Ebree 13:20 - New Testament

²⁰ Ɛsɔ lɛ laŋhɛzɩyɛ tʋ. Mentendiɣ-i se ɛtɩŋnɩ calɩm mbʋ́ ɖa-Kɩpaɣlʋ Yesu kpɛdaa nɛ piyele nɔɔ haʋ wɛɛ tam yɔ pʋ-yɔɔ nɛ efezi-i nɛ sɩɖaa taa. Yesu ɛnʋ lɛ heŋ ɖiyiyu sɔsɔ.

Ebree 13:20 ပူးပေါင်းရင်းမြစ်များ

Maatiyee 26:28

Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Maarkɩ 14:24

Ɛlɛ́, eheyi-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩ ɛyáa sakɩyɛ yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ.»

Luka 22:20

Pɛtɛm tɔɔʋ lɛ, ɛkpaɣ ɖɔɖɔ sʋlʋm nɛ caɖaɣ nɛ ɛcɛlɩ-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩɣ mɩ-yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ kɩfam.»]

Yohanɛɛsɩ 10:11

Ma lɛ ninɖiɣyu kɩbanʋ. Ninɖiɣyu kɩbanʋ tisiɣ nɛ ɛsɩ e-heŋ yɔɔ.

Yohanɛɛsɩ 10:14

Ma lɛ Ninɖiɣyu kɩbanʋ. Ɛzɩma mbʋ́ Caa sɩm-m nɛ mansɩm-ɩ yɔ, ḿbʋ́ ɖɔɖɔ mansɩm me-heŋ nɛ ɛ́lɛ́ sɩm-m. Ɩ-yɔɔ mansɩkɩ.

Tʋma Labʋ 13:30

Ɛlɛ́, Ɛsɔ fezi-i nɛ sɩɖaa taa.

Tʋma Labʋ 17:31

Mbʋ́ pʋyɔɔ yɔ, ɛtɛm ɖʋʋ kɩyakʋ ŋgʋ́ ɛkɔŋ hʋnaʋ kedeŋa kpeekpe yɔɔ ɛyáa nɛ toovenim yɔ. Ɛyʋ weyi ɛlɩzaa yɔ, ɛ-yɔɔ ɛtɩŋɩɣna nɛ ɛhʋʋnɩ-wɛ tɔm. Mbʋ́ ɛwɩlɩnɩ paa weyi se ɛkɔŋ-pʋ labʋ yɔ lɛ se efezi-i nɛ sɩɖaa taa.»

Tʋma Labʋ 2:24

Ɛlɛ́, Ɛsɔ fezi-i nɛ ɛlɩzɩ-ɩ nɛ sɩm nesi taa. Mbʋ́ pʋyɔɔ yɔ, pɩtaapɩzɩɣ se pʋɖɔkɩ-ɩ tam.

Tʋma Labʋ 2:32

Yesu weyi mɔyɔɔdʋʋ ɛ-tɔm ɛzʋnɔ yɔ, Ɛsɔ fezi-i nɛ ɖa ɖana-ɩ nɛ ɖɛ-ɛsɛ ɖatɩŋa.

Tʋma Labʋ 3:15

Ḿbʋ́ ɩlaba nɛ iyele pakʋ Ɛyʋ Kʋtʋʋzʋ ɛnʋ, ŋgʋ́ ɛnʋ haɣnɩ wezuu. Ɛlɛ́, Ɛsɔ fezi-i nɛ ɖɩna-ɩ nɛ ɖɛ-ɛsɛ.

Tʋma Labʋ 4:10

pʋwɛɛ se mɩ nɛ Izrɛɛlɩ ñɩma, mɩtɩŋa payɩ ɩtɩlɩ se: Nazarɛɛtɩ tʋ Yesu Krɩstʋ weyi ɩkam-ɩ kaamaŋkaɣ yɔɔ nɛ ɛsɩ nɛ Ɛsɔ fezi-i nɛ ɛlɩɩnɩ sɩɖaa taa yɔ, e-ɖoŋ taa ɛyʋ ɛnɛ ɛ-yɔɔ cɛba nɛ ɩnaɣ-ɩ mɩ-hɛkʋ taa nɛ ɛ-alaafɩya.

Tʋma Labʋ 5:30

Đɔ-cɔzɔnaa Ɛsɔ fezi Yesu weyi ɩkam kaamaŋkaɣ yɔɔ nɛ ɛsɩ yɔ.

Room 1:4

ɛlɛ́, efem nɛ ɛlɩɩnɩ sɩɖaa taa yɔ, pʋ-yɔɔ Ɛsɔ ya-ɩ se ɛ-maɣmaɣ ɛ-Pɩyalʋ weyi pɩtɩŋnɩ e-Fezuu Kiɖeɖeu yɔɔ nɛ ɛwɛnɩ ɖoŋ yɔ.

Room 10:7

Taapɔzɩ ña-maɣmaɣ ña-tɩ ɖɔɖɔ se: «Akaɣ tibu tɛtɛɛ?» Pʋ-tɔbʋʋ se atiki ɛlɩzɩ Krɩstʋ nɛ sɩɖaa taa.

Room 15:33

Ɛsɔ weyi ɛhɛzɩɣ ɛyáa laŋa yɔ, ɛwɛɛ mɩtɩŋa payɩ mɩ-cɔlɔ. Pɩla ḿbʋ́!

Room 16:20

Ŋgʋ́, Ɛsɔ weyi ɛhɛzɩɣ ɛyáa laŋa yɔ, ɛkɔŋ Satanɩ nuutuu alɩwaatʋ pazɩ taa nɛ efiɣni nɛ eluzi-i mɩ-tɛɛ. Đa-Kɩpaɣlʋ Yesu ɛlabɩ-mɩ lootiye.

Room 8:11

Yee Ɛsɔ weyi efezi Yesu nɛ ɛlɩɩnɩ sɩɖaa taa yɔ e-Fezuu Kiɖeɖeu ɛwɛ mɩ-cɔlɔ lɛ, ɛzɩma ɛɛpɩzɩɣ ɛtɩŋnɩ e-Fezuu Kiɖeɖeu ŋgʋ́ kɩwɛ mɩ-cɔlɔ yɔ kɩ-yɔɔ nɛ efezi ɖɔɖɔ mi-tomnasɩ nzɩ́ sɩsɩkɩ yɔ?

1 Kɔrɛntɩ 14:33

Mbʋ́ pʋyɔɔ yɔ, Ɛsɔ tayaa-ɖʋ se ɖɩla yem yem, ɛlɛ́, ɛya-ɖʋ se ɖɩwɛɛ laŋhɛzɩyɛ taa. Ɛzɩ pʋwɛʋ Ɛsɔ ñɩma aŋgba tɩŋa taa payɩ yɔ,

1 Kɔrɛntɩ 15:15

Yee toovenim sɩɖaa eefeŋ yɔ, pʋbʋ Ɛsɔ tefezi Krɩstʋ ɖɔɖɔ. Halɩ aseɣɖe nɖɩ́ ɖɩlɩzɩɣ alɩwaatʋ ndʋ́ ɖɩyɔɔdʋʋ se Ɛsɔ fezi-i kpem yɔ, ɖɩcɛtɩnɩ Ɛsɔ taa.

1 Kɔrɛntɩ 6:14

Đɔɖɔ lɛ, Ɛsɔ weyi efezi Kɩpaɣlʋ nɛ sɩm taa yɔ, ɛkɔŋ-ɖʋ fezuu ɖɔɖɔ nɛ e-ɖoŋ.

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

2 Kɔrɛntɩ 4:14

Mbʋ́ pʋyɔɔ yɔ, ɖɩnawa se Ɛsɔ weyi efezi Kɩpaɣlʋ Yesu yɔ, ɛkɔŋ-ɖʋ fezuu ɖɔɖɔ ɛzɩ efezuu-i yɔ nɛ eyele ɖa nɛ mɩ ɖiwolo ɛ-cɔlɔ.

Galaatɩ 1:1

Ma Yesu tiyiyu Pɔɔlɩ nɛ man-taabalaa tɩŋa mbá pɛwɛ cɩnɛ yɔ, ɖɩmaɣnɩ Krɩstʋ aŋgba wena awɛ Galaatɩ egeetiye taa yɔ a-taa ñɩma takayaɣ kanɛ. Pɩtɛkɛ ɛyáa nabɛyɛ yaa ɛyʋ nɔɔyʋ lɩzɩnɩ-m se mɛnkɛ Yesu tiyiyu. Ɛlɛ́, Yesu Krɩstʋ weyi ɛsɩba nɛ Caa Ɛsɔ fezi-i yɔ, ɛ nɛ Caa Ɛsɔ ɛnʋ, palɩzɩnɩ-m.

Efɛɛzɩ 1:20

Ɛnʋ ɛlabɩnɩ tʋmɩyɛ Krɩstʋ taa nɛ efezini-i sɩɖaa taa nɛ ɛcaɣzɩ-ɩ ɛ-cɔlɔ lone kɩbanɖɛ taa ɛsɔdaa.

Filiipu 4:9

Mbʋ́ mɛnkpɛlɩkɩ-mɩ nɛ ndʋ́ mɔyɔɔdaa nɛ ɩnɩɩ nɛ mbʋ́ malaba nɛ ɩna yɔ, ɩɖɔ pɩtɩŋa payɩ pʋ-yɔɔ. Peeɖe Ɛsɔ laŋhɛzɩyɛ tʋ wɛɣ mɩ-cɔlɔ.

Koloosi 2:12

Palabʋ-mɩ lɩm sɔʋ sɔnzɩ yɔ, mɩ nɛ Krɩstʋ pepima. Mɩ nɛ ɩ ifemna ɖɔɖɔ, mbʋ́ pʋyɔɔ yɔ, ɩwɛnɩ lidaʋ ɖoŋ weyi Ɛsɔ fezini-i nɛ sɩɖaa taa yɔ ɛ-yɔɔ.

1 Tesalooniki 1:10

se ɩɖaŋ ɛ-Pɩyalʋ weyi ɛlɩɣnɩ ɛsɔdaa se ɛkɔɔ yɔ. Ɛnʋ lɛ Yesu weyi efezi-i nɛ sɩɖaa taa yɔ. Ɛnʋ lɩzɩɣnɩ-ɖʋ Ɛsɔ pana wena akɔŋ-ɖʋ kpanaʋ yɔ a-taa.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

2 Tesalooniki 3:16

Kɩpaɣlʋ laŋhɛzɩyɛ tʋ maɣmaɣ ɛhɛzɩ mɩ-laŋa alɩwaatʋ kpeekpe pɩtɩŋa pɩ-taa! Ɛwɛɛ mɩtɩŋa payɩ mɩ-cɔlɔ!

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 10:29

Yee pʋwɛ ḿbʋ́ lɛ, weyi ɛyakɩ Ɛsɔ Pɩyalʋ naŋgbaŋaɣ nɛ ɛtʋʋ-ɩ yɔ, ɛbɛ pɩtɛŋnɩ-ɩ? Ɛtakpaɣ nɔɔ haʋ calɩm nɛ ɛ́yáa pʋyʋ. Ŋgʋ́, ḿbʋ́ pɩsɩnɩ-ɩ cɩɖɩcɩɖɩ tʋ. Ɛtʋ ɖɔɖɔ Fezuu Kiɖeɖeu ŋgʋ́ kɩlakɩ-ɖʋ lootiye yɔ.

Ebree 9:20

Ɛmɩzaa lɛ, ɛtɔ se: «Calɩm pʋnɛ pɩwɩlɩɣnɩ nɔɔ haʋ mbʋ́ Ɛsɔ ɖʋ mɩ nɛ ɩ mɩ-hɛkʋ taa se ɩɖɔ pʋ-yɔɔ yɔ.»

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Pɩyɛ 2:25

Đooo lɛ, ɩɩwɛ ɛzɩ heŋ weyi ileba yɔ. Ɛlɛ́, lɛɛlɛɛyɔ ɩpɩsaa ɩkɔɔ Krɩstʋ ɛnʋ ɛ-cɔlɔ. Ɛnʋ lɛ ɖiyiyu weyi ɛcɔŋnɩ mɩ-yɔɔ yɔ.

1 Pɩyɛ 5:4

Yee ɩlabɩ ḿbʋ́ yɔ, Điyiyaa Ñʋʋdʋ lakɩ-mɩ koboyaɣ kʋjɔʋ ŋgʋ́ kɩwɛɣ tam yɔ, alɩwaatʋ ndʋ́ ɛlɩzɩɣ ɛ-tɩ nɛ ɛwɩlɩ-mɩ yɔ.