Ebree 3:1 - New Testament

¹ Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 3:1 ပူးပေါင်းရင်းမြစ်များ

Yohanɛɛsɩ 17:3

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Yohanɛɛsɩ 20:21

Peeɖe Yesu tasɩ yɔɔdʋʋ se: «Ɩwɛɛ laŋhɛzɩyɛ taa! Mentiyiɣ-mɩ ɖɔɖɔ ɛzɩ man-Caa tiyuu-m yɔ.»

Yohanɛɛsɩ 20:27

Pʋwayɩ lɛ, eheyi Tomaa se: «Cɔnɩ me-nesi taa, lɛkɩ ñe-niye, posi ñe-nesi nɛ ŋlɛkɩ ma-hʋyʋʋ taa. Yele ñɔ-hɔyɛ ɖoŋ nɛ ŋwɛnɩ lidaʋ mɔ-yɔɔ.»

Tʋma Labʋ 1:15

Nakʋyʋ wiye taabalaa kpeɣlaa ɛzɩ patɩɩkpeɣluu yɔ, paatalɩ ɛzɩ mɩnʋʋ nɛ nɩɩlɛ yɔ. Pɩkɛdaa lɛ, Pɩyɛ kʋyɩ ɛsɩŋ pɛ-hɛkʋ taa nɛ eheyi-wɛ se:

Room 11:17

Izrɛɛlɩ ñɩma wɛ ɛzɩ somuu ŋgʋ́ pɔsɔwa nɛ pɛsɛtɩ ki-pilinzi nasɩyɩ yɔ. Weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa. Pɛsɛtɩ-kɛ nɛ pɔsɔ ŋgʋ́ pɔsɔ kʋsɔʋ yɔ ki-pilinzi nzɩ́ pɛsɛtaa yɔ si-lone taa: lɛɛlɛɛyɔ, ŋtɔkɩ ɖɔɖɔ liɖe nɖɩ́ ɖɩcalɩɣ-kʋ yɔ ɖɩ-yɔɔ.

Room 15:27

Pa-maɣmaɣ paɖʋna se palakɩ ḿbʋ́. Toovenim lɛ, pɩɩwɛɛ se pala ḿbʋ́. Mbʋ́ pʋyɔɔ yɔ, Yeruusalɛm Yesu ŋgbɛyɛ taa ñɩma mbá pɛkɛ Yuda ñɩma yɔ, pawɩlɩ mbá pɛtɛkɛ Yuda ñɩma yɔ mbʋ́ pasɩm Ɛsɔ nʋmɔʋ taa yɔ. Pʋ-yɔɔ lɛ, pʋwɛɛ ɖɔɖɔ se mbá pɛtɛkɛ Yuda ñɩma yɔ, paba ɛsɩnɩ-wɛ nɛ pa-maɣmaɣ pa-ñɩm.

Room 15:8

Mbʋ́ pʋyɔɔ yɔ, mankaɖɩɣ-mɩ se Krɩstʋ pɩsɩ Yuda ñɩma tʋmlaɖʋ se ɛla mbʋ́ Ɛsɔ kaɖʋwa se ɛlakɩ pɔ-cɔzɔnaa yɔ nɛ pɩwɩlɩ se ɛlakɩ mbʋ́ ɛɖʋwa yɔ.

Room 9:24

Toovenim lɛ, ɖa lɛ ɛyáa ḿbá. Paa ɖɩkɛ Yuda ñɩma yaa ɖɩtɛkɛ Yuda ñɩma yɔ, ɖa ɛyawa.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

1 Kɔrɛntɩ 10:17

Ɛzɩma mbʋ́ tindine kʋɖʋmɖɩyɛ koŋ ɖɩtɔkɩ yɔ, ḿbʋ́ ɖɔɖɔ paa ɖɩɖɔwa yɔ, ɖɩkɛ tomnaɣ kʋɖʋmaɣ. Mbʋ́ pʋyɔɔ yɔ, ɖatɩŋa payɩ ɖɩtɔkɩ tindine kʋɖʋmɖɩyɛ ńɖɩ́.

1 Kɔrɛntɩ 9:23

Malakɩ pɩtɩŋa payɩ ḿbʋ́ Laŋhɛzɩyɛ Tɔm yɔɔ se mehiɣ ɖɔɖɔ ñɩm mbʋ́ pʋwɛ tɩ-taa yɔ.

2 Kɔrɛntɩ 1:7

Pʋ-yɔɔ lɛ, ɖɩtaɣ-mɩ liu siŋŋ, mbʋ́ pʋyɔɔ yɔ, ɖɩtɛm naʋ se ɛzɩma mbʋ́ ɖa nɛ mɩ ɖɩtɔkɩ kʋñɔmɩŋ yɔ, ḿbʋ́ ɖɔɖɔ Ɛsɔ hɛzɩɣ mɩ-laŋa ɛzɩ ɛhɛzʋʋ ɖa-ñɩna yɔ.

2 Kɔrɛntɩ 9:13

Sɩnaʋ mbʋ́ ɩsɩŋnɩ-wɛ yɔ, pɩwɩlɩɣ mbʋ́ ɩkɛnaa yɔ. Peeɖe ɛyáa sakɩyɛ saŋ Ɛsɔ ɛzɩma mbʋ́ ɩɖɔŋ Krɩstʋ Laŋhɛzɩyɛ Tɔm yɔɔ yɔ pʋ-yɔɔ. Pasaŋ-ɩ ɖɔɖɔ ɛzɩma mbʋ́ mɩ nɛ wɛ nɛ lɛlaa tɩŋa payɩ ɩtayɩɣ mɩ-ñɩm nɛ laŋhʋlʋmɩyɛ yɔ pʋ-yɔɔ.

Efɛɛzɩ 3:6

Ńdʋ́ lɛ se: mbá pɛtɛkɛ Yuda ñɩma yɔ nɛ Yuda ñɩma, pɛkɛ tomnaɣ kʋɖʋmaɣ pilinzi. Ñɩm kʋɖʋmʋm Ɛsɔ ñɔɔzaa nɛ ɛsɩɩ-wɛ. Ñɩm kʋɖʋmʋm ɖɔɖɔ ɛɖʋwa se ɛhaɣ-wɛ pa nɛ Krɩstʋ Yesu pɛ-kpɛndʋʋ taa. Laŋhɛzɩyɛ Tɔm yɔɔ ɛtɩŋnaa nɛ ɛla ḿbʋ́.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 4:4

Mbʋ́ pʋyɔɔ yɔ, tomnaɣ kʋɖʋmaɣ koŋ nɛ Fezuu Kiɖeɖeu kʋɖʋmʋʋ koŋ nɛ ɖaŋʋʋ kʋɖʋmʋm koŋ pɛwɛna. Đaŋʋʋ ḿbʋ́, pʋ-yɔɔ ɛya-mɩ.

Filiipu 3:14

Pʋ-yɔɔ malʋkɩ se mantalɩ tɩnaɣ yɔɔ nɛ mamʋ kɩhɛyʋʋ ŋgʋ́ Ɛsɔ tɩŋnɩ Krɩstʋ Yesu yɔɔ nɛ ɛ́yáa-ɖʋ nɛ ɛsɔdaa se ɖɩmʋ yɔ.

Koloosi 1:12

ɩsa Caa nɛ laŋhʋlʋmɩyɛ. Ɛnʋ yebina se mɩ nɛ ɛ-ñɩma ɩtayɩ ñɩm mbʋ́ ɛñɔɔzaa nɛ ɛsɩɩ-wɛ ñalɩmɩyɛ taa yɔ.

Koloosi 1:22

Ɛlɛ́, lɛɛlɛɛyɔ Ɛsɔ tɩŋnɩ ɛ-Pɩyalʋ sɩm yɔɔ nɛ mɩ nɛ ɩ iceɣ se ɛpɩzɩ ewoni-mɩ ɛ-ɛsɩndaa nɛ ɩkɛ ɛ-ñɩma nɛ ɩwɛɛ cɩɖɩcɩɖɩ nɛ pataana kawanaɣ nakɛyɛ mɩ-yɔɔ.

Koloosi 3:12

Đama pʋtɔdɩyɛ naʋ siŋŋ nɛ camɩyɛ lakasɩ nɛ tɩ luzuu nɛ leleŋ wɛʋ nɛ hɔyɛ ɖɔkʋʋ, pɛkɛnɩ-mɩ wondu nɛ isuu. Mbʋ́ pʋyɔɔ yɔ, Ɛsɔ sɔɔlɩ-mɩ nɛ ɛlɩzɩ-mɩ se ɩkɛ ɛ-ñɩma.

1 Tesalooniki 2:12

Điiyeba pɩlabɩ-mɩ hʋnʋm nɛ ɖɩhɛzɩ mɩ-laŋa nɛ ɖɩka mɩ-ñʋŋ taa se ɩɖɔ ɛzɩ pʋmʋnaʋ Ɛsɔ ɛsɩndaa yɔ. Ɛnʋ yaɣnɩ-mɩ se ɩkɛ e-Kewiyaɣ nɛ e-koboyaɣ pa-taa ñɩma.

1 Tesalooniki 5:27

Mankaŋ mɩ-ñʋʋ taa nɛ Kɩpaɣlʋ nɔɔ se ɩkalɩ takayaɣ kanɛ nɛ taabalaa tɩŋa nɩɩ.

2 Tesalooniki 1:11

Pʋ-yɔɔ ɖɩwɛɛ ɖɩsɛɣ ɖɛ-Ɛsɔ mɩ-yɔɔ se eyele nɛ ɩmʋnɩ mbʋ́ pʋ-yɔɔ ɛya-mɩ yɔ. Đɩsɛɣ-ɩ ɖɔɖɔ se ɛtɩŋnɩ e-ɖoŋ yɔɔ nɛ eyele ɩla camɩyɛ lakasɩ nzɩ́ sɩtɩŋa payɩ ɩɖʋwa yɔ nɛ ɩtɛzɩ wɛʋ kpekpeka mi-lidaʋ wɛnaʋ taa.

2 Tesalooniki 2:14

Pʋ-yɔɔ ɖɔɖɔ ɛtɩŋnɩ Laŋhɛzɩyɛ Tɔm ndʋ́ ɖiheyi-mɩ yɔ, tɩ-yɔɔ nɛ ɛ́yáa-mɩ se ihiɣ ɖa-Kɩpaɣlʋ Yesu Krɩstʋ koboyaɣ.

1 Timootee 6:12

Lʋ lidaʋ taa lʋbɩyɛ kɩbanɖɛ. Ñaɣ pana nɛ ŋhiɣ wezuu maatɛŋ. Mbʋ́ pʋyɔɔ yɔ, kʋ-yɔɔ Ɛsɔ ya-ŋ nɛ ŋkaɖɩ aseɣɖe tɩnaa sakɩyɛ ɛsɩndaa kpayɩ se ŋwɛnɩ lidaʋ ɛ-yɔɔ.

1 Timootee 6:2

Yom weyi ɛ-caa kɛ Krɩstʋ tʋ yɔ, pʋwɛɛ se yom ɛnʋ, ɛtaaniɣzi-i se ɛkɛ ɛ-taabalʋ yɔ, ɛ nɛ ɩ pɛwɛ kɩmaŋ. Ɛlɛ́, pʋwɛɛ se ɛlabɩ-ɩ tʋmɩyɛ camɩyɛ. Mbʋ́ pʋyɔɔ yɔ, weyi ɛlakɩ-ɩ tʋmɩyɛ ńɖɩ́ yɔ, ɛkɛ Krɩstʋ tʋ nɛ taabalʋ kʋsɔɔlʋ. Tɔm ndʋ́ meheyi-ŋ lɛɛlɛɛyɔ yɔ, pʋwɛɛ se ŋwɩlɩ-tʋ ɛyáa nɛ ŋsazɩnɩ-wɛ.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

2 Timootee 2:7

Maɣzɩ tɔm ndʋ́ mɔyɔɔdʋʋ yɔ tɩ-yɔɔ camɩyɛ, peeɖe Kɩpaɣlʋ yeki nɛ ŋnɩɩ tɩtɩŋa payɩ tɩ-tɔbʋʋ.

Ebree 10:19

Pʋ-yɔɔ lɛ, taabalaa! Đɩna siŋŋ se Yesu calɩm haɣ-ɖʋ waɖɛ se ɖɩsʋʋ lone nɖɩ́ ɖɩkɩlɩ kaɖɛ yɔ ɖɩ-taa kaalɛyɩtʋ.

Ebree 10:21

Yee ḿbʋ́, ɖɩwɛnɩ cɔjɔ sɔsɔ nɛ ɛcɔŋnɩ Ɛsɔ ɖɩɣa yɔɔ.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 13:22

Taabalaa, meheyiɣ-mɩ se ɩɖɔkɩ mɩ-hɔ nɛ itisi sazʋʋ tɔm tʋnɛ. Mbʋ́ pʋyɔɔ yɔ, tɔm tobi yem mama-mɩ.

Ebree 2:11

Mbʋ́ pʋyɔɔ yɔ, ɛnʋ Yesu weyi ɛñalɩɣ ɛyáa kɩwɛɛkɩm yɔ nɛ mbá ɛñalɩɣ-wɛ-pʋ yɔ, patɩŋa payɩ pa nɛ ɩ pa-Caa kʋɖʋm. Pʋ-yɔɔ fɛyɛ ɛɛkpaɣ-ɩ se ɛ́yáa-wɛ se ɛ-ñɩma.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 6:20

Đɔ-yɔɔ Yesu ɖɛ nɔɔ nɛ ɛsʋʋ ɖɩ-taa nɛ ɛpɩsɩ cɔjɔnaa ñʋʋdʋ tam ɛzɩ Mɛlkisedɛɛkɩ yɔ.

Ebree 7:26

Toovenim lɛ, Yesu lɛ cɔjɔ sɔsɔ weyi pʋmʋnaa se ɖɩwɛna yɔ: ɛwɛ cɩɖɩcɩɖɩ, paanaɣ ndʋ́ paawanɩ-ɩ yɔ, ɛtala kɩwɛɛkɩm nabʋyʋ. Ɛ nɛ kɩwɛɛkɩm laɖaa pɛfɛyɩ ɖoli kʋɖʋm, ɛwɛ ɖooo ɛsɔdaa.

Ebree 7:28

Mbá Mooyiizi paɣtʋ kapɩsɩ-wɛ cɔjɔnaa ñʋndɩnaa yɔ, paawɛnɩ ɛjandʋ ɖɔɖɔ ɛzɩ ɛyáa lɛlaa yɔ. Ɛlɛ́, ɖuúu mbʋ́ Ɛsɔ ñaaɖuúu paɣtʋ wayɩ yɔ, pɩpɩsɩ ɛ-Pɩyalʋ kʋtʋʋzʋ cɔjɔnaa ñʋʋdʋ tam.

Ebree 9:11

Ɛlɛ́, Krɩstʋ ñɔkɔm se ɛkɛ ñɩm mbʋ́ pʋwɛ lɛɛlɛɛyɔ yɔ pʋ-cɔjɔnaa ñʋʋdʋ. Kɩɖanɖʋʋ ŋgʋ́ ɛlakɩ ɛ-tʋmɩyɛ kɩ-tɛɛ yɔ, ŋ́gʋ́ kɩlɩnɩ wazaɣ nɛ kʋmʋna kpem. Pɩtɛkɛ ɛyáa siɣni-kʋ. Pʋ-tɔbʋʋ se kɩtɛkɛ kedeŋa kanɛ kɔ-yɔɔ pʋyʋ.

Ebree 9:15

Pʋ-yɔɔ Krɩstʋ kɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa. Ɛlabɩ ḿbʋ́ se mbá Ɛsɔ ya-wɛ se pɛkɛ ɛ-ñɩma yɔ, papɩzɩ pehiɣ ñɩm maatɛŋ mbʋ́ ɛɖʋwa se ɛhaɣ-wɛ yɔ. Krɩstʋ ɛnʋ, ɛ-sɩm yɔɔ pɩtɩŋnaa nɛ pehiɣ-pʋ. Ḿbʋ́ ɖɔɖɔ lɩzɩnɩ-wɛ kɩwɛɛkɩm mbʋ́ paalabɩ alɩwaatʋ ndʋ́ paawɛ kajalaɣ nɔɔ haʋ paɣtʋ tɛɛ yɔ pi-nesi taa.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

1 Pɩyɛ 3:5

Ḿbʋ́ ɖooo lɔŋ taa halaa mbá paawɛnɩ lidaʋ Ɛsɔ yɔɔ nɛ pataɣ-ɩ liu yɔ, pacanaɣ pa-tɩ: pañaŋaɣ pa-walaa.

1 Pɩyɛ 5:1

Lɛɛlɛɛyɔ, mɔyɔɔdʋʋnɩ mɩ-taa mbá pɛkɛ Krɩstʋ ŋgbɛyɛ taa sɔsaa yɔ. Ma ɖɔɖɔ mɛnkɛ ɖɩ-taa sɔsɔ. Mananɩ mɛ-ɛsɛ kʋñɔŋ ŋgʋ́ Krɩstʋ tɔwaa yɔ. Ɛsɔ kɔŋ-m haʋ ɖɔɖɔ koboyaɣ ŋgá ɛkɔŋ lɩzʋʋ nɛ ɛwɩlɩ-ɖʋ yɔ. Pʋ-yɔɔ meheyiɣ-mɩ se:

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

1 Yohanɛɛsɩ 1:3

Điheyiɣ-mɩ mbʋ́ ɖɩnanɩ ɖɛ-ɛsɛ nɛ ɖɩnɩɩnɩ ɖa-nɩŋgbaaŋ yɔ se ɩkpɛndɩ ɖɔ-yɔɔ ɖa nɛ Caa nɛ ɛ-Pɩyalʋ Yesu Krɩstʋ ɖɛ-kpɛndʋʋ taa.

Yuudi 1:1

Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.

Wɩlʋʋ 17:14

Pɔkɔŋ yonaʋ Heɣa, ɛlɛ́, kawakɩ-wɛ. Mbʋ́ pʋyɔɔ yɔ, kɛkɛ kɩpaɣlaa taa Kɩpaɣlʋ nɛ awiya taa Wiyaʋ. Mbá Ɛsɔ ya-wɛ nɛ ɛlɩzɩ-wɛ nɛ pɔɖɔŋ ɛ-nʋmɔʋ taa nɛ pa nɛ kɛ pɛwɛɛ yɔ, pawakɩ-wɛ ɖɔɖɔ.»

Wɩlʋʋ 18:20

Mbá mɩ ɩwɛ ɛsɔdaa yɔ, mɩ-taa ɛhʋlʋmɩ! Pɔyɔkɩ tɛtʋ ńdʋ́! Mɩ Ɛsɔ ñɩma nɛ Yesu tiyiyaa nɛ náyaa mɩ-taa ɛhʋlʋmɩnɩ tɩ-yɔkʋʋ! Mbʋ́ pʋyɔɔ yɔ, Ɛsɔ hʋnɩ-tʋ tɔm kɩdɛkɛdɩm mbʋ́ tɩlabɩ-mɩ yɔ tɩ-yɔɔ.