Ebree 12:24 - New Testament

²⁴ Iwobi Yesu nɛ ɛ-calɩm mbʋ́ pɩkpɛdaa nɛ pɩkɩlɩ wazaɣ Aabɛɛlɩ ñɩmbʋ yɔ pɔ-cɔlɔ. Ɛnʋ lɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa.

Ebree 12:24 ပူးပေါင်းရင်းမြစ်များ

Maatiyee 23:35

Pʋ-yɔɔ mbá patɩŋa payɩ ɩkʋ-wɛ ɖulum yɔ, pa-sʋʋtʋ tɩŋa pɩsɩɣ mɩ-yɔɔ. Pɩpazɩɣnɩ kʋtʋʋzʋ Aabɛɛlɩ nɛ puwolo pɩsɩɩnɩ Baraacii pɩyalʋ Zakaarii weyi ɩkʋ Ɛsɔ ɖɩɣa kadaɣ taa lone kaɖɛ ñɩnɖɛ nɛ kɩlaŋ ɖɩlayɛ pɛ-hɛkʋ taa yɔ.

Maatiyee 26:28

Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Maarkɩ 14:24

Ɛlɛ́, eheyi-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩ ɛyáa sakɩyɛ yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ.»

Luka 11:51

Meheyiɣ-mɩ se: Ɛsɔ ɖʋʋ-mɩ kʋñɔŋ náyaa mbá pakʋ-wɛ kpaɣ ɖooo pakʋʋ Aabɛɛlɩ nɛ puwolo pɩsɩɩnɩ Zakaarii weyi pakʋ Ɛsɔ ɖɩɣa kadaɣ taa lone kaɖɛ ñɩnɖɛ nɛ kɩlaŋ ɖɩlayɛ pɛ-hɛkʋ taa yɔ pɔ-yɔɔ.

Luka 22:20

Pɛtɛm tɔɔʋ lɛ, ɛkpaɣ ɖɔɖɔ sʋlʋm nɛ caɖaɣ nɛ ɛcɛlɩ-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩɣ mɩ-yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ kɩfam.»]

Galaatɩ 3:20

Ɛyáa naalɛ hɛkʋ taa weyi patɩŋɩɣnɩ ɛ-yɔɔ yɔ ɛwɛɛ. Weyi patɩŋɩɣnɩ ɛ-yɔɔ yɔ, ɛfɛyɩ wazaɣ ɛyʋ kʋɖʋm tɔm taa. Ŋgʋ́, Ɛsɔ ñɛwɛ e-ɖeke.

1 Timootee 2:5

Mbʋ́ pʋyɔɔ yɔ, Ɛsɔ kʋɖʋm koŋ wɛna nɛ ceyiyu kʋɖʋm koŋ ñɛwɛɛ Ɛsɔ ɛnʋ nɛ ɛyáa pɛ-hɛkʋ taa nɛ patɩŋɩɣnɩ ɛ-yɔɔ. Ɛnʋ lɛ Krɩstʋ Yesu.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 11:28

Kʋ-yɔɔ ɖɔɖɔ ɛɖʋ Izrɛɛlɩ ñɩma Paska Kazandʋ. Ɛha nɔɔ se pataa calɩm nɔnɔsɩ yɔɔ nɛ tiyiyu weyi ɛkɔŋ kʋʋ kajalaɣ piya yɔ, ɛkɔma lɛ, ɛtaatukuni Izrɛɛlɩ ñɩma ñɩnzɩ yɔɔ.

Ebree 11:4

Aabɛɛlɩ wɛnɩ lidaʋ Ɛsɔ yɔɔ yɔɔ ɛla-ɩ kɩlaʋ nɛ kɩkɩlɩ ɛ-ɖalʋ Kayɛnɩ ñɩŋgʋ. Kʋ-yɔɔ ɛ́lɛ́ kaɖaa se ɛkɛ kʋtʋʋzʋ. Mbʋ́ pʋyɔɔ yɔ, ɛ-haɖɛ ńɖɩ́ ɖɩkɛdɩnɩ-ɩ. Aabɛɛlɩ ɛnʋ, mbʋ́ ɛlaba nɛ pɩtɩŋnɩ e-lidaʋ ŋ́gʋ́ kʋ-yɔɔ yɔ, pʋ-yɔɔ pɛkɛdɩɣ-ɖʋ ɛ-tɔm halɩ nɛ sɔnɔ nɛ pʋwɛɛ ɛzɩ ɛnʋ yɔɔdʋʋnɩnɩ-ɖʋ yɔ. Ŋgʋ́ ɛsɩba.

Ebree 13:20

Ɛsɔ lɛ laŋhɛzɩyɛ tʋ. Mentendiɣ-i se ɛtɩŋnɩ calɩm mbʋ́ ɖa-Kɩpaɣlʋ Yesu kpɛdaa nɛ piyele nɔɔ haʋ wɛɛ tam yɔ pʋ-yɔɔ nɛ efezi-i nɛ sɩɖaa taa. Yesu ɛnʋ lɛ heŋ ɖiyiyu sɔsɔ.

Ebree 7:22

Pʋ-yɔɔ Yesu pɩsɩ nɔɔ haʋ mbʋ́ pɩkɩlɩ ɖeu yɔ pʋ-yʋsaɣ.

Ebree 8:13

Ɛsɔ yɔɔdʋʋ nɔɔ haʋ kɩfam tɔm ḿbʋ́ yɔ, pɩwɩlɩɣ se kajalaɣ ñɩmbʋ pɩnaa. Ŋgʋ́, mbʋ́ pɩpɩnaa nɛ pɩkpadɩyɩ yɔ, pɩwɩzɩ mʋʋ́ʋ.

Ebree 8:6

Ɛlɛ́ lɛɛlɛɛyɔ, paɖʋ Krɩstʋ tʋmɩyɛ nɖɩ́ ɖɩkɩlɩ pa-ñɩna yɔ. Mbʋ́ pʋyɔɔ yɔ, ɛnʋ lɛ ceyiyu nɔɔ haʋ mbʋ́ pɩkɩlɩ ɖeu nɛ pʋwɛɛ Ɛsɔ nɛ ɛyáa pɛ-hɛkʋ taa yɔ pɩ-taa. Halɩ mbʋ́ Ɛsɔ ɖʋwa se ɛlakɩ nɔɔ haʋ ḿbʋ́ pɩ-taa yɔ, pɩkɩlɩ ɖeu.

Ebree 8:8

Alɩwaatʋ ndʋ́ Ɛsɔ kalaɣ ɛ-ñɩma yɔ ɛtɔm se: «Ma Kɩpaɣlʋ, mɔntɔŋ se kɩyakɩŋ nɩɩyɩ kaɣ kɔm. Ɩ-taa lɛ, mahaɣ nɔɔ kɩfalaɣ Izrɛɛlɩ ñɩma nɛ Yuda ñɩma.

Ebree 9:15

Pʋ-yɔɔ Krɩstʋ kɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa. Ɛlabɩ ḿbʋ́ se mbá Ɛsɔ ya-wɛ se pɛkɛ ɛ-ñɩma yɔ, papɩzɩ pehiɣ ñɩm maatɛŋ mbʋ́ ɛɖʋwa se ɛhaɣ-wɛ yɔ. Krɩstʋ ɛnʋ, ɛ-sɩm yɔɔ pɩtɩŋnaa nɛ pehiɣ-pʋ. Ḿbʋ́ ɖɔɖɔ lɩzɩnɩ-wɛ kɩwɛɛkɩm mbʋ́ paalabɩ alɩwaatʋ ndʋ́ paawɛ kajalaɣ nɔɔ haʋ paɣtʋ tɛɛ yɔ pi-nesi taa.

Ebree 9:19

Alɩwaatʋ ńdʋ́ lɛ, Mooyiizi calɩ kalʋʋ paɣtʋ tɩŋa payɩ ɛyáa tɩŋa ɛsɩndaa ɛzɩ paɖʋʋ tɩ-taa yɔ. Nabʋlɛ ɖeɖe lɛ, ɛkpaɣ neɣna nɛ tuluŋ pa-calɩm nɛ lɩm nɛ esidi. Ɛkpaɣ ɖɔɖɔ kpɛm kɩsɛmɩm nɛ ñɩyʋʋ ŋgʋ́ payaɣ se Iizoopu yɔ nɛ eliɣ nɛ ɛmɩzɩɣ paɣtʋ takayaɣ nɛ ɛyáa tɩŋa pɔ-yɔɔ.

Ebree 9:21

Đɔɖɔ lɛ, ɛmɩzɩ Ɛsɔ kɩɖanɖʋʋ nɛ wondu ndʋ́ tɩtɩŋa payɩ palakɩnɩ tʋmɩyɛ alɩwaatʋ ndʋ́ poluŋuu ɛ-tɛɛ yɔ pɔ-yɔɔ calɩm.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.