Ebree 2:11 - New Testament

¹¹ Mbʋ́ pʋyɔɔ yɔ, ɛnʋ Yesu weyi ɛñalɩɣ ɛyáa kɩwɛɛkɩm yɔ nɛ mbá ɛñalɩɣ-wɛ-pʋ yɔ, patɩŋa payɩ pa nɛ ɩ pa-Caa kʋɖʋm. Pʋ-yɔɔ fɛyɛ ɛɛkpaɣ-ɩ se ɛ́yáa-wɛ se ɛ-ñɩma.

Ebree 2:11 ပူးပေါင်းရင်းမြစ်များ

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Maatiyee 28:10

Ɛlɛ́, Yesu heyi-wɛ se: «Sɔɔndʋ ɛtaakpa-mɩ. Iwolo iheyi man-taabalaa se powolo Galilee, peeɖe pakaɣ-m naʋ.»

Maarkɩ 3:34

Peeɖe ɛkʋsɩ ɛ-ɛsɛ nɛ ɛcɔnɩ ɛyáa mbá pacaɣ ɛ-cɔlɔ kpɛɛɛ yɔ nɛ ɛtɔ se: «Na! Mon-ɖoo nɛ me-newaa pɛwɛnɩ cɩnɛ!

Maarkɩ 8:38

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ lɛɛlɛɛyɔ ɛyáa mbá pɛkɛ kɩwɛɛkɩm laɖaa nɛ palakɩ acɛyɛ yɔ pɔ-cɔlɔ yɔ, ɖɩkaɣ kpaʋ ɖɔɖɔ Ɛyʋ Pɩyalʋ pʋdʋ yɔɔ, alɩwaatʋ ndʋ́ ɛ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ yɔ.»

Luka 9:26

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ yɔ, ɖɩkaɣ-m kpaʋ ɛ-yɔɔ alɩwaatʋ ndʋ́ Ɛyʋ Pɩyalʋ ma mɛnkpɛndɩɣnɩ mon-koboyaɣ nɛ man-Caa Ɛsɔ ñɩŋga nɛ e-tiyiyaa ñɩŋga nɛ mɔnkɔɔ yɔ.

Yohanɛɛsɩ 17:19

Pɔ-yɔɔ lɛ, mɛncɛlɩɣ-ŋ ma maɣmaɣ man-tɩ se pɩtɩŋnɩ toovenim yɔɔ nɛ ḿbá ɖɔɖɔ pɛkɛ ña-ñɩma.

Yohanɛɛsɩ 17:21

Mentendiɣ-ŋ se ŋyele nɛ patɩŋa payɩ pala nɔɔ kʋɖʋmaɣ. Caa! Yele ɖa nɛ wɛ ɖɩwɛɛ ɖama taa ɛzɩ ma nɛ ŋ ɖɩwɛʋ ɖama taa yɔ. Ḿbʋ́ wɩlɩɣnɩ kedeŋa ñɩma se ñetiyini-m.

Yohanɛɛsɩ 20:17

Yesu heyi-i se: «Taalaɣzɩ-m, mbʋ́ pʋyɔɔ yɔ, mantakpadɩ man-Caa cɔlɔ. Ɛlɛ́, wolo ŋheyi mɛ-ɛgbaɣdɩnaa se mankpaɣ weyi ɛkɛ man-Caa nɛ ɛtɛ ɛkɛ mɛ-Ɛsɔ yɔ ɛ-cɔlɔ. Ɛnʋ ɖɔɖɔ lɛ mɩ-Caa nɛ mɩ-Ɛsɔ.»

Tʋma Labʋ 17:26

Ɛtɩŋnɩ ɛyʋ kʋɖʋm weyi ɛlayɩ labʋ yɔ ɛ-yɔɔ nɛ ɛla ɛyáa kpeekpe kedeŋa yɔɔ. Ɛɖʋ-wɛ alɩwaatʋ ndɩ ndɩ nɛ ɛtayɩ-wɛ ajɛya.

Tʋma Labʋ 17:28

Mbʋ́ pʋyɔɔ yɔ, ɛ-yɔɔ ɖɩwɛ wezuu nɛ ɖɩlakɩ pɩtɩŋa. Ḿbʋ́ ɖɔɖɔ mɩ-tɛ hendu teyaa nabɛyɛ kɔyɔɔdaa. Pɔyɔɔdaa se: ‹Đa ɖɔɖɔ ɖɩkɛ e-liɖe taa ñɩma.›

Room 8:29

Mbʋ́ pʋyɔɔ yɔ, mbá ɛɛlɩzɩ ɖooo lɔŋ yɔ ɛɛɖʋwa se eyeki nɛ pɛwɛɛ ɛzɩ ɛ-Pɩyalʋ yɔ, nɛ ɛ-Pɩyalʋ ɛnʋ, ɛkɛ Ɛsɔ ñɩma ɖalʋ. Pɔɖɔ sakɩyɛ.

Galaatɩ 4:4

Ɛlɛ́, alɩwaatʋ talaa lɛ, Ɛsɔ yele nɛ pɩtɩŋnɩ halʋ nɔɔyʋ yɔɔ nɛ palʋlɩ Ɛsɔ ɛnʋ ɛ-Pɩyalʋ nɛ Yuda ñɩma paɣtʋ wɛnɩ ɖoŋ ɛ́lɛ́ yɔɔ

Ebree 10:10

Mbʋ́ pʋyɔɔ yɔ, Yesu Krɩstʋ labɩ mbʋ́ Ɛsɔ liu kɛwɛɛ yɔ nɛ palaa-ɩ kpaagbaa laʋ. Ḿbʋ́ hanɩ-ɖʋ waɖɛ nɛ ɖɩpɩsɩ Ɛsɔ ñɩma.

Ebree 10:14

Mbʋ́ pʋyɔɔ yɔ, kɩlaʋ kʋɖʋmʋʋ koŋ yɔɔ ɛtɩŋnaa nɛ ɛtɛzɩ pɩsʋʋ mbá pɛkɛ Ɛsɔ ñɩma yɔ kɩbama tam.

Ebree 11:16

Toovenim lɛ, pe-liu kɛwɛ ɛjaɖɛ nɖɩ́ ɖɩkɩlɩ ɖeu yɔ. Pʋ-tɔbʋʋ se nɖɩ́ ɖɩwɛ ɛsɔdaa yɔ. Pʋ-yɔɔ fɛyɛ ɛɛkpaɣ Ɛsɔ se payaa-ɩ se pɛ-Ɛsɔ. Đɔɖɔ lɛ, ɛñɔɔzɩ-wɛ tɛtʋ sɔsɔtʋ natʋyʋ.

Ebree 13:12

Pʋ-yɔɔ Yesu ñasɩbɩ tɛtʋ koloŋa wayɩ se ɛñalɩ ɛyáa kɩwɛɛkɩm nɛ ɛ-maɣmaɣ ɛ-calɩm nɛ pɛwɛɛ cɩɖɩcɩɖɩ.

Ebree 2:14

Yee ḿbʋ́, ɛzɩma mbʋ́ ɛyáa ḿbá pɛkɛ kedeŋa yɔɔ cɩnɛ ñɩma yɔ, ḿbʋ́ ɖɔɖɔ Yesu ɛnʋ ɛ-maɣmaɣ ɛkɔm ɛzɩ ɛyʋ yɔ nɛ ɛkɔɔ ɛsɩ. Ɛlabɩ ḿbʋ́ se ɛpɩsɩ weyi ɛɛɖɔkɩ sɩm ɖoŋ yɔ ɛjam: ɛnʋ lɛ Satanɩ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.