Ebree 13:17 - New Testament

¹⁷ Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

Ebree 13:17 ပူးပေါင်းရင်းမြစ်များ

Luka 16:2

Pʋ-yɔɔ ɛya-ɩ nɛ eheyi-i se: ‹Ña! Manɩɣ pɔyɔɔdʋʋ ñɔ-tɔm se we? Kɛdɩ-m ɛzɩma mbʋ́ ña-tʋmɩyɛ ɖɔŋ yɔ. Ŋŋtasɩɣ kɛʋ man-tʋmlaɖʋ!›

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Room 14:12

Pʋ-yɔɔ lɛ, paa ɖa-taa weyi lɛ, ɛkɔŋ heyuu Ɛsɔ mbʋ́ ɛlaba yɔ nɛ ɛ-maɣmaɣ ɛ-nɔɔ.

1 Kɔrɛntɩ 16:16

iluzi mɩ-tɩ pa nɛ mbá patɩŋa payɩ palakɩ tʋmɩyɛ ńɖɩ́ yɔ pɛ-tɛɛ.

Efɛɛzɩ 5:21

Mbá mɩ ɩñaŋ Krɩstʋ yɔ, iluzi mɩ-tɩ ɖama tɛɛ.

Filiipu 1:4

Alɩwaatʋ ndʋ́ tɩtɩŋa payɩ mɛnsɛɣ Ɛsɔ mɩtɩŋa mɩ-yɔɔ yɔ, mɛnsɛɣ-ɩ nɛ laŋhʋlʋmɩyɛ.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Filiipu 2:16

Miheyiɣni-wɛ tɔm ndʋ́ tɩhaɣ wezuu yɔ. Ḿbʋ́ yekina nɛ mankʋndɩ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ. Ḿbʋ́ wɩlɩɣnɩ toovenim se tʋmɩyɛ nɖɩ́ mañaɣ pana nɛ mala yɔ, ɖɩtɛkɛ falaa ñɩnɖɛ.

Filiipu 2:29

Pʋ-yɔɔ lɛ, ɩmʋ-ɩ nɛ laŋhʋlʋmɩyɛ siŋŋ mɩ nɛ Kɩpaɣlʋ mɩ-kpɛndʋʋ taa. Pʋwɛɛ se ɩña ɛyáa mbá patɩŋa payɩ pɛwɛ ɖɔɖɔ ɛzɩ ɛnʋ yɔ.

Filiipu 3:18

Toovenim lɛ, tɔm ndʋ́ manpam-mɩ heyuu yɔ, ńdʋ́ mantasɩɣ-mɩ heyuu lɛɛlɛɛyɔ nɛ ɛsɩtɛɣlɩm. Ńdʋ́ lɛ se: ɛyáa sakɩyɛ wɛɛ nɛ pɔ-ɖɔnɛ wɩlɩɣ se pɛkɛ Krɩstʋ weyi pakam-ɩ kaamaŋkaɣ yɔɔ yɔ e-koyindinaa.

Filiipu 4:1

Pʋ-yɔɔ lɛ, man-taabalaa kʋsɔɔlaa! Meheyiɣ-mɩ se ɩɖɔkɩ mɩ-tɩ kpam mɩ nɛ Kɩpaɣlʋ mɩ-kpɛndʋʋ taa. Mɩ-yɔɔ lɛ, ma-laŋɩyɛ hʋlʋmaa siŋŋ nɛ mankʋndʋʋnɩ-mɩ. Mɩ me-liu wɛɛ kpem se mana.

2 Tesalooniki 3:14

Yee nɔɔyʋ ɛɛɖɔŋ tɔm ndʋ́ ɖɩma takayaɣ kanɛ ka-taa yɔ tɩ-yɔɔ lɛ, ɩtɩlɩ pʋdʋ camɩyɛ, ɩtaañɔtɩnɩ-ɩ nɛ piyele fɛyɛ kpa-ɩ.

1 Timootee 5:17

Yesu ŋgbɛyɛ taa sɔsaa mbá pɔcɔŋnɩ ɛ-ŋgbɛyɛ taa ñɩma yɔɔ camɩyɛ yɔ, pʋwɛɛ se panɩɩnɩ-wɛ siŋŋ. Kɔzɩkɔzɩ mbá pañakɩ pana nɛ peheyiɣ ɛyáa Ɛsɔtɔm nɛ pawɩlɩɣ-tʋ yɔ.

Ebree 13:24

Ɩsɛɛ mɩ-ñʋndɩnaa nɛ Ɛsɔ ñɩma patɩŋa payɩ. Itaalii taabalaa sɛ-mɩ.

Ebree 13:7

Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

Yakubu 4:7

Pʋ-yɔɔ lɛ, itisi mɩ-tɩ Ɛsɔ tɛɛ. Ɩkaɖɩnɩ eleeu, pʋbʋ, eseɣ eyebi-mɩ.

1 Pɩyɛ 5:5

Mɩ evebiya lɛ, ɩña Krɩstʋ ŋgbɛyɛ taa sɔsaa. Mɩtɩŋa payɩ itisi mɩ-tɩ ɖama tɛɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Ɛsɔ ɛɛnaɣ mbá pakpazɩɣ pa-tɩ yɔ nɛ ɛsɩyɛ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»