Ebree 13:2 - New Testament

² Ɩtaasɔɔ ɛyáa mʋ́ʋ yɔɔ. Mbʋ́ pʋyɔɔ yɔ, nabɛyɛ mʋwaɣ ɛyáa nɛ pɔkɔɔ pamʋ Ɛsɔ tiyiyaa nabɛyɛ pɛ-tɛ nɛ patatɩlɩ.

Ebree 13:2 ပူးပေါင်းရင်းမြစ်များ

Maatiyee 25:35

Mbʋ́ pʋyɔɔ yɔ, ñɔɔsɩ wɩɣaɣ-m nɛ ɩha-m tɔɔnaɣ mɔntɔɔ. Lɔkɔtʋ kɛɖɛ-m, ɩha-m lɩm mɔñɔɔ. Maakɛ ɛgɔm nɛ ɩmʋ-m mɩ-tɛ.

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Maatiyee 25:43

Mɔnkɔm ɛgɔndʋ, ɩtamʋ-m mɩ-tɛ. Maawɛ ndaakpeɖe, ɩtaha-m wondu se monsuu, pɩwɩɣaɣ-m, ɩtɔcɔnɩ mɔ-yɔɔ. Maawɛ salaka taa, ɩtɔkɔɔ se ɩna-m.›

Tʋma Labʋ 16:15

Peeɖe ɖɩlabɩ-ɩ lɩm sɔʋ sɔnzɩ nɛ pɩkpɛndɩnɩ ɛ-hɔʋ taa ñɩma tɩŋa. Pʋwayɩ lɛ, ɛ́yáa-ɖʋ nɛ eheyi-ɖʋ se: «Yee toovenim taa itisaa se mɛwɛnɩ lidaʋ Kɩpaɣlʋ Ɛsɔ yɔɔ yɔ, ɩkɔɔ ɩwɛɛ mɛn-tɛ.» Ɛlɛ́, ɛcɛyɩ-ɖʋ nɛ ɖitisi.

Room 12:13

Ɩsɩnɩ mɩ-taabalaa Ɛsɔ ñɩma mbá pɛwɛ kʋñɔŋ taa yɔ. Ɩmʋ mbá pɔkɔŋ mɩ-tɛ yɔ camɩyɛ.

Room 16:23

Gayuusi weyi ɛmʋ-m ɛ-tɛ yɔ, ɛsɛ-mɩ. Ɛ-tɛ Yesu ŋgbɛyɛ taa ñɩma tɩŋa woki pekpeɣliɣ. Eraastɩ weyi ɛkɛ tɛtʋ taa liidiye ɖɔkɩyʋ yɔ nɛ ɖa-taabalʋ Kaartuusi pɛsɛ-mɩ ɖɔɖɔ. [

1 Timootee 3:2

Pʋwɛɛ se weyi ɛlakɩ tʋmɩyɛ ńɖɩ́ yɔ, kawanaɣ nakɛyɛ ɛtaawɛɛ ɛ-yɔɔ. Ɛwɛnɩ halʋ kʋɖʋm koŋ, ɛ-ɛsɛ ekuli. Ɛkɛ ɛyʋ weyi ɛmaɣzɩɣ nɛ pʋcɔ ɛla pʋyʋ yɔ, ɛla mbʋ́ pʋmʋnaa yɔ, ɛmʋ agɔmaa camɩyɛ. Pʋwɛɛ se ɛtɩlɩ ɛzɩma mbʋ́ pawɩlɩɣ Ɛsɔtɔm yɔ.

1 Timootee 5:10

Pʋwɛɛ ɖɔɖɔ se ɛyáa ɛlɩzɩ ɛ-aseɣɖe se ɛcɔnɩ e-piya yɔɔ ɖeu nɛ ɛmʋ mbá powokaɣ ɛ-tɛ yɔ camɩyɛ nɛ ɛkɔ Ɛsɔ ñɩma naŋgbanzɩ lɩm nɛ ɛsɩnɩ kʋñɔndɩnaa nɛ ɛ-ɛsɩyɛ sɛɛnɩ mbʋ́ mbʋ́ pʋwɛ ɖeu yɔ pɩtɩŋa payɩ.

Tiiti 1:8

Ɛlɛ́, pʋwɛɛ se ɛmʋ ɛyáa camɩyɛ nɛ ɛsɔɔlɩ mbʋ́ pʋwɛ ɖeu yɔ. Ɛkɛ weyi ɛmaɣzɩɣ ɛ-ñʋʋ taa camɩyɛ nɛ pʋcɔ ɛla pʋyʋ yɔ. Ɛkɛ ɖɔɖɔ ɛyʋ kʋtʋʋzʋ nɛ ɛ-tɔm kɛdɩnɩ Ɛsɔ nɛ ɛ́ɖɔ́kɩ ɛ-tɩ.

1 Pɩyɛ 4:9

Ɩmʋ ɛyáa mbá pɔkɔŋ mɩ-tɛ yɔ camɩyɛ. Ɩtaamʋ-wɛ nɛ miduu.

3 Yohanɛɛsɩ 1:5

Mɛ-ɛgbaɣdʋ! Ŋlakɩ taabalaa mbʋ́ ŋɖʋwa se ŋlakɩ-wɛ yɔ, halɩ pɩkpɛndɩnɩ agɔmaa.