Ebree 2:14 - New Testament

¹⁴ Yee ḿbʋ́, ɛzɩma mbʋ́ ɛyáa ḿbá pɛkɛ kedeŋa yɔɔ cɩnɛ ñɩma yɔ, ḿbʋ́ ɖɔɖɔ Yesu ɛnʋ ɛ-maɣmaɣ ɛkɔm ɛzɩ ɛyʋ yɔ nɛ ɛkɔɔ ɛsɩ. Ɛlabɩ ḿbʋ́ se ɛpɩsɩ weyi ɛɛɖɔkɩ sɩm ɖoŋ yɔ ɛjam: ɛnʋ lɛ Satanɩ.

Ebree 2:14 ပူးပေါင်းရင်းမြစ်များ

Maatiyee 16:17

Peeɖe Yesu heyi-i se: «Yoonaasɩ pɩyalʋ Siimɔɔ! Ŋhiɣ ña-tɩ! Mbʋ́ pʋyɔɔ yɔ, pɩtɛkɛ ɛyʋ nɔɔyʋ heyini-ŋ-tʋ. Ɛlɛ́, man-Caa weyi ɛwɛ ɛsɔdaa yɔ, ɛwɩlɩnɩ-ŋ-tʋ.

Maatiyee 25:41

«Ɛkaɣ heyuu ɖɔɖɔ ɛ-nɩmɩyɛ yɔɔ ñɩma se: ‹Ɩkʋyɩ mɔn-cɔlɔ cɩnɛ nɛ ɩɖɛɛ poliŋ, Ɛsɔ wɩlɩ-mɩ kpalʋʋ! Iwolo miŋ weyi eeɖeŋ kaʋ yɔ ɛ-taa. Peeɖe Ɛsɔ ñɔɔzaa nɛ ɛɖaŋnɩ Satanɩ nɛ e-tiyiyaa!

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 12:24

Toovenim lɛ, mankaɖɩɣ-mɩ se: yee potoɖuu mɩɖɛ piye nɛ ɖɩsɩ yɔ, ɖɩwɛɣ ɖi-ɖeke ḿbʋ́. Ɛlɛ́, yee poɖu-ɖɩ nɛ ɖɩsɩ yɔ, ɖɩlʋlʋʋ pee sakɩyɛ.

Room 14:9

Mbʋ́ pʋyɔɔ yɔ, Krɩstʋ sɩba nɛ efe se ɛkɛ sɩɖaa nɛ ɛsɛ ñɩma pa-Kɩpaɣlʋ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

1 Kɔrɛntɩ 1:28

Ɛnʋ lɩzɩnɩ ɖɔɖɔ mbá pɛfɛyɩ wazaɣ nakɛyɛ kedeŋa yɔɔ cɩnɛ nɛ ɛyáa takpaɣ-wɛ payaa pʋyʋ nɛ pɛfɛyɩ natʋyʋ taa kpem yɔ. Ɛlɩzɩ-wɛ se papɩsɩ sɔsaa mbá pamaɣzɩɣ se pawazɩɣ pʋyʋ yɔ pɛ-ɛsɩndaa.

1 Kɔrɛntɩ 15:50

Taabalaa, ndʋ́ meheyiɣ-mɩ yɔ lɛ se: ɖo-tomnasɩ nzɩ́ sɩwɛ ɛzʋnɔ yɔ, sɩɩpɩzɩɣ sɩsʋʋ Ɛsɔ Kewiyaɣ taa. Mbʋ́ pʋyɔɔ yɔ, mbʋ́ pɩɖazɩɣ yɔ, pɩɩpɩzɩɣ pɩpɩsɩ mbʋ́ pɩɩɖazɩɣ wiɖiyi kaʋ yɔ.

Galaatɩ 4:4

Ɛlɛ́, alɩwaatʋ talaa lɛ, Ɛsɔ yele nɛ pɩtɩŋnɩ halʋ nɔɔyʋ yɔɔ nɛ palʋlɩ Ɛsɔ ɛnʋ ɛ-Pɩyalʋ nɛ Yuda ñɩma paɣtʋ wɛnɩ ɖoŋ ɛ́lɛ́ yɔɔ

Koloosi 2:15

Ḿbʋ́ Ɛsɔ lɩzɩ mbʋ́ pɩtɩŋa payɩ pʋwɛ ɛsɔdaa nɛ tataa yɔ pu-ɖoŋ nɛ eyele nɛ ɛyáa tɩŋa na-pʋ nɛ pɩwɩlɩ se ɛtɩŋnɩ kaamaŋkaɣ yɔɔ nɛ ɛwabɩ-pʋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

2 Timootee 1:10

Đa-Ñʋʋ Yaɖʋ Krɩstʋ Yesu kɔm yebina nɛ ɖɩnaɣ-ɖɩ lɛɛlɛɛyɔ. Mbʋ́ pʋyɔɔ yɔ, ɛwabɩ sɩm nɛ piyele ɛtɩŋnɩ Laŋhɛzɩyɛ Tɔm yɔɔ nɛ ɛwɩlɩ wezuu maatɛŋ.

Ebree 10:10

Mbʋ́ pʋyɔɔ yɔ, Yesu Krɩstʋ labɩ mbʋ́ Ɛsɔ liu kɛwɛɛ yɔ nɛ palaa-ɩ kpaagbaa laʋ. Ḿbʋ́ hanɩ-ɖʋ waɖɛ nɛ ɖɩpɩsɩ Ɛsɔ ñɩma.

Ebree 10:5

Pʋ-yɔɔ Krɩstʋ heyi Ɛsɔ alɩwaatʋ ndʋ́ ɛkɔŋaɣ kedeŋa yɔɔ yɔ se: «Ŋtɔsɔɔlɩ kɩlaʋ yaa haɖɛ. Ɛlɛ́, ŋyeba nɛ mɛwɛnɩ tomnaɣ.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Ebree 2:18

Ɛ-maɣmaɣ ɛlabɩ kʋñɔŋ alɩwaatʋ ndʋ́ pɩtakɩ-ɩ yɔ. Pʋ-yɔɔ ɛpɩzɩɣ ɛsɩnɩ mbá pɩtakɩɣ-wɛ yɔ.

Ebree 4:15

Mbʋ́ pʋyɔɔ yɔ, cɔjɔnaa ñʋndɩnaa taa sɔsɔ ɛnʋ, ɛtɛkɛ weyi ɛɛpɩzɩɣ se ɛsɩnɩ-ɖʋ ɖɛ-ɛjandʋ taa yɔ: pɩtakɩ-ɩ ɛzɩ ɖa yɔ pɩtɩŋa pɩ-taa. Ɛlɛ́, ɛtala kɩwɛɛkɩm nabʋyʋ.

Ebree 9:15

Pʋ-yɔɔ Krɩstʋ kɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa. Ɛlabɩ ḿbʋ́ se mbá Ɛsɔ ya-wɛ se pɛkɛ ɛ-ñɩma yɔ, papɩzɩ pehiɣ ñɩm maatɛŋ mbʋ́ ɛɖʋwa se ɛhaɣ-wɛ yɔ. Krɩstʋ ɛnʋ, ɛ-sɩm yɔɔ pɩtɩŋnaa nɛ pehiɣ-pʋ. Ḿbʋ́ ɖɔɖɔ lɩzɩnɩ-wɛ kɩwɛɛkɩm mbʋ́ paalabɩ alɩwaatʋ ndʋ́ paawɛ kajalaɣ nɔɔ haʋ paɣtʋ tɛɛ yɔ pi-nesi taa.

1 Pɩyɛ 1:20

Ɛsɔ kalɩzɩ-ɩ ɖooo lɔŋ nɛ pʋcɔ ɛla kedeŋa. Ɛlɩzɩ-ɩ nɛ ɛkɔɔ kɛtɛzaɣ alɩwaatʋ tʋnɛ tɩ-taa nɛ pʋwazɩ-mɩ.

Wɩlʋʋ 1:18

Ma lɛ weyi ɛwɛ wezuu yɔ. Maasɩba, ɛlɛ́, ma yɔ, mɛwɛɣnɩ mɛ-ɛsɛ tam. Mɔnɖɔkɩ sɩm nɛ ɖenɖe sɩɖaa wɛɛ yɔ pɔ-nɔnɔɔ ñɩma.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.

Wɩlʋʋ 20:2

Etiba lɛ, ewolo ɛkpa coojo nɛ ɛhɔkɩ-ɩ-sɩ se ɛwɛɛ ḿbʋ́ pɩnzɩ kutoku. Ɛnʋ lɛ ɖʋm kɩbɩnʋ weyi payaɣ se eleeu nɛ pɛtɛ patasɩ-ɩ se Satanɩ yɔ.