Ebree 13:9 - New Testament

⁹ Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

Ebree 13:9 ပူးပေါင်းရင်းမြစ်များ

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Maatiyee 24:4

Peeɖe eheyi-wɛ se: «Ɩɖɔkɩ mɩ-tɩ camɩyɛ, ɩtaayele nɛ nɔɔyʋ yili-mɩ.

Luka 5:38

Pɛŋ weyi ɩtɔtɔɔ yɔ, ɩ-taa posuu.

Tʋma Labʋ 20:30

Halɩ mɩ-maɣmaɣ mɩ-taa lɛlaa kɔŋ pɩsʋʋ cɛtɩyaa nɛ pepeɣzi Krɩstʋ wayɩ tɩŋɩyaa nɛ paba tɩŋ-wɛ.

Tʋma Labʋ 20:32

Lɛɛlɛɛyɔ, manɖʋzʋʋ mɩtɩŋa payɩ Ɛsɔ nɛ e-lootiye tɔm pe-nesi taa. Ɛlabɩ-mɩ lootiye. Ɛnʋ pɩzɩɣnɩ eyele nɛ ɩkpa ɖoŋ nɛ ɛha-mɩ ñɩm mbʋ́ ɛsɩwa se ɛhaɣ mbá patɩŋa payɩ eyeba nɛ papɩsɩ ɛ-ñɩma yɔ.

Room 14:17

Mbʋ́ pʋyɔɔ yɔ, Ɛsɔ Kewiyaɣ tɔm tɛkɛ tɔɔnaɣ nɛ sʋlʋm pa-ñɩndʋ. Ɛlɛ́, pɩkɛ mbʋ́ Fezuu Kiɖeɖeu haɣ yɔ. Ḿbʋ́ yɔ: tʋʋzʋʋ nɛ laŋhɛzɩyɛ nɛ laŋhʋlʋmɩyɛ.

Room 14:2

Nabʋyʋ taa, nɔɔyʋ maɣzɩɣ se pɩha-ɩ waɖɛ se ɛpɩzɩɣ ɛtɔɔ paa tɔɔnaɣ ŋgá. Ɛlɛ́, lɛlʋ weyi ɛkɛ ɛjam e-lidaʋ wɛnaʋ taa yɔ, ɛ́lɛ́ ñɔtɔkɩ ɖozi hatʋ ɖeke.

Room 14:6

Weyi ɛmaɣzɩɣ se kɩyakʋ nakʋyʋ kɩlɩ lɛɛŋ yɔ, ɛlakɩ ḿbʋ́ se ɛɖʋ Kɩpaɣlʋ hɩɖɛ. Weyi ɛ́lɛ́ tɔkɩ paa tɔɔnaɣ ŋgá yɔ, ɛcaɣ ɖɔɖɔ se ɛɖʋ Kɩpaɣlʋ hɩɖɛ. Mbʋ́ pʋyɔɔ yɔ, ɛsaŋ Ɛsɔ tɔɔnaɣ ŋgá ɛtɔwaa yɔ kɔ-yɔɔ. Weyi ɛɛtɔkɩ tɔɔnasɩ nasɩyɩ yɔ, ɛlakɩ ḿbʋ́ se ɛɖʋ Kɩpaɣlʋ hɩɖɛ ɖɔɖɔ. Ɛsaŋ ɖɔɖɔ Ɛsɔ tɔɔnaɣ ŋgá ɛtɔwaa yɔ kɔ-yɔɔ.

1 Kɔrɛntɩ 6:13

Meheyiɣ-mɩ se: «Tɔɔnasɩ yɔɔ lotu wɛɛ nɛ lotu ñɛwɛɛ tɔɔnasɩ yɔɔ.» Paa ḿbʋ́ yɔ, Ɛsɔ kɔŋ pa-naalɛ yɔkʋʋ. Pɩtɛkɛ acɛyɛ yɔɔ palabɩ tomnaɣ: palabɩ-kɛ se kawazɩ Kɩpaɣlʋ nɛ ɛcɔnɩ kɔ-yɔɔ.

1 Kɔrɛntɩ 8:8

Ŋgʋ́, pɩtɛkɛ tɔɔnaɣ nakɛyɛ tɔɔʋ yekina nɛ ɖɩpɩsɩ ɛyáa kɩbama Ɛsɔ ɛsɩndaa. Paa ɖɩtɔɔ-kɛ yaa ɖɩtɔtɔɔ-kɛ yɔ, pɩɩsɔzʋʋ-ɖʋ pʋyʋ.

2 Kɔrɛntɩ 1:21

Ɛsɔ ɛnʋ ɛ-maɣmaɣ eyekini se ɖa nɛ mɩ ɖɩkpa ɖoŋ ɖa nɛ Krɩstʋ ɖɛ-kpɛndʋʋ taa. Ɛ-maɣmaɣ ɛlɩzɩnɩ-ɖʋ ɛsɩɩ hɔɔlʋʋ.

Galaatɩ 6:1

Taabalaa! Mbá mɩ Fezuu Kiɖeɖeu wɛ mɩ-cɔlɔ yɔ, yee nɔɔyʋ ɛlakɩ kɩwɛɛkɩm nabʋyʋ nɛ ɩna-ɩ yɔ, ɩlabɩ-ɩ hɛɛɛ nɛ ɩsɩnɩ-ɩ nɛ ɩwɩlɩ-ɩ nʋmɔʋ kɩbaŋgʋ. Ɛlɛ́, meheyiɣ mɩ-taa paa anɩ se ɛcɔnɩ ɛ-maɣmaɣ ɛ-tɩ yɔɔ camɩyɛ nɛ pɩtaakɔɔ pɩtakɩ-ɩ.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

Efɛɛzɩ 5:6

Itaayele nɔɔyʋ yili-mɩ nɛ ɛ-tɔm ndʋ́ tɩfɛyɩ wazaɣ nakɛyɛ yɔ: pʋ-yɔɔ Ɛsɔ pana kpaɣnɩ mbá paañaŋ-ɩ yɔ.

Koloosi 2:4

Meheyiɣ-mɩ ḿbʋ́ se nɔɔyʋ ɛtaakɔɔ ɛcɛtɩ-mɩ nɛ ɛ-nɔɔ leleŋ.

2 Tesalooniki 2:17

pɛhɛzɩ mɩ-laŋa nɛ peyele ɩtɛzɩ kpaʋ ɖoŋ nɛ ɩla mbʋ́ pɩtɩŋa pʋwɛ ɖeu yɔ mɩ-lakasɩ nɛ mɩ-yɔɔdaɣ pa-taa.

2 Tesalooniki 2:2

ɩtaayele mɩ-tɩ nɛ piliɣti mɩ-lɩmaɣza kɩbana kɛlɛʋ yaa sɔɔndʋ kpa-mɩ se Kɩpaɣlʋ kɩyakʋ talaa. Paa nɔɔyʋ eheyi-mɩ se Fezuu Kiɖeɖeu heyini-i-tʋ yaa pɩkɛ Ɛsɔ tɔm yaa ɛcɛlɩ-mɩ takayaɣ se ɖamanɩ-mɩ-kɛ yɔ, ɩtaayele mɩ-tɩ.

1 Timootee 6:20

Man-taabalʋ Timootee, ɖɔkɩ mbʋ́ Ɛsɔ ɖʋzɩ ñe-nesi taa yɔ nesi naalɛ kpam. Taaɖʋ ñɔ-nɔɔ tɔm ndʋ́ tɩɩwazɩɣ pʋyʋ nɛ tiiyeki se ɛyʋ ɛtɩlɩ Ɛsɔ yɔ tɩ-taa. Koli tɔm hɔm mbʋ́ ɛyáa kpakɩɣ se pɩkɛ lɛɣtʋ yɔ.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Yuudi 1:12

Ɛyáa ḿbá, alɩwaatʋ ndʋ́ ikpeɣliɣ ɖama nɛ ɩkpɛndɩɣ ɩtɔkɩ tɔɔnaɣ se pɩwɩlɩ se ɩsɔɔlɩ ɖama yɔ, pa-lakasɩ kpaɣ-mɩ fɛyɛ. Mbʋ́ pʋyɔɔ yɔ, pɛɖɛlɛsɩɣ niye alɩwaatʋ ndʋ́ pɔtɔkɩ kazandʋ yɔ, fɛyɛ ɛɛkpaɣ-wɛ. Pamaɣzɩɣ pa-maɣmaɣ pa-tɩ yɔɔ ɖeke. Pɛwɛ ɛzɩ mɩndʋ ndʋ́ heɣlim kpakɩɣ nɛ tiiyeki se tɛʋ ɛnɩɩ yɔ. Pɛwɛ ɖɔɖɔ ɛzɩ tɩŋ weyi ɩɩlʋlʋʋ pee nɛ halɩ pɩkpɛndɩnɩ ɩ-lʋlʋʋ alɩwaatʋ yɔ. Pɛwɛ ɛzɩ tɩŋ weyi ɩwɩlaa nɛ pɛkpɛzɩ-ɩ yɔ.

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.