Ebree 12:25 - New Testament

²⁵ Yee ḿbʋ́, ɩɖɔkɩ mɩ-tɩ! Ɩtaakizi se iiwelesiɣni Ɛsɔ weyi ɛyɔɔdʋʋnɩ-mɩ yɔ. Mbʋ́ pʋyɔɔ yɔ, Izrɛɛlɩ ñɩma kizaa se paawelesiɣni weyi eheyaɣ-wɛ kedeŋa yɔɔ cɩnɛ mbʋ́ ɛwɩlɩ-ɩ yɔ nɛ patatʋlɩ nɩŋgbaŋʋʋ hɔm taa. Pʋ-yɔɔ lɛ, yee ɖa ɖahaɣ siɣ́ye weyi ɛyɔɔdʋʋnɩ-ɖʋ nɛ ɛsɔdaa yɔ yɔ, ɖɩɩpɩzɩɣ ɖɩlɩɩ pɩ-taa ɖɔɖɔ.

Ebree 12:25 ပူးပေါင်းရင်းမြစ်များ

Maatiyee 17:5

Ɛyɔɔdaɣ ḿbʋ́ lɛ, ɛsɔmɩnʋʋ kɩñɩlɩsʋʋ nakʋyʋ kɔɔ kuhuuzi pɔ-yɔɔ nɛ panɩɣ pʋyɔɔdʋʋnɩ-wɛ nɛ kɩ-tɛɛ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ. Ɩnɩɩnɩ-ɩ!»

Maatiyee 8:4

Ɛlɛ́, Yesu heyi-i se: «Taaheyi-tʋ nɔɔyʋ. Ɛlɛ́, wolo cɔjɔ cɔlɔ nɛ ɛna se ñɔ-yɔɔ cɛba, nɛ ŋwoni kileku ɛzɩ Mooyiizi kaɖʋʋ yɔ nɛ pɩwɩlɩ ɛyáa tɩŋa se ñɔ-yɔɔ cɛba.»

Tʋma Labʋ 7:35

Ḿbʋ́ Ɛsɔ tiyi Mooyiizi. Ŋgʋ́, Izrɛɛlɩ ñɩma kekizi-i nɛ pɔpɔzɩ-ɩ se: ‹Asɩ-ŋ wiyaʋ se ŋhʋʋ ɖɔ-tɔm?› Ɛlɛ́, Ɛsɔ tiyi-i se ewolo ɛkɛ pe-wiyaʋ nɛ ɛlɩzɩ-wɛ yomiye taa. Ɛsɔ tiyiyu weyi ɛɛlɩzɩ ɛ-tɩ nɛ hɔɖaɣ miŋ taa nɛ ɛwɩlɩ-ɩ yɔ, e-ɖoŋ yɔɔ ɛtɩŋnaa.

1 Tesalooniki 5:15

Ɩkpa mɩ-tɩ nɛ ɖama kɩmɩyɛ kpaʋ. Ɩwɛɛ ɖama camɩyɛ labʋ yɔɔ nɛ ɩkpɛndɩnɩ lɛlaa tɩŋa payɩ.

2 Timootee 4:4

Pɔkɔŋ nɩnaʋ mʋya welesuu yem. Ŋgʋ́, pɔtɔʋ pa-nɩŋgbaaŋ taa se pataawelesi toovenim tɔm.

Ebree 1:1

Ɛsɔ katɩŋnɩ náyaa yɔɔ ɖooo lɔŋ nɛ ɛyɔɔdɩnɩ ɖɔ-cɔzɔnaa tam sakɩyɛ nɛ wɛtʋ ndɩ ndɩ taa.

Ebree 11:7

Nowee kɛwɛnɩ lidaʋ Ɛsɔ yɔɔ, pʋ-yɔɔ etisi tɔm ndʋ́ ɛ́lɛ́ heyaɣ-i yɔ se tɩkɔŋ labʋ. Ŋgʋ́, ɛtanada. Ɛlɛ́, ɛñam-ɩ nɛ ɛsaɣ mɛlɛ sɔsɔʋ se ɛ-hɔʋ taa ñɩma ehiɣ ñʋʋ yabʋ. Mbʋ́ Nowee lakaɣ yɔ, pɩwɩlaɣ se kedeŋa yɔɔ cɩnɛ ñɩma kɛ kañadɩnaa. Ɛlɛ́, pɩtɩŋnɩ e-lidaʋ yɔɔ nɛ ɛnʋ ñapɩsɩ kʋtʋʋzʋ Ɛsɔ ɛsɩndaa.

Ebree 12:19

Panɩɣaɣ ɛgandɩyɛ naɖɩyɛ nɛ nɔɔ nakɛyɛ pa-taŋ. Mbá paanɩ nɔɔ ŋ́gá yɔ, pɔtɔm se pataatasɩ-wɛ natʋyʋ heyuu nɛ pɩtasɩnɩ ndʋ́ panɩwa yɔ,

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Ebree 3:17

Ɛyáa pɩɩma Ɛsɔ pana kakpanɩ pɩnzɩ nɩɩnaza? Ḿbá lɛ mbá palabɩ kɩwɛɛkɩm nɛ pasɩ lakʋ taa yɔ.

Ebree 8:5

Tʋmɩyɛ nɖɩ́ cɔjɔnaa ḿbá palakɩ yɔ, ɖɩwɛ ɛzɩ mbʋ́ pʋwɛ ɛsɔdaa yɔ pɩ-kɩlɛmʋʋ yɔ. Palakaɣ ɛzɩ Ɛsɔ keheyuu Mooyiizi alɩwaatʋ ndʋ́ ɛcaɣaɣ se esiɣ-i kɩɖanɖʋʋ yɔ. Eeheyi-i se: «Cɔnɩ ŋna, la pɩtɩŋa payɩ ɛzɩ mawɩlʋʋ-ŋ pʋʋ yɔɔ yɔ.»

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

Wɩlʋʋ 19:10

Peeɖe mɔntɔlɩ ɛ-naŋgbanzɩ tɛɛ se moluŋ ɛ-tɛɛ. Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa mbá pɔɖɔkɩ aseɣɖe nɖɩ́ Yesu lɩzaa yɔ. Ɛsɔ tɛɛ pʋwɛɛ se ŋluŋ!» Aseɣɖe nɖɩ́ Yesu lɩzɩɣ yɔ, ńɖɩ́ seɣtiɣni náyaa.

Wɩlʋʋ 22:9

Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa náyaa nɛ mbá pɔɖɔŋ takayaɣ kanɛ ka-taa tɔm yɔɔ yɔ. Ɛsɔ tɛɛ pʋwɛɛ se ŋluŋ!»