Ebree 13:5 - New Testament

⁵ Ɩtaawɛnɩ liidiye laɣzaɣ mi-wezuu caɣʋ taa. Mɩ-laŋa ɛhʋlʋmɩnɩ ñɩm mbʋ́ ɩwɛnɩ lɛɛlɛɛyɔ yɔ, mbʋ́ pʋyɔɔ yɔ, Ɛsɔ maɣmaɣ yɔɔdaa se: «Maakaɣ-ŋ lɔʋ, maahaɣ-ŋ siɣ́ye kaʋ.»

Ebree 13:5 ပူးပေါင်းရင်းမြစ်များ

Maatiyee 6:19

Yesu tasɩ-wɛ heyuu se: «Ɩtaañɩnɩ ñɩm nɛ ikpeɣli-pʋ kedeŋa yɔɔ. Mbʋ́ pʋyɔɔ yɔ, ŋgbam nɛ kálɩkɔ́daɣ pamʋʋ-pʋ yaa mɩ́láa yɔkʋʋ nɛ pamɩlɩ-pʋ.

Maatiyee 6:25

Yesu tasɩ-wɛ heyuu se: «Ɩtaanɩɣzɩ mbʋ́ ɩɩtɔɔ nɛ ɩñɔɔ nɛ wondu ndʋ́ iisuu mi-wezuu caɣʋ taa yɔ pʋ-yɔɔ. Mbʋ́ pʋyɔɔ yɔ, wezuu kɩlɩ tɔɔnaɣ wazaɣ nɛ tomnaɣ ñakɩlɩ wondu wazaɣ.

Maatiyee 6:34

Pʋ-yɔɔ lɛ, ɩtaayɔkɩ mɩ-ñʋŋ cee tɔm yɔɔ sɔnɔ nɛ pɩkɩlɩ. Mbʋ́ pʋyɔɔ yɔ, paa kɩyakʋ ŋgʋ́ nɛ kʋ-tɔm.»

Maarkɩ 7:22

nɛ ɛkpaɣ lɛlaa halaa nɛ ɛɖʋ ɛsɩyɛ lɛlaa ñɩm yɔɔ nɛ ɛla kañatʋ nɛ ɛcɛtɩ ɛyáa nɛ ɛla yem yem nɛ ɛwɛɛ ɛsɩsɛmɩyɛ nɛ ɛcɛtɩnɩ lɛlaa taa nɛ ɛkpazɩ ɛ-tɩ nɛ ɛla kɩmɛlɛndʋ.

Luka 3:14

Sɔɔjanaa ñɔpɔzɩ-ɩ ḿbʋ́ ɖɔɖɔ se: «Nɛ ɖa yɔ, ɛbɛ pʋmʋnaa se ɖɩla?» Ecosi-wɛ se: «Ɩtaakpa nɔɔyʋ nɛ ɩmʋ e-liidiye yaa ɩtaacɛtɩnɩ nɔɔyʋ taa yem. Ɛlɛ́, mɩ-laŋa ɩhʋlʋmɩnɩ mbʋ́ pɛhɛyɩɣ-mɩ yɔ.»

Luka 8:14

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, lɩmaɣza wena akʋʋ ɛyáa yɔ nɛ ñɩm nɛ kedeŋa yɔɔ wondu sɔɔlʋʋ paɖɩɣ-wɛ nʋmɔʋ nɛ paawɛɣnɩ kɛzɛɣa.

Room 1:29

Ḿbʋ́ suni pa-taa ɖo. Ḿbʋ́ lɛ: mbʋ́ pɩtatʋʋzɩ yɔ pɩtɩŋa nɛ kɩdɛkɛdɩm nɛ ɛsɛ naɣnaɣ nɛ kañatʋ nɛ ɛsɩsɛmɩyɛ nɛ ɛyáa kʋʋ nɛ eyoziye nɛ ɛyáa cɛtʋʋ nɛ ɛzaɣ́tʋ nɛ ɛyáa tɔm yɔɔdʋʋ.

1 Kɔrɛntɩ 5:11

Mbá pɛwɛ mɩ-ŋgbɛyɛ taa yɔ, ḿbá mɔyɔɔdʋʋ. Yee nɔɔyʋ ɛtɔm se ɛkɛ Krɩstʋ ŋgbɛyɛ taa tʋ nɛ ɛlakɩ acɛyɛ yaa kujoŋjoŋ yaa ɛlaɣ sɩɩnaa yaa ɛtʋʋ ɛyáa yaa ɛkpaŋɩɣ sʋlʋm yaa ɛmɩlɩɣ yɔ, mɩ nɛ pɩtɛ ɛyʋ ɩtaaɖɔ, paa tɔɔnaɣ yɔ, ɩtaakpɛndɩ.

1 Kɔrɛntɩ 6:10

yaa mɩ́láa yaa kujoŋjoŋ tɩnaa yaa sʋlʋm kpaŋɩyaa yaa mbá patʋʋ ɛyáa yɔ yaa mɔntɔkɩnɩ mon-ɖoŋwaa paakaɣ sʋʋ Ɛsɔ Kewiyaɣ taa.

2 Kɔrɛntɩ 4:9

Pɛwɛ ɖa-wayɩ kaŋ kaŋ, ɛlɛ́, Ɛsɔ tɔlɔ-ɖʋ. Payakɩ-ɖʋ nɛ tɛtʋ, ɛlɛ́, ɖɩɩsɩkɩ.

Efɛɛzɩ 5:3

Pataatɩɩnɩʋ acɛyɛ yaa azuluma lakasɩ tɩŋa yaa liidiye laɣzaɣ pa-taŋ kpem mɩ-hɛkʋ taa ɛzɩ pʋmʋnaʋ Ɛsɔ ñɩma yɔ.

Efɛɛzɩ 5:5

Mbʋ́ pʋyɔɔ yɔ, ɩtɩlɩ camɩyɛ se paatayɩɣnɩ acɛyɛ laɖʋ nɛ azuluma tʋ yaa liidiye laɣzaɣ tʋ ñɩm mbʋ́ Ɛsɔ ñɔɔzaa nɛ ɛsɩɩ ɛ nɛ Krɩstʋ pe-Kewiyaɣ taa yɔ. Liidiye laɣzaɣ tʋ ñɛwɛ ɛzɩ agɔlɩma kpɛyɩyʋ yɔ.

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

1 Timootee 3:3

Pɩtamʋnɩ se ɛkɛ sʋlʋm kpaŋɩyʋ, ɛtaawɛɛ helu helu. Ɛlɛ́, pʋwɛɛ se ɛwɛɛ leleŋ, ɛtaakɛ tɔm cayʋ, ɛtaawɛɛ liidiye laɣzaɣ.

2 Pɩyɛ 2:14

Halaa acɛyɛ tɩnaa yɔɔ ɖeke pa-lɩmaɣza wɛɛ. Paañɩɣzɩɣ kɩwɛɛkɩm labʋ kpem. Pepeɣziɣ mbá pɛfɛyɩ ɖoŋ Ɛsɔ nʋmɔʋ taa yɔ nɛ pasʋzʋʋ-wɛ kɩwɛɛkɩm taa. Liidiye cazʋʋ lɩmaɣza suni pa-taa. Ɛsɔ wɩlɩ-wɛ kpalʋʋ.

2 Pɩyɛ 2:3

Liidiye laɣzaɣ yɔɔ lɛ, pɔkɔŋ-mɩ cɛtʋʋ nɛ pɔ-nɔɔ leleŋ nɛ pɔhɔɔzɩ mi-nesi taa. Ɛlɛ́, Ɛsɔ weyi ɛhʋʋnɩ ɛyáa yɔ, ɛpazɩ pɔ-tɔm kʋʋ ɖooo lɔŋ. Ɛtɔyɩtʋʋ-wɛ alɩwaatʋ pazɩ taa.

Yuudi 1:11

Pɩya-wɛ! Mbʋ́ pʋyɔɔ yɔ, patɩŋ nʋmɔʋ ŋgʋ́ Kayɛnɩ tɩŋaa yɔ. Liidiye yɔɔ lɛ, pakpaɣ pa-tɩ pasʋzɩ nʋmɔʋ kilebuu taa ɛzɩ Balaam yɔ. Pɛtɛŋɛlaa kpem, mbʋ́ pʋyɔɔ yɔ, pakʋyɩ Ɛsɔ yɔɔ ɛzɩ Kooree kalabʋ yɔ.