Ebree 13:14 - New Testament

¹⁴ Mbʋ́ pʋyɔɔ yɔ, ɖɩfɛyɩnɩ tataa cɩnɛ tɛtʋ ndʋ́ tɩwɛɣ tam yɔ. Ɛlɛ́, ɖɩñɩnɩɣ ndʋ́ tɩkaɣ kɔm yɔ.

Ebree 13:14 ပူးပေါင်းရင်းမြစ်များ

1 Kɔrɛntɩ 7:29

Taabalaa, ɩɩnaɣ ndʋ́ meheyiɣ-mɩ yɔ: alɩwaatʋ kazɩ pazɩ yem. Pʋ-yɔɔ lɛ, pɩkpaɣʋnɩ lɛɛlɛɛyɔ nɛ pɩɖɛɣ yɔ, pʋwɛɛ se mbá pakpaɣ halaa yɔ, pacaɣ wezuu ɛzɩ aɖamɛɛ yɔ.

2 Kɔrɛntɩ 4:17

Mbʋ́ pʋyɔɔ yɔ, kʋñɔmɩŋ cikpeŋ weyi ɖɩtɔkɩ ɖe-wezuu caɣʋ taa yɔ, ɩhaɣ-ɖʋ koboyaɣ sɔsɔɔ ŋgá kakɩlɩ ɩtɩŋa payɩ nɛ kaatɛŋ wiɖiyi kaʋ yɔ.

Efɛɛzɩ 2:19

Pʋ-yɔɔ lɛ, ɩtatasɩ kɛʋ agɔmaa yaa nʋmɔɖɔnaa. Ɛlɛ́, mɩ nɛ Ɛsɔ ñɩma ɩwɛ ɛjaɖɛ kʋɖʋmɖɩyɛ taa, ɩkɛ ɛ-hɔʋ taa ñɩma.

Filiipu 3:20

Đa lɛ, ɖɩkɛ ɛsɔdaa kewiyaɣ taa ñɩma. Peeɖe ɖɩɖaŋnɩ Kɩpaɣlʋ Yesu Krɩstʋ se ɛkɔɔ ɛya ɖa-ñʋʋ.

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.

Ebree 12:22

Ɛlɛ́, mɩ mɩñɔtɩnɩ Siiyɔɔ Pʋʋ nɛ Ɛsɔ wezuu tʋ tɛtʋ: ńdʋ́ lɛ ɛsɔdaa Yeruusalɛm, Ɛsɔ tiyiyaa ɛgbaŋ ɛgbaŋ wɛ tɩ-taa.

Ebree 12:27

Tɔm pee anɛ, atasɩɣ wɩlʋʋ se mbʋ́ ɛlaba yɔ, pɩñamsɩɣ-pʋ nɛ pʋmʋʋ nɛ piyele mbʋ́ pɩfɛyɩ ñamsʋʋ yɔ pʋwɛɛ.

Ebree 2:5

Toovenim lɛ, Ɛsɔ taha e-tiyiyaa waɖɛ se pɔcɔnɩ kedeŋa ŋgá kakaɣ kɔm yɔ kɔ-yɔɔ. Kɔ-tɔm ɖɩɖɔŋ yɔɔdʋʋ.

Ebree 4:9

Pʋ-yɔɔ lɛ, hɛzʋʋ nabʋyʋ wɛɛ nɛ pɩɖaŋ Ɛsɔ ñɩma ɛzɩ Ɛsɔ hɛzʋʋ kɩyakʋ lʋbɛ ñɩŋgʋ wiye yɔ.

Ebree 9:11

Ɛlɛ́, Krɩstʋ ñɔkɔm se ɛkɛ ñɩm mbʋ́ pʋwɛ lɛɛlɛɛyɔ yɔ pʋ-cɔjɔnaa ñʋʋdʋ. Kɩɖanɖʋʋ ŋgʋ́ ɛlakɩ ɛ-tʋmɩyɛ kɩ-tɛɛ yɔ, ŋ́gʋ́ kɩlɩnɩ wazaɣ nɛ kʋmʋna kpem. Pɩtɛkɛ ɛyáa siɣni-kʋ. Pʋ-tɔbʋʋ se kɩtɛkɛ kedeŋa kanɛ kɔ-yɔɔ pʋyʋ.

1 Pɩyɛ 4:7

Pɩtɩŋa payɩ pɩwɩzɩ tɛm. Pʋ-yɔɔ lɛ, ɩɖɔkɩ mɩ-tɩ nɛ ɩcaɣnɩ mɩ-ɛsɛ nɛ ɩpɩzɩ ɩsɛɛ Ɛsɔ.

Wɩlʋʋ 3:12

‹Weyi ɛwakɩ yɔ, meyeki nɛ ɛkɛ mɛ-Ɛsɔ ɖɩɣa taa sisika, ɛɛtasɩɣ lɩʋ. Mamaɣ ɛ-yɔɔ mɛ-Ɛsɔ ɛnʋ ɛ-hɩɖɛ nɛ ɛ-tɛtʋ ñɩnɖɛ: ńdʋ́ʋ́ lɛ Yeruusalɛm kɩfalʋʋ ŋgʋ́ kɩlɩɣnɩ ɛsɔdaa mɛ-Ɛsɔ cɔlɔ nɛ kitiki yɔ. Mamaɣ ɛ-yɔɔ ɖɔɖɔ ma-hɩɖɛ kɩfaɖɛ.