Ebree 13:18 - New Testament

¹⁸ Ɩsɛɣ Ɛsɔ ɖɔ-yɔɔ tam. Mbʋ́ pʋyɔɔ yɔ, ɖɩnawa se ɖa-taa wɛ ɖeu. Đe-liu wɛɛ se ɖɩɖɔ ɖɔnɛ kɩbanɖɛ pɩtɩŋa pɩ-taa.

Ebree 13:18 ပူးပေါင်းရင်းမြစ်များ

Tʋma Labʋ 23:1

Peeɖe Pɔɔlɩ kʋsɩ ɛsɛ nɛ ɛcɔnɩ tɔm hʋyaa ḿbá pɩŋŋ nɛ ɛtɔ se: «Man-taabalaa mɩ! Me-wezuu caɣʋ taa lɛ, man-taa wɛ ɖeu Ɛsɔ ɛsɩndaa halɩ nɛ sɔnɔ.»

Tʋma Labʋ 24:16

Pʋ-yɔɔ mañakɩ pana se man-taa ɛwɛɛ ɖeu Ɛsɔ nɛ ɛyáa pɛ-ɛsɩndaa tam.

Room 12:17

Ɩtaala nɔɔyʋ taŋ labɩ-m malakɩ-ɩ. Ɩñaɣ pana nɛ ɩla mbʋ́ pʋwɛ ɖeu yɔ paa weyi ɛ-ɛsɩndaa.

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 15:30

Ɛlɛ́, man-taabalaa, ndʋ́ meheyiɣ-mɩ yɔ lɛ se ɖa-Kɩpaɣlʋ Yesu Krɩstʋ nɛ ɛzɩma mbʋ́ Fezuu Kiɖeɖeu yeba nɛ ɖɩsɔɔlɩ ɖama yɔ pɔ-yɔɔ lɛ, monkuluu-mɩ hulaɣ se ɩsɩnɩ-m nɛ ɖitendi Ɛsɔ mɔ-yɔɔ nɛ ɖa-laŋa tɩŋa.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

Filiipu 4:8

Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

Koloosi 4:3

Itendi-i ɖɔɖɔ ɖɔ-yɔɔ nɛ ɛha-ɖʋ nʋmɔʋ nɛ ɖisusi ɛ-tɔm nɛ ɖɩpɩzɩ ɖɩlɩzɩ Krɩstʋ tɔm ndʋ́ tɩwɛ ɛyáa tɩŋa mɛsaɣ tɛɛ yɔ tɩ-tɔbʋʋ. Tɩ-yɔɔ mɛwɛ salaka taa lɛɛlɛɛyɔ.

1 Tesalooniki 4:12

Pʋbʋ, ɩkɛɣ mbá pamʋnaa yɔ mbá pɛtɛkɛ Krɩstʋ ñɩma yɔ pɛ-ɛsɩndaa. Đɔɖɔ lɛ, ɩɩkɛɣnɩ nɔɔyʋ sʋʋtʋ.

1 Tesalooniki 5:25

Taabalaa! Ɩsɛɛ Ɛsɔ ɖɔ-yɔɔ.

2 Tesalooniki 3:1

Taabalaa! Ndʋ́ ɖɩtɛzɩɣnɩ-mɩ yɔ lɛ se: ɩsɛɛ Ɛsɔ ɖɔ-yɔɔ nɛ Kɩpaɣlʋ tɔm wɛɛ cɔʋ yɔɔ lɛɛlɛɛ nɛ ɛyáa ɖʋ-tʋ hɩɖɛ ɛzɩ paɖʋʋ-tʋ mɩ-tɛ yɔ.

1 Timootee 1:5

Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.

1 Pɩyɛ 3:16

icosi-wɛ nɛ nɔɔ kɩbaŋga nɛ ñamtʋ. Mɩ-taa ɛwɛɛ ɖeu nɛ fɛyɛ kpa mbá pakʋyʋʋ mɩ-yɔɔ nɛ pɛwɛɛkɩɣ mɩ-hɩla se mɩ nɛ Krɩstʋ ɩkpɛndaa yɔ.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.