Ebree 2:3 - New Testament

³ Yee ḿbʋ́ pʋwɛɛ lɛ, ɛzɩma ɖa ɖapɩzɩɣ ɖɩlɩɩ pɩ-taa alɩwaatʋ ndʋ́ ɖɩtakpaɣ ñʋʋ yabʋ siŋŋ tɔm tʋnɛ nɛ ɖɩyaa pʋyʋ yɔ? Kɩpaɣlʋ Yesu calɩnɩ pʋ-tɔm yɔɔdʋʋ nɛ mbá panɩ-tʋ yɔ, paɖaɣnɩ-ɖʋ-tʋ heyuu se tɩkɛ toovenim.

Ebree 2:3 ပူးပေါင်းရင်းမြစ်များ

Maatiyee 23:33

Đʋmaa mɩ! Ɛzɩma ɩlakɩ nɛ Ɛsɔ ɛtaakʋ mɩ-tɔm nɛ ɛɖʋ-mɩ kʋñɔŋ maatɛŋ taa?

Maatiyee 4:17

Yesu talɩ Kapɛrnayum lɛ, ɛpazɩ Ɛsɔtɔm susuu nɛ eheyiɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ!»

Maarkɩ 1:14

Paɖʋ Yohanɛɛsɩ salaka wayɩ lɛ, Yesu wolo Galilee egeetiye taa nɛ ɛpazɩ ɛyáa heyuu Ɛsɔ Laŋhɛzɩyɛ Tɔm.

Luka 1:69

Ɛkɔnɩ-ɖʋ ɖoŋ tʋ ɛ-tʋmlaɖʋ wiyaʋ sɔsɔ Daaviidi liɖe taa. Ɛnʋ yakɩnɩ ɖa-ñʋʋ.

Luka 24:19

Ɛlɛ́, ɛpɔzɩ-wɛ se: «Ɛbɛ laba tɛ?» Pocosi-i se: «Ɛzɩ ŋtanɩɩ mbʋ́ pɩlabɩ Nazarɛɛtɩ tʋ Yesu yɔ? Ɛɛkɛ náyʋ nɛ ɛlakɩ tʋma nɛ ɛyɔɔdʋʋ tɔm nɛ abalɩtʋ Ɛsɔ nɛ ɛyáa tɩŋa pɛ-ɛsɩndaa.

Yohanɛɛsɩ 15:27

Mɩ ɖɔɖɔ lɛ, ɩkɔŋ lɩzʋʋ ma-aseɣɖe, mbʋ́ pʋyɔɔ yɔ, ma nɛ mɩ ɖɩɩwɛna ɖooo ɛzɩ manpazʋʋ man-tʋmɩyɛ labʋ yɔ.

Tʋma Labʋ 1:22

Paawɛ ɖɔ-cɔlɔ kpaɣ kɩyakʋ ŋgʋ́ Yohanɛɛsɩ labɩ-ɩ lɩm sɔʋ sɔnzɩ yɔ nɛ puwolo pɩsɩɩnɩ puwiye nɖɩ́ Ɛsɔ lɩzɩ-ɩ ɖɛ-hɛkʋ taa nɛ ɛkpazɩ-ɩ ɛsɔdaa yɔ. Pʋ-yɔɔ lɛ, pʋwɛɛ se pa-taa nɔɔyʋ ɛsɔzɩnɩ ɖɔ-yɔɔ nɛ ɖa nɛ ɩ ɖɩlɩzɩ Yesu sɩm nɛ e-fem pa-aseɣɖe.»

Tʋma Labʋ 2:22

Peeɖe Pɩyɛ tasɩ-wɛ heyuu se: «Izrɛɛlɩ ñɩma mɩ! Iwelesi nɛ ɩnɩɩ ndʋ́ meheyiɣ-mɩ yɔ: mɩ-maɣmaɣ ɩtɛm sɩm ḿbʋ́ se Nazarɛɛtɩ tʋ Yesu lɛ weyi Ɛsɔ wɩlɩ-mɩ e-ɖoŋ yɔ. Mbʋ́ pʋyɔɔ yɔ, ɛtɩŋnɩ ɛ-yɔɔ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ mɩ-hɛkʋ taa.

Tʋma Labʋ 4:12

Ñʋʋ yaɖʋ nɔɔyʋ fɛyɩ nɛ pɩtasɩnɩ-ɩ. Mbʋ́ pʋyɔɔ yɔ, Ɛsɔ talɩzɩ nɔɔyʋ kedeŋa yɔɔ cɩnɛ se pɩtɩŋnɩ ɛ́lɛ́ yɔɔ nɛ pɩpɩzɩ pɩya ɖa-ñʋʋ.»

Room 11:14

Malakɩ ḿbʋ́ se pʋtɔmaɣ yɔ, me-liɖe taa ñɩma kaatɛzɩ wɛʋ ɛsɩsɛmɩyɛ nɛ pɩya pa-taa nabɛyɛ ñʋʋ.

Room 2:3

Weyi ña ŋmaɣzɩɣ se lɛlaa ɛɛlakɩ camɩyɛ nɛ ŋlakɩ ɛzɩ palakʋʋ yɔ, ŋmaɣzɩɣ se ŋkɔŋ lɩʋ Ɛsɔ tɔm hʋʋ taa yaa we?

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Tesalooniki 5:3

Ɛyáa kɔŋ yɔɔdʋʋ se: «Lɛɛlɛɛyɔ, laŋhɛzɩyɛ wɛɛ, you nakʋyʋ fɛyɩ!» Alɩwaatʋ ńdʋ́ʋ́ asayʋʋ nakʋyʋ tuduu-wɛ yem ɛzɩ halʋ howa tʋ wɩzasɩ yɔ nɛ paapɩzɩɣ palɩɩ kɩ-taa.

1 Timootee 1:15

Tɔm ndʋ́ meheyiɣ-mɩ yɔ, tɩkɛ toovenim. Tɩmʋnaa se ɛyáa tɩŋa payɩ etisi-tʋ nɛ pa-laŋa tɩŋa. Ńdʋ́ lɛ se Krɩstʋ Yesu kɔm kedeŋa yɔɔ se ɛya kɩwɛɛkɩm laɖaa ñʋʋ. Pa-taa lɛ, ma-maɣmaɣ pɩwabɩnaa.

Tiiti 2:11

Mbʋ́ pʋyɔɔ yɔ, Ɛsɔ yeba nɛ ɛyáa na e-lootiye. Đɩ-taa patɩŋa payɩ pa-ñʋʋ yabʋ lɩɣna.

Ebree 1:1

Ɛsɔ katɩŋnɩ náyaa yɔɔ ɖooo lɔŋ nɛ ɛyɔɔdɩnɩ ɖɔ-cɔzɔnaa tam sakɩyɛ nɛ wɛtʋ ndɩ ndɩ taa.

Ebree 1:14

Mbá lɛ Ɛsɔ tiyiyaa yɔ? Ḿbá lɛ feziŋ weyi petiyi-i Ɛsɔ tʋmɩyɛ taa se ɩlabɩ-ɖɩ nɛ pɩsɩnɩ mbá pʋwɛɛ se pehiɣ ñʋʋ yabʋ yɔ.

Ebree 1:2

Ɛlɛ́, lɛɛlɛɛyɔ ɛtɩŋnɩ ɛ-Pɩyalʋ yɔɔ nɛ ɛyɔɔdɩnɩ-ɖʋ kɛtɛzaɣ kɩyakɩŋ ɩnɛ ɩ-taa. Ɛ-yɔɔ ɛtɩŋnaa nɛ ɛla kedeŋa. Ɛlɩzɩ-ɩ se ɛtɩɣyɩ pɩtɩŋa payɩ.

Ebree 12:25

Yee ḿbʋ́, ɩɖɔkɩ mɩ-tɩ! Ɩtaakizi se iiwelesiɣni Ɛsɔ weyi ɛyɔɔdʋʋnɩ-mɩ yɔ. Mbʋ́ pʋyɔɔ yɔ, Izrɛɛlɩ ñɩma kizaa se paawelesiɣni weyi eheyaɣ-wɛ kedeŋa yɔɔ cɩnɛ mbʋ́ ɛwɩlɩ-ɩ yɔ nɛ patatʋlɩ nɩŋgbaŋʋʋ hɔm taa. Pʋ-yɔɔ lɛ, yee ɖa ɖahaɣ siɣ́ye weyi ɛyɔɔdʋʋnɩ-ɖʋ nɛ ɛsɔdaa yɔ yɔ, ɖɩɩpɩzɩɣ ɖɩlɩɩ pɩ-taa ɖɔɖɔ.

Ebree 4:1

Ɛsɔ tɛm ɖʋʋ se ɖɩpɩzɩɣ ɖɩsʋʋ ɖenɖe ɛñɔɔzɩ-ɖʋ ɖɩhɛzɩyɛ yɔ. Pʋ-yɔɔ lɛ, ɩkpa mɩ-tɩ nɛ pɩtaakɔɔ pɩla se pucoɖi mɩ-taa nɔɔyʋ se ɛɛsʋʋ peeɖe.

Ebree 4:11

Pʋ-yɔɔ lɛ, ɖikpedesi nɛ ɖɩsʋʋ hɛzʋʋ ḿbʋ́ pɩ-taa nɛ ɖa-taa nɔɔyʋ ɛtaakɔɔ ɛtɔlɩ se ɛlabɩ kaañamtʋ ɛzɩ ɖɔ-cɔzɔnaa yɔ.

Ebree 5:9

Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

1 Yohanɛɛsɩ 1:1

Nabʋyʋ kɛwɛɛ nɛ pʋcɔ Ɛsɔ la kedeŋa, ɖɩnɩ pʋ-tɔm nɛ ɖɩna-pʋ nɛ ɖɛ-ɛsɛ nɛ ɖɩcɔnɩ-pʋ kpem, ɖitukuni-pʋ nɛ ɖe-nesi. Ḿbʋ́ lɛ Tɔm ndʋ́ tɩhaɣ wezuu yɔ.

Yuudi 1:17

Mɛ-ɛgbaɣdɩnaa! Mɩ lɛ, ɩtɔzɩ tɔm ndʋ́ ɖa-Kɩpaɣlʋ Yesu Krɩstʋ tiyiyaa keheyi-mɩ se tɩkɔŋ labʋ yɔ tɩ-yɔɔ. Paaheyi-mɩ se: «Kɛtɛzaɣ alɩwaatʋ taa lɛ, nabɛyɛ wɛɣ nɛ powoŋuu-mɩ. Ḿbá ɛɛñaŋnɩ Ɛsɔ, palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ.»

Wɩlʋʋ 7:10

nɛ poholuu ɖoŋ se: «Đɛ-Ɛsɔ weyi ɛcaɣ kewiyaɣ kpelaɣ yɔɔ yɔ nɛ Heɣa pɔ-cɔlɔ ñʋʋ yabʋ lɩɣna!»