Ebree 13:8 - New Testament

⁸ Yesu Krɩstʋ wɛʋ yɔ, ɛɛlɛɣzɩɣ kaʋ. Ɛzɩma mbʋ́ ɛɛwɛ ɖooo lɔŋ yɔ, ḿbʋ́ ɛwɛɛ, ḿbʋ́ ɖɔɖɔ ɛwɛɣ tam.

Ebree 13:8 ပူးပေါင်းရင်းမြစ်များ

2 Kɔrɛntɩ 1:19

Mbʋ́ pʋyɔɔ yɔ, Ɛsɔ Pɩyalʋ Krɩstʋ Yesu weyi ma nɛ Silaasɩ nɛ Timootee ɖisusi ɛ-tɔm mɩ-hɛkʋ taa yɔ, ɛtɔyɔɔdɩ nɔsɩ naalɛ tɔm kʋɖʋmtʋ yɔɔ. Ɛlɛ́, mbʋ́ pɩkɛ toovenim yɔ «Ɛɛ» ɖeke ɛtɔŋ.

2 Kɔrɛntɩ 1:20

Ɛnʋ wɩlɩɣnɩ-ɖʋ kaŋŋ se mbʋ́ pɩtɩŋa payɩ Ɛsɔ heyi-ɖʋ se ɛlakɩ-ɖʋ yɔ, ɛlakɩ pɩtɩŋa payɩ nɛ pɩtɩŋnɩ Krɩstʋ yɔɔ. Đɔɖɔ lɛ, ɛ-yɔɔ ɖɩtɩŋɩɣna nɛ ɖiheyi Ɛsɔ se: «Pɩla ḿbʋ́!» Nɛ pɩkɛnɩ Ɛsɔ ɛnʋ koboyaɣ.

Ebree 1:12

Ŋkɔŋ-wɛ kpiyuu ɛzɩ pekpiyuu toko sɔsɔʋ yɔ. Pɔkɔŋ-wɛ lɛɣzʋʋ ɛzɩ pɛlɛɣzʋʋ toko yɔ. Ɛlɛ́, ña ñɛwɛɣ tam ɛzɩ ŋwɛʋ yɔ, ña-pɩnzɩ ɛɛkaɣ tɛm kaʋ.»

Yakubu 1:17

Mbʋ́ pɩtɩŋa pahaɣ ɛyʋ nɛ pʋwɛ ɖeu pɩtɩɩfɛyɩ yɔ, Ɛsɔ weyi ɛwɛ ɛsɔdaa yɔ ɛ-cɔlɔ pɩlɩnaa. Ɛnʋ labɩnɩ wɩsɩ nɛ fenaɣ nɛ tɩɩnzɩ. Ɛɛlɛɣzɩɣ kaʋ: ɛfɛyɩ ɛzɩ kɩlɛmʋʋ yɔ.

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 1:4

Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 1:8

Kɩpaɣlʋ Ɛsɔ Đoŋ Tɩŋa Tʋ tɔŋna se: «Ma lɛ Nʋmɔɖɛyʋ nɛ Ɛɖɩɣyɛ.» Ɛnʋ wɛna, ɛnʋ kɛwɛna, ɛnʋ kaɣnɩ kɔm.