Ebree 13:16 - New Testament

¹⁶ Ɛlɛ́, ɩtaasɔɔ camɩyɛ lakasɩ nɛ ɖama sɩnaʋ pɔ-yɔɔ. Mbʋ́ pʋyɔɔ yɔ, lakasɩ ńzɩ́ sɩwɛnɩ ɛzɩ kɩlaŋ weyi ɩkɛdɩnɩ Ɛsɔ yɔ.

Ebree 13:16 ပူးပေါင်းရင်းမြစ်များ

Luka 18:22

Eheyi Yesu ḿbʋ́ lɛ, ɛ́lɛ́ heyi-i se: «Pʋyʋ kʋɖʋm koŋ pɩkazaa se ŋtɛzɩ labʋ. Wolo ŋpɛdɩ mbʋ́ ŋwɛna yɔ pɩtɩŋa payɩ nɛ ŋtayɩ kʋñɔndɩnaa pi-liidiye nɛ ŋwɛnɩ ñɩm ɛsɔdaa. Yee ŋlabɩ ḿbʋ́ lɛ, ŋkɔɔ ŋtɩŋ-m.»

Tʋma Labʋ 10:38

Ɛsɔ kɛwɛ Nazarɛɛtɩ tʋ Yesu cɔlɔ nɛ eyele e-Fezuu Kiɖeɖeu tii ɛ-yɔɔ nɛ kɩha-ɩ ɖoŋ. Pʋ-yɔɔ ɛcɔwaɣ lona ndɩ ndɩ taa nɛ ɛlakɩ ɛyáa ɖeu nɛ eholuu mbá patɩŋa payɩ pɛwɛ Satanɩ nesi taa yɔ.

Tʋma Labʋ 9:36

Halʋ nɔɔyʋ kɛwɛ Yopee tɛtʋ taa, payaɣ-ɩ se Tabɩɩta. Pɛɖɛzɩɣ hɩɖɛ ńɖɩ́ nɛ Grɛɛkɩ ñɩma kʋnʋŋ taa se: «Dɔɔrkaasɩ.» Pʋ-tɔbʋʋ se nɛnzɛm. Ɛɛkɛ Krɩstʋ wayɩ tɩŋɩyʋ nɛ ɛlakɩ camɩyɛ pɩtɩɩfɛyɩ nɛ ɛsɩŋnɩ kʋñɔndɩnaa.

Room 12:13

Ɩsɩnɩ mɩ-taabalaa Ɛsɔ ñɩma mbá pɛwɛ kʋñɔŋ taa yɔ. Ɩmʋ mbá pɔkɔŋ mɩ-tɛ yɔ camɩyɛ.

Galaatɩ 6:10

Pʋ-yɔɔ lɛ, yee pɩha-ɖʋ waɖɛ yɔ, ɖɩsɩnɩ ɛyáa tɩŋa, kɔzɩkɔzɩ mbá pɛwɛnɩ lidaʋ Krɩstʋ yɔɔ yɔ.

Galaatɩ 6:6

Weyi pawɩlɩɣ Ɛsɔtɔm yɔ, pʋwɛɛ se ɛsɩnɩ weyi ɛwɩlɩɣ-ɩ yɔ nɛ ñɩm mbʋ́ ɛwɛna yɔ.

Efɛɛzɩ 4:28

Weyi ɛmɩlaɣ yɔ, ɛtaatasɩ mɩlʋ́ʋ. Ɛlɛ́, ɛñaɣ pana nɛ ɛla tʋmɩyɛ nɛ toovenim nɛ ɛ-maɣmaɣ e-nesi nɛ ehiɣ nɛ ɛha weyi ɛwɛ kʋñɔŋ taa yɔ.

Filiipu 4:14

Paa ḿbʋ́ yɔ, ɩlabɩ ɖeu nɛ ɩsɩnɩ-m man-kʋñɔmɩŋ taa.

Filiipu 4:18

Meheyiɣ-mɩ se mbʋ́ ɩcɛlɩ Epafroditi se ɛkɔnɩ-m yɔ, mamʋ pɩtɩŋa payɩ. Pʋɖɔwa pɩtɩɩfɛyɩ. Lɛɛlɛɛyɔ, mɛwɛnɩ mbʋ́ pɩtɩŋa payɩ pɩtɛɖaɣ-m yɔ nɛ halɩ pɩɖɛɛ pʋ-yɔɔ. Mɩ-haɖɛ ńɖɩ́ ɖɩwɛ ɛzɩ kɩlaʋ ŋgʋ́ kɩlɩɣ sɔzɩŋ camɩyɛ nɛ kɩkɛdɩnɩ Ɛsɔ siŋŋ yɔ.

1 Tesalooniki 5:15

Ɩkpa mɩ-tɩ nɛ ɖama kɩmɩyɛ kpaʋ. Ɩwɛɛ ɖama camɩyɛ labʋ yɔɔ nɛ ɩkpɛndɩnɩ lɛlaa tɩŋa payɩ.

2 Tesalooniki 3:13

Taabalaa! Piyele mɩ lɛ, pɩtaanɩɩ-mɩ nɛ camɩyɛ labʋ.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

Fileemɔɔ 1:6

Mentendiɣ Ɛsɔ se eyele nɛ nɔɔ kʋɖʋmaɣ ŋgá pɩtɩŋnɩ lidaʋ ŋgʋ́ ɖɩwɛnɩ yɔ kʋ-yɔɔ nɛ ɖɩla yɔ, kasɩnɩ-ŋ nɛ ŋtɩlɩ ñɩm kɩbam mbʋ́ pɩtɩŋa payɩ ɖɩwɛnɩ ɖa nɛ Krɩstʋ ɖɛ-kpɛndʋʋ taa yɔ.

Ebree 6:10

Ɛsɔ lɛ weyi ɛhʋʋ tɔm nɛ toovenim yɔ. Ɛɛsɔʋ mɩ-camɩyɛ lakasɩ yɔɔ. Ɛɛsɔʋ ɖɔɖɔ sɔɔlɩm mbʋ́ ɩsɔɔlɩ-ɩ nɛ ɩtɩŋɩɣnɩ pʋ-yɔɔ nɛ ɩsɩŋnɩ ɛ-ñɩma yɔ pʋyɔɔ. Ḿbʋ́ ɖɔɖɔ ɩwɛɛ ɩlakɩ lɛɛlɛɛyɔ.

3 Yohanɛɛsɩ 1:11

Mɛ-ɛgbaɣdʋ! Taatɩŋ lɛlaa ɛzaɣ́tʋ nʋmɔʋ taa, ɛlɛ́, tɩŋ-wɛ mbʋ́ pʋwɛ ɖeu yɔ pʋ-nʋmɔʋ taa. Weyi ɛlakɩ mbʋ́ pʋwɛ ɖeu yɔ, ɛkɛ Ɛsɔ pɩɣa. Weyi ɛ́lɛ́ ñalakɩ ɛzaɣ́tʋ yɔ, ɛtasɩ Ɛsɔ.