Ebree 2:9 - New Testament

⁹ Ɛlɛ́, Ɛsɔ yeba nɛ Yesu luzi ɛ-tɩ Ɛsɔ ɛnʋ e-tiyiyaa tɛɛ alɩwaatʋ pazɩ. Ɛlabɩ ḿbʋ́ se pɩtɩŋnɩ e-lootiye yɔɔ nɛ Yesu sɩ ɛyáa tɩŋa payɩ yɔɔ. Ɛnʋ ɖɩnaɣ lɛɛlɛɛyɔ, Ɛsɔ pam-ɩ koboyaɣ hulaɣ nɛ ɛɖʋ-ɩ hɩɖɛ sɩm mbʋ́ ɛlabɩ kʋñɔŋ nɛ ɛsɩ yɔ pʋ-yɔɔ.

Ebree 2:9 ပူးပေါင်းရင်းမြစ်များ

Maatiyee 16:28

Toovenim lɛ, meheyiɣ-mɩ se: mbá pɛwɛ cɩnɛ yɔ, pa-taa lɛlaa naɣ Ɛyʋ Pɩyalʋ ma alɩwaatʋ ndʋ́ mɔnkɔŋ mɔntɔɔ kewiyaɣ yɔ nɛ pʋcɔ pasɩ.»

Maatiyee 6:28

Nɛ pɩla ɛzɩma ɩyɔkʋʋ mɩ-ñʋŋ wondu yɔɔ yɔ? Ɩcɔnɩ tɛyɛ ñɩtʋ lɩzɩɣ hɛtʋ ndʋ́ yɔ nɛ ɩna. Ñɩtʋ ńdʋ́ tɩɩlakɩ tʋmɩyɛ, tɩɩlʋʋ wondu.

Maarkɩ 9:1

Pʋwayɩ lɛ, Yesu tasɩ-wɛ heyuu se: «Toovenim lɛ, meheyiɣ-mɩ se mbá pɛwɛ cɩnɛ yɔ, pa-taa lɛlaa naɣ ɛzɩma mbʋ́ Ɛsɔ Kewiyaɣ kɔŋnɩ ɖoŋ yɔ nɛ pʋcɔ pasɩ.»

Luka 9:27

Toovenim lɛ, meheyiɣ-mɩ se mbá pɛwɛ cɩnɛ yɔ, pa-taa lɛlaa naɣ Ɛsɔ Kewiyaɣ nɛ pʋcɔ pasɩ.»

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Yohanɛɛsɩ 10:17

Caa sɔɔlɩ-m, mbʋ́ pʋyɔɔ yɔ, mentisiɣ se mansɩ nɛ piyele manɖaɣnɩ hiɣu wezuu.

Yohanɛɛsɩ 12:32

Ma lɛ, alɩwaatʋ ndʋ́ pakpazɩɣ-m ɖaʋ yɔɔ yɔ, meyeki nɛ ɛyáa tɩŋa kɔɔ mɔn-cɔlɔ.»

Yohanɛɛsɩ 3:16

Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 8:51

Toovenim lɛ, meheyiɣ-mɩ se: weyi ɛɖɔŋ mɔn-tɔm yɔɔ yɔ, ɛɛsɩkɩ kaʋ.»

Yohanɛɛsɩ 8:52

Peeɖe Yuda ñɩma heyi-i se: «Lɛɛlɛɛyɔ ɖɩnawa se ŋkem aleewaa yɔ! Abraham sɩba, náyaa ñasɩ nɛ ña ñɔtɔŋ se weyi ɛɖɔŋ ñɔ-tɔm yɔɔ yɔ, ɛɛsɩkɩ kaʋ!

Tʋma Labʋ 2:33

Caa Ɛsɔ kpazɩ-ɩ ɛ-cɔlɔ lone kɩbanɖɛ taa nɛ ɛcɛlɩ-ɩ e-Fezuu Kiɖeɖeu ŋgʋ́ ɛɖʋwa se ɛhaɣ ɛyáa yɔ: etisi-kʋ ɖɔ-yɔɔ. Ḿbʋ́ ɩnaɣ nɛ ɩnɩɣ lɛɛlɛɛyɔ.

Tʋma Labʋ 3:13

Đɔ-cɔzɔnaa Abraham nɛ Izaakɩ nɛ Yakɔɔbʋ pɛ-Ɛsɔ ɖʋnɩ ɛ-tʋmlaɖʋ Yesu hɩɖɛ. Mɩ lɛ, ɩkpa-ɩ mɩ-maɣmaɣ nɛ ɩɖʋzɩ ñʋndɩnaa nesi taa. Wiyaʋ Pilaatɩ tɔm se eyeki-i, ɛlɛ́, ikizi.

Room 5:18

Pʋ-yɔɔ lɛ, ɛzɩma mbʋ́ pɩtɩŋnɩ kɩwɛɛkɩm kʋɖʋmʋm koŋ yɔɔ nɛ Ɛsɔ hʋʋnɩ ɛyáa tɩŋa nɛ ɛkʋ pɔ-tɔm yɔ, ḿbʋ́ ɖɔɖɔ pɩtɩŋɩɣnɩ lakasɩ kɩbanzɩ kʋɖʋmsɩ koŋ yɔɔ nɛ ɛpɩsɩ ɛyáa tɩŋa payɩ kʋtʋʋzaa nɛ pehiɣ wezuu.

Room 5:8

Ɛlɛ́, Ɛsɔ ñawɩlɩ-ɖʋ ɛzɩma mbʋ́ ɛsɔɔlɩ-ɖʋ yɔ. Mbʋ́ pʋyɔɔ yɔ, alɩwaatʋ ndʋ́ ɖɩɩkɛ kɩwɛɛkɩm laɖaa yɔ eyeba nɛ Krɩstʋ sɩ ɖɔ-yɔɔ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

2 Kɔrɛntɩ 5:15

Krɩstʋ sɩbɩ ɛyáa tɩŋa payɩ yɔɔ se mbá pɛwɛ wezuu yɔ, pataatasɩ wezuu caɣʋ ɛzɩ pa-maɣmaɣ pe-liu wɛʋ yɔ. Ɛlɛ́, pacaɣ-kʋ ɛzɩ weyi ɛsɩbɩ pɔ-yɔɔ nɛ Ɛsɔ fezi-i yɔ, e-liu wɛʋ yɔ.

2 Kɔrɛntɩ 5:21

Krɩstʋ tala kɩwɛɛkɩm kaʋ. Ɛlɛ́, Ɛsɔ sʋʋ-ɩ ɖa-kɩwɛɛkɩm se ɖa nɛ ɩ ɖɛ-kpɛndʋʋ taa lɛ, ɖɩpɩsɩ ɛyáa kʋtʋʋzaa Ɛsɔ ɛnʋ ɛ-ɛsɩndaa» yɔ.

Galaatɩ 4:4

Ɛlɛ́, alɩwaatʋ talaa lɛ, Ɛsɔ yele nɛ pɩtɩŋnɩ halʋ nɔɔyʋ yɔɔ nɛ palʋlɩ Ɛsɔ ɛnʋ ɛ-Pɩyalʋ nɛ Yuda ñɩma paɣtʋ wɛnɩ ɖoŋ ɛ́lɛ́ yɔɔ

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

Ebree 1:9

Ŋsɔɔlɩ mbʋ́ pʋtʋʋzaa yɔ nɛ ŋpaɖɩɣ kɩdɛkɛdɩm. Hayɩ Ɛsɔ! Pʋ-yɔɔ ma ñɛ-Ɛsɔ malɩzɩ-ŋ ña-taabalaa hɛkʋ taa nɛ manpɩyɩ ña-ñʋʋ taa amaya num. Ɛsɔɔlɩ-ŋ nɛ pɩkɩlɩ awiya lɛɛna»

Ebree 10:5

Pʋ-yɔɔ Krɩstʋ heyi Ɛsɔ alɩwaatʋ ndʋ́ ɛkɔŋaɣ kedeŋa yɔɔ yɔ se: «Ŋtɔsɔɔlɩ kɩlaʋ yaa haɖɛ. Ɛlɛ́, ŋyeba nɛ mɛwɛnɩ tomnaɣ.

Ebree 11:5

Enɔɔkɩ ɖɔɖɔ ñaawɛnɩ lidaʋ Ɛsɔ yɔɔ. Pʋ-yɔɔ ɛ́lɛ́ kpaɣ-ɩ nɛ ɛ-ɛsɛ nɛ ewoni-i ɛ-cɔlɔ nɛ nɔɔyʋ tatasɩ-ɩ naʋ. Pʋcɔ ɛkpazɩ-ɩ lɛ, paalɩzɩ ɛ-aseɣɖe se ɛ-tɔm kɛdɩnɩ ɛ́lɛ́ pɩŋŋ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 2:7

Ŋyeba nɛ ñe-tiyiyaa kɩlɩ-ɩ alɩwaatʋ pazɩ. Ɛlɛ́, ŋpam-ɩ koboyaɣ hulaɣ nɛ ŋɖʋ-ɩ hɩɖɛ.

Ebree 7:25

Pʋ-yɔɔ ɛpɩzɩɣ ɛya mbá patɩŋɩɣnɩ ɛ-yɔɔ nɛ pañɩnɩɣ Ɛsɔ yɔ pa-ñʋʋ kpem. Mbʋ́ pʋyɔɔ yɔ, ɛwɛ wezuu tam nɛ etendiɣ Ɛsɔ pɔ-yɔɔ.

Ebree 8:3

Paa cɔjɔ sɔsɔ weyi lɛ, pasɩ-ɩ se ewoni Ɛsɔ haɖɛ nɛ kpɩna wena palaɣ Ɛsɔ ɛnʋ yɔ. Pʋ-yɔɔ lɛ, pʋwɛɛ se ɖɔ-cɔjɔ sɔsɔ ɖɔɖɔ ehiɣ nabʋyʋ nɛ ewoni ɛha-ɩ.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

Wɩlʋʋ 19:12

Ɛ-ɛsɛ ɖeɣ miŋ pelu pelu ɛzɩ miŋ nzʋlʋmɩyɛ yɔ nɛ papam-ɩ awiya hulasi sakɩyɛ. Pama ɛ-yɔɔ hɩɖɛ naɖɩyɛ, nɔɔyʋ tasɩm-ɖɩ nɛ pɩtasɩnɩ-ɩ.

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.