsɔ wezuu tʋ tɛtʋ: ńdʋ́ lɛ ɛsɔdaa Yeruusalɛm, Ɛsɔ tiyiyaa ɛgbaŋ ɛgbaŋ wɛ tɩ-taa.

Ebree 12:25

Yee ḿbʋ́, ɩɖɔkɩ mɩ-tɩ! Ɩtaakizi se iiwelesiɣni Ɛsɔ weyi ɛyɔɔdʋʋnɩ-mɩ yɔ. Mbʋ́ pʋyɔɔ yɔ, Izrɛɛlɩ ñɩma kizaa se paawelesiɣni weyi eheyaɣ-wɛ kedeŋa yɔɔ cɩnɛ mbʋ́ ɛwɩlɩ-ɩ yɔ nɛ patatʋlɩ nɩŋgbaŋʋʋ hɔm taa. Pʋ-yɔɔ lɛ, yee ɖa ɖahaɣ siɣ́ye weyi ɛyɔɔdʋʋnɩ-ɖʋ nɛ ɛsɔdaa yɔ yɔ, ɖɩɩpɩzɩɣ ɖɩlɩɩ pɩ-taa ɖɔɖɔ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 3:10

pɩnzɩ nɩɩnaza taa. Pʋ-yɔɔ man-pana kpanɩ-wɛ nɛ mɔntɔŋ se poyotuu yem. Pɔtɔsɔɔlɩ se patɩlɩ ma-nʋmɔŋ.

Ebree 3:19

Pʋ-yɔɔ lɛ, ɖɩnawa se pɛfɛyɩnɩ lidaʋ Ɛsɔ yɔɔ yɔɔ patapɩzɩ pasʋʋ hɛzʋʋ ḿbʋ́ pɩ-taa.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.