Ebree 12:2 - New Testament

² Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 12:2 ပူးပေါင်းရင်းမြစ်များ

Maatiyee 16:21

Alɩwaatʋ ńdʋ́ʋ́ Yesu pazɩ ɛ-tɔmkpɛlɩkɩyaa yɔɔdɩnaʋ nɛ ɛkaɖɩ-wɛ se pʋwɛɛ se ewolo Yeruusalɛm nɛ ɛtɔɔ kʋñɔŋ siŋŋ Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pe-nesi taa nɛ pakʋ-ɩ nɛ ɛsɩ nɛ kɩyakɩŋ naadozo wiye lɛ, Ɛsɔ fezi-i.

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maarkɩ 14:36

Ɛtasɩ yɔɔdʋʋ se: «manawa se ŋpɩzɩɣ ŋla pɩtɩŋa payɩ. Mentendiɣ-ŋ se ŋla ña-tʋmɩyɛ nɛ mantaasʋʋ kʋñɔŋ ŋ́gʋ́ kɩ-taa. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.»

Maarkɩ 15:28

Ḿbʋ́ tɔm ndʋ́ paama Ɛsɔtɔm Takayaɣ taa yɔ, tɩlaba. Ńdʋ́ lɛ se: «Azaɣ́a hɛkʋ taa paɖʋʋ-ɩ.»]

Maarkɩ 16:19

Kɩpaɣlʋ Yesu tɛm ɛ-tɔmkpɛlɩkɩyaa yɔɔdɩnaʋ ḿbʋ́ lɛ, pɩkpazɩ-ɩ ɛsɔdaa yem nɛ ɛcaɣ Ɛsɔ cɔlɔ lone kɩbanɖɛ taa.

Maarkɩ 9:12

Yesu cosi-wɛ se: «Toovenim, pʋwɛɛ se Elii ɛlayɩ kɔm nɛ ɛɖaɣnɩ pɩtɩŋa camɩyɛ. Meheyiɣ-mɩ ɖɔɖɔ se Ɛyʋ Pɩyalʋ tɔm pamawa se ɛkɔŋ tɔɔʋ kʋñɔŋ siŋŋ nɛ peniɣzi-i.

Maarkɩ 9:24

Ɛlɛ́, pɩɣa ŋ́gá ka-caa tɩmabʋ kubuka se: «Man-caa mɛwɛnɩ lidaʋ, ɛlɛ́ sɩnɩ-m nɛ mɛntɛzɩ wɛnaʋ lidaʋ Ɛsɔ yɔɔ pɩŋŋ.»

Luka 17:5

Yesu tɛm yɔɔdʋʋ ḿbʋ́ lɛ, e-tiyiyaa heyi-i se: «Kɩpaɣlʋ! Yele nɛ ɖɩtɛzɩ lidaʋ wɛnaʋ.»

Luka 23:11

Ɛlɛ́, Eroodi nɛ ɛ-sɔɔjanaa powoŋ Yesu nɛ pɛpɛŋ-ɩ tɛtɛ nɛ posuu-i ñɩɣlɩ́m toko. Ḿbʋ́ palabɩ-ɩ nɛ papɩsɩnɩ-ɩ Pilaatɩ cɔlɔ.

Luka 24:26

Pɩtaawɛɛ se Weyi Ɛsɔ Lɩzaa Yɔ, ɛtɔɔ kʋñɔŋ ḿbʋ́ nɛ pʋcɔ ɛsʋʋ e-koboyaɣ taa yaa we?»

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Yohanɛɛsɩ 12:24

Toovenim lɛ, mankaɖɩɣ-mɩ se: yee potoɖuu mɩɖɛ piye nɛ ɖɩsɩ yɔ, ɖɩwɛɣ ɖi-ɖeke ḿbʋ́. Ɛlɛ́, yee poɖu-ɖɩ nɛ ɖɩsɩ yɔ, ɖɩlʋlʋʋ pee sakɩyɛ.

Yohanɛɛsɩ 12:32

Ma lɛ, alɩwaatʋ ndʋ́ pakpazɩɣ-m ɖaʋ yɔɔ yɔ, meyeki nɛ ɛyáa tɩŋa kɔɔ mɔn-cɔlɔ.»

Yohanɛɛsɩ 13:3

Yesu kɛtɛm naʋ se Caa Ɛsɔ cɔlɔ ɛlɩnaa nɛ ɛ-cɔlɔ ɛkɔŋ pɩsʋʋ. Ɛnawa ɖɔɖɔ se ɛɖʋzɩ e-nesi taa pɩtɩŋa payɩ.

Yohanɛɛsɩ 6:40

Ɩɩnaɣ mbʋ́ man-Caa liu wɛɛ yɔ: weyi ɛnaɣ ɛ-Pɩyalʋ ma nɛ ɛwɛnɩ lidaʋ mɔ-yɔɔ yɔ, ehikiɣ wezuu maatɛŋ. Menfeziɣ-i kɛtɛzaɣ kɩyakʋ wiye nɛ sɩm taa.»

Yohanɛɛsɩ 8:56

Mɩ-cɔzɔ Abraham taa labɩ leleŋ siŋŋ se ɛnaɣ kɩyakʋ ŋgʋ́ mɔnkɔŋ yɔ. Ɛna-kʋ ɖɔɖɔ nɛ ɛ-taa hʋlʋmɩ.»

Tʋma Labʋ 2:36

Pʋ-yɔɔ lɛ, pʋwɛɛ se Izrɛɛlɩ ñɩma mɩ mɩtɩŋa, ɩnɩɩ ɖeu se: Yesu weyi ɩkam-ɩ kaamaŋkaɣ yɔɔ yɔ, ɛnʋ lɛ Weyi Ɛsɔ Lɩzaa nɛ ɛkɛ Kɩpaɣlʋ yɔ!»

Tʋma Labʋ 3:15

Ḿbʋ́ ɩlaba nɛ iyele pakʋ Ɛyʋ Kʋtʋʋzʋ ɛnʋ, ŋgʋ́ ɛnʋ haɣnɩ wezuu. Ɛlɛ́, Ɛsɔ fezi-i nɛ ɖɩna-ɩ nɛ ɖɛ-ɛsɛ.

Tʋma Labʋ 5:31

Efezi-i lɛ, ɛkpazɩ-ɩ nɛ ɛcaɣzɩ lone kɩbanɖɛ taa ɛ-cɔlɔ nɛ ɛpɩsɩ-ɩ Wiyaʋ Sɔsɔ weyi ɛkɛ Ñʋʋ Yaɖʋ yɔ se ɛwɩlɩ Izrɛɛlɩ ñɩma nʋmɔʋ nɛ pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm.

Tʋma Labʋ 5:41

Ɛlɛ́, tiyiyaa ḿbá pakʋyɩ pɔ-cɔlɔ nɛ palɩɩnɩ laŋhʋlʋmɩyɛ. Mbʋ́ pʋyɔɔ yɔ, Ɛsɔ nawa se pamʋnaa se pɔtɔɔ kʋñɔŋ Yesu yɔɔ.

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 1:23

Piyele ɖa lɛ, ɖisusuu Krɩstʋ weyi pakam-ɩ kaamaŋkaɣ yɔɔ yɔ ɛ-tɔm. Tɔm ńdʋ́, tɩkɛnɩ Yuda ñɩma mbʋ́ putuuluu-wɛ yɔ nɛ tɩkɛnɩ mbá pɛtɛkɛ Yuda ñɩma yɔ ɛzɩ kɩmɛlɛndʋ tɔm yɔ.

Efɛɛzɩ 2:16

Đɔɖɔ lɛ, eyeba nɛ pa nɛ Ɛsɔ peceɣ nɛ papɩsɩ kʋɖʋm. Kʋñɔŋ ŋgʋ́ ɛtɔwaa nɛ ɛkɔɔ ɛsɩ kaamaŋkaɣ yɔɔ yɔ, kʋ-yɔɔ ɛtɩŋnaa nɛ eɖezi koyindiye ḿbʋ́.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Filiipu 1:6

Manawa se paa pɩɩla ɛzɩma yɔ, Ɛsɔ weyi ɛpazɩ tʋmɩyɛ kɩbanɖɛ mɩ-taa yɔ, ɛlakɩ-ɖɩ ḿbʋ́ nɛ ɛkɔɔ ɛtɛm-ɖɩ kɩyakʋ ŋgʋ́ Krɩstʋ Yesu kɔŋ yɔ.

Filiipu 3:20

Đa lɛ, ɖɩkɛ ɛsɔdaa kewiyaɣ taa ñɩma. Peeɖe ɖɩɖaŋnɩ Kɩpaɣlʋ Yesu Krɩstʋ se ɛkɔɔ ɛya ɖa-ñʋʋ.

2 Timootee 4:8

Lɛɛlɛɛyɔ lɛ, ɛsɩ man-kɩhɛyʋʋ nɛ ɛɖaŋnɩ-m: ŋ́gʋ́ lɛ tʋʋzʋʋ hulaɣ ŋgá Kɩpaɣlʋ kɔŋ-m cɛlʋʋ kɩyakʋ ŋgʋ́ ɛɖʋwa yɔ. Ɛtʋʋzɩ ɛ-tɔm hʋʋ taa. Pɩtɛkɛ men-ɖeke ɛkɔŋ-kʋ cɛlʋʋ, ɛlɛ́, ɛcɛlɩɣ-kʋ ɖɔɖɔ mbá patɩŋa payɩ paɖaŋnɩ sɔɔlɩm alɩwaatʋ ndʋ́ ɛkɔŋ yɔ.

Ebree 1:13

Wiɖiyi Ɛsɔ teheyi ɖɔɖɔ e-tiyiyaa taa nɔɔyʋ se: «Caɣ mɔn-cɔlɔ lone kɩbanɖɛ taa nɛ pʋkɔɔ pɩsɩɩnɩ alɩwaatʋ ndʋ́ moluzi ño-koyindinaa ñɛ-tɛɛ kpem yɔ.»

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 10:14

Mbʋ́ pʋyɔɔ yɔ, kɩlaʋ kʋɖʋmʋʋ koŋ yɔɔ ɛtɩŋnaa nɛ ɛtɛzɩ pɩsʋʋ mbá pɛkɛ Ɛsɔ ñɩma yɔ kɩbama tam.

Ebree 10:33

Nabʋyʋ taa, patʋ-mɩ nɛ paɖʋ-mɩ kʋñɔŋ ɛyáa samaɣ taa. Nabʋyʋ taa ɖɔɖɔ lɛ, ɩsɩŋaɣnɩ mbá paɖʋwaɣ-wɛ kʋñɔŋ ḿbʋ́ yɔ.

Ebree 11:36

Peniɣzi lɛlaa ɖɔɖɔ nɛ polu-wɛ agbazɛɛ. Pɔhɔkɩ lɛlaa yoŋgbasɩ nɛ paɖʋ-wɛ salaka.

Ebree 12:3

Ɩmaɣzɩ weyi etisaa nɛ ɛnɩɩ siziŋ pɩtɩɩfɛyɩ kɩwɛɛkɩm laɖaa nesi taa yɔ ɛ-yɔɔ. Pʋbʋ, piitisiɣ mi-toma taa nɛ ɩlɔ liu.

Ebree 13:13

Pʋ-yɔɔ lɛ, ɖɩlɩɩ ɖiwolo ɛ-cɔlɔ tɛtʋ koloŋa wayɩ peeɖe nɛ ɖa nɛ ɩ ɖɩkpɛndɩ ɖɩtɔɔ ɛ-fɛyɛ.

Ebree 5:9

Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Ebree 8:1

Tɔm ndʋ́ meheyiɣ-mɩ yɔ, tɩ-taa ndʋ́ tɩkɩlɩ wazaɣ yɔ lɛ se: ɖɩwɛnɩ cɔjɔ sɔsɔ nɔɔyʋ. Ɛcaɣ Ɛsɔ Đoŋ Tɩŋa Tʋ kewiyaɣ kpelaɣ cɔlɔ lone kɩbanɖɛ taa ɛsɔdaa.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

Yakubu 2:1

Man-taabalaa! Đenɖe ɩwɛnɩ lidaʋ ɖa-Kɩpaɣlʋ Yesu Krɩstʋ weyi ɛwɛ Ɛsɔ koboyaɣ taa yɔ ɛ-yɔɔ yɔ, ɩtaacɔnɩ nɔɔyʋ ɛsɩndaa nɛ pʋcɔ ɩlabɩ-ɩ pʋyʋ.

1 Pɩyɛ 1:11

Krɩstʋ Fezuu ŋgʋ́ kɩɩwɛ pa-taa yɔ, kiiheyi-wɛ kʋñɔŋ ŋgʋ́ ɛkɔŋ tɔɔʋ yɔ nɛ koboyaɣ ŋgá ɛkɔŋ mʋ́ʋ yɔ pɔ-tɔm. Pʋ-yɔɔ pɛcɛyaɣ pa-tɩ se patɩlɩ alɩwaatʋ ndʋ́ pʋkɔŋ labʋ yɔ nɛ ɛzɩma mbʋ́ pɩlakɩ yɔ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.

Yuudi 1:21

Mɩ-ɛsɛ ɛsɛɛnɩ Ɛsɔ sɔɔlʋʋ nɛ ɩwɛɛ ɖaŋʋʋ yɔɔ se ɖa-Kɩpaɣlʋ Yesu Krɩstʋ naɣ mɩ-pʋtɔdɩyɛ nɛ ɛha-mɩ wezuu maatɛŋ.

Wɩlʋʋ 1:11

«Ma mbʋ́ ŋnaɣ yɔ pʋ-tɔm takayaɣ nakɛyɛ taa nɛ ŋtiyini Krɩstʋ aŋgba lʋbɛ anɛ a-taa ñɩma. Ana yɔ: Efɛɛzɩ ñɩnɖɛ nɛ Smiirnɩ ñɩnɖɛ nɛ Pɛɛrgam ñɩnɖɛ nɛ Tiyaatiiri ñɩnɖɛ nɛ Saardɩ ñɩnɖɛ nɛ Filaadɛlfii ñɩnɖɛ nɛ Laodisee ñɩnɖɛ.»

Wɩlʋʋ 1:17

Mana-ɩ lɛ, mɔntɔlɩ ɛ-tɛɛ ɛzɩ mansɩba yɔ. Peeɖe ɛtɩnɩ e-nesi kɩbanzɩ mɔ-yɔɔ nɛ ɛtɔ se: «Sɔɔndʋ ɛtaakpa-ŋ! Ma lɛ Nʋmɔɖɛyʋ nɛ Ɛɖɩɣyɛ.

Wɩlʋʋ 1:8

Kɩpaɣlʋ Ɛsɔ Đoŋ Tɩŋa Tʋ tɔŋna se: «Ma lɛ Nʋmɔɖɛyʋ nɛ Ɛɖɩɣyɛ.» Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 2:8

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Smiirnɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Nʋmɔɖɛyʋ nɛ Ɛɖɩɣyɛ nɛ maasɩba nɛ menfe yɔ, mɔntɔŋna se: