Ebree 13:7 - New Testament

⁷ Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

Ebree 13:7 ပူးပေါင်းရင်းမြစ်များ

Maatiyee 24:45

Yesu tɛm yɔɔdʋʋ ḿbʋ́ lɛ, ɛpɔzɩ ɛ-tɔmkpɛlɩkɩyaa se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

Luka 12:42

Ɛlɛ́, ɛpɩsɩnɩ-ɩ se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

Luka 5:1

Nakʋyʋ wiye Yesu sɩŋ Jeneezaarɛɛtɩ teŋgu nɔɔ nɛ ɛyáa samaɣ ñɩkɩɣ ɖama ɛ-cɔlɔ se panɩɩ Ɛsɔtɔm.

Luka 8:11

Peeɖe Yesu heyi-wɛ se: «Ɩɩnaɣ eduuye ńɖɩ́ ɖɩ-tɔbʋʋ: tɔɔnaɣ pee ana, awɛ ɛzɩ Ɛsɔtɔm yɔ.

Tʋma Labʋ 13:46

Peeɖe ɛ nɛ Barnaabaasɩ peheyi-wɛ kpayɩ se: «Mɩ pɩɩmʋnaa se ɖɩlɛyɩnɩ Ɛsɔtɔm heyuu nɛ pʋcɔ. Ɛlɛ́, ɖenɖe ikizi-tʋ nɛ ɩmaɣzɩɣ se ɩtamʋnɩ se ihiɣ wezuu maatɛŋ yɔ, ɖiyeki-mɩ ɖiwolo mbá pɛtɛkɛ Yuda ñɩma yɔ pɔ-cɔlɔ.

Tʋma Labʋ 14:23

Paa Krɩstʋ ŋgbɛyɛ nɖɩ́ ɖɩ-taa lɛ, Pɔɔlɩ nɛ Barnaabaasɩ palɩzaɣ nabɛyɛ se pɛkɛnɩ sɔsaa. Palɩzɩɣ-wɛ ḿbʋ́ lɛ, pa nɛ wɛ pɔhɔkɩ nɔɔ nɛ pɛsɛɛ Kɩpaɣlʋ Ɛsɔ. Pʋwayɩ lɛ, paɖʋzɩ-wɛ e-nesi taa, mbʋ́ pʋyɔɔ yɔ, ɛ-yɔɔ pɛwɛnɩ lidaʋ.

Tʋma Labʋ 4:31

Pɛtɛm Ɛsɔ sɛʋ lɛ, lone nɖɩ́ ɖɩ-taa paakpeɣlaa yɔ, ɖɩñamsɩ. Peeɖe Fezuu Kiɖeɖeu tibi kɩwɛɛ patɩŋa pɔ-yɔɔ nɛ papazɩ Ɛsɔtɔm susuu kaalɛyɩtʋ.

Room 10:17

Pʋ-yɔɔ lɛ, lidaʋ lɩɣnɩ tɔm ndʋ́ ɛyʋ welesiɣ yɔ tɩ-cɔlɔ. Tɔm ndʋ́ ewelesiɣ yɔ lɛ Krɩstʋ tɔm ndʋ́ posusuu yɔ.

1 Kɔrɛntɩ 10:13

Pɩtakɩɣ-mɩ takʋʋ mbʋ́ yɔ, pɩfɛyɩ ndɩ nɛ ɛyáa lɛlaa takʋʋ. Ɛsɔ tʋʋzaa. Ɛlakɩ mbʋ́ ɛɖʋwa yɔ. Eeyeki se pɩtakɩ-mɩ nɛ pɩɖɛɛ mi-ɖoŋ yɔɔ. Ɛlɛ́, alɩwaatʋ ndʋ́ pɩtakɩɣ-mɩ yɔ, ɛwɩlɩɣ-mɩ nʋmɔʋ ŋgʋ́ pʋwɛɛ se ɩtɩŋ nɛ ɩlɩɩ pɩ-taa yɔ.

1 Kɔrɛntɩ 11:1

Ɩla ɛzɩ ma yɔ, mbʋ́ pʋyɔɔ yɔ, ma-maɣmaɣ malakɩ ɛzɩ Krɩstʋ yɔ.

1 Kɔrɛntɩ 4:16

Pʋ-yɔɔ mentendiɣ-mɩ se ɩtɩŋ ma-nʋmɔʋ.

Filiipu 3:17

Taabalaa! Mɩtɩŋa payɩ ɩla ɛzɩ malakʋʋ yɔ. Ɩcɔnɩ mbá pɔɖɔŋ lidaʋ nʋmɔʋ taa ɛzɩ ɖa yɔ nɛ ɩɖɔ ḿbʋ́.

1 Tesalooniki 1:6

Ḿbʋ́ yebina nɛ ɩtɩŋ ɖa nɛ Kɩpaɣlʋ ɖa-nʋmɔʋ. Alɩwaatʋ ndʋ́ itisi Laŋhɛzɩyɛ Tɔm yɔ, ɩtɔɔ kʋñɔŋ siŋŋ. Ɛlɛ́, Fezuu Kiɖeɖeu kasɩnɩ-mɩ nɛ ɩwɛɛ laŋhʋlʋmɩyɛ taa.

1 Tesalooniki 2:13

Đɩsaŋ Ɛsɔ tam nabʋyʋ yɔɔ ɖɔɖɔ. Ḿbʋ́ lɛ se: alɩwaatʋ ndʋ́ ɖisusi-mɩ ɛ-tɔm nɛ ɩnɩɩ-tʋ yɔ, itetisi-tʋ ɛzɩ ɛyáa tɔm yem yɔ. Ɛlɛ́, itisi-tʋ ɛzɩ mbʋ́ tɩkɛ toovenim taa yɔ, tɩkɛ Ɛsɔtɔm siŋŋ nɛ tɩlakɩ mbá mɩ ɩwɛnɩ lidaʋ ɛ-yɔɔ yɔ tʋmɩyɛ.

2 Tesalooniki 3:7

Mɩ-maɣmaɣ, ɩtɛm sɩm mbʋ́ pʋwɛɛ se ɩla nɛ ɩtɩŋ ɖa-nʋmɔʋ taa yɔ: ɖɩtaala fendu alɩwaatʋ ndʋ́ ɖɩɩwɛ mɩ-tɛ yɔ.

2 Tesalooniki 3:9

Pɩtɛkɛ se ɖɩtaawɛnɩ waɖɛ yɔɔ. Ɛlɛ́, ɖa-maɣmaɣ ɖɩcaɣaɣ se ɖɩwɩlɩ-mɩ ɛzɩma mbʋ́ pʋwɛɛ se ɩla nɛ ɩtɩŋ ɖa-nʋmɔʋ yɔ.

1 Timootee 3:5

Mbʋ́ pʋyɔɔ yɔ, yee ɛyʋ ɛɛpɩzɩɣ ɛ-maɣmaɣ ɛ-hɔʋ taa ñɩma yɔɔ cɔnaʋ lɛ, ɛzɩma ɛpɩzɩɣ ɛcɔnɩ Ɛsɔ ŋgbɛyɛ taa ñɩma yɔɔ yɔ?

Ebree 13:17

Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

Ebree 13:24

Ɩsɛɛ mɩ-ñʋndɩnaa nɛ Ɛsɔ ñɩma patɩŋa payɩ. Itaalii taabalaa sɛ-mɩ.

Ebree 6:12

Pʋbʋ, ɩɩpɩsɩɣ fendinaa. Ɛlɛ́, ɩlakɩ ɛzɩ mbá pɛwɛnɩ lidaʋ Ɛsɔ yɔɔ nɛ pɔɖɔkʋʋ pa-tɩ se pehiɣ kʋjɔʋ ŋgʋ́ ɛ́lɛ́ ɖʋwa se ɛlakɩ-wɛ yɔ.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 20:4

Mana ɖɔɖɔ kewiyisi kpelisi nasɩyɩ: mbá powokaɣ pacakɩ sɩ-yɔɔ yɔ, paha-wɛ ɖoŋ se pahʋʋnɩ ɛyáa tɔm. Đɔɖɔ lɛ, mana mbá pɛsɛtɩ pa-ñʋŋ yɔ pa-ciyamnaa. Paakʋ-wɛ, mbʋ́ pʋyɔɔ yɔ, palɩzaɣ Yesu aseɣɖe nɛ posusuu Ɛsɔtɔm. Ḿbá taaluŋni kpɩnɛ yaa ɖɩ-sɩʋ kpelaɣ pɛ-tɛɛ, patala pe-kila taa yaa pe-nesi yɔɔ ɖɩ-yʋsaɣ. Pefema nɛ pa nɛ Krɩstʋ pɔtɔɔ kewiyaɣ pɩnzɩ kutoku.

Wɩlʋʋ 6:9

Pʋwayɩ lɛ, Heɣa ŋ́gá kɛkpɛzɩ nesi ñɩɣʋ kagbaanzɩ ñɩmbʋ nɛ manaɣ lone nɖɩ́ palaɣ ɖɩ-taa yɔ, ɖɩ-tɛɛ mbá paakʋ-wɛ yɔ pa-ciyamnaa. Ɛsɔtɔm nɛ aseɣɖe nɖɩ́ palɩzaa yɔ, pɔ-yɔɔ paakʋ-wɛ.