Ebree 12:16 - New Testament

¹⁶ Mɩ-taa nɔɔyʋ ɛtaala acɛyɛ yaa ɛtaakpaɣ Ɛsɔ ñɩm se pɩtɛkɛ pʋyʋ ɛzɩ Ezaayuu yɔ. Tam kʋɖʋm tɔɔnaɣ maɣmaɣ yɔɔ ɛɛpɛdɩ ɛ-sɔsɔtʋ.

Ebree 12:16 ပူးပေါင်းရင်းမြစ်များ

Maarkɩ 7:21

Mbʋ́ pʋyɔɔ yɔ, ɛyʋ taa lɩmaɣza kɩdɛkɛdɛɛ lɩɣna se ɛla acɛyɛ nɛ ɛmɩlɩ nɛ ɛkʋ ɛyáa

Tʋma Labʋ 15:20

Ɛlɛ́, ɖɩma-wɛ takayaɣ nɛ ɖiheyi-wɛ se pataatɔɔ kɩlaʋ nandʋ, mbʋ́ pʋyɔɔ yɔ, tipisiɣ ɛyáa. Pataatɔɔ ɖɔɖɔ calɩm nɛ kpɩna wena pɛtɛcɛ a-liŋ tɛɛ yɔ. Pakpa pa-tɩ nɛ yem yem lakasɩ.

Tʋma Labʋ 15:29

Ńdʋ́ lɛ se: ɩtaatɔɔ kɩlaʋ nandʋ yaa calɩm yaa kpɩna wena pɛtɛcɛ a-liŋ tɛɛ yɔ. Ɩkpa mɩ-tɩ nɛ yem yem lakasɩ. Ɩlabɩ pɩtɩŋa payɩ ḿbʋ́ yɔ, pʋwɛɣ ɖeu. Taabalaa, ɖɩsɛ-mɩ!»

1 Kɔrɛntɩ 10:8

Pɩfɛyɩ se ɖɩla acɛyɛ ɛzɩ pa-taa lɛlaa kalabʋ yɔ. Mbʋ́ pʋyɔɔ yɔ, palabɩ ḿbʋ́ nɛ pa-taa ɛyáa kutokiŋ nɩɩlɛ nɛ naadozo tɔlɩ evemiye kʋɖʋmɖɩyɛ nɛ pasɩ.

2 Kɔrɛntɩ 12:21

Mantasʋʋ pɩsʋʋ mɩ-tɛ yɔ, sɔɔndʋ kpaɣ-m se mɛ-Ɛsɔ ɖʋʋ-m fɛyɛ mɩ-tɔm taa. Tɩkpaɣ-m ɖɔɖɔ se mɔnkɔŋ tɩmʋʋ mbá paalabɩ kɩwɛɛkɩm ɖooo lɔŋ nɛ pataha acɛyɛ nɛ ɛzaɣ́tʋ siɣ́ye yɔ, pa-taa ɛyáa sakɩyɛ yɔɔ.

Efɛɛzɩ 5:3

Pataatɩɩnɩʋ acɛyɛ yaa azuluma lakasɩ tɩŋa yaa liidiye laɣzaɣ pa-taŋ kpem mɩ-hɛkʋ taa ɛzɩ pʋmʋnaʋ Ɛsɔ ñɩma yɔ.

Efɛɛzɩ 5:5

Mbʋ́ pʋyɔɔ yɔ, ɩtɩlɩ camɩyɛ se paatayɩɣnɩ acɛyɛ laɖʋ nɛ azuluma tʋ yaa liidiye laɣzaɣ tʋ ñɩm mbʋ́ Ɛsɔ ñɔɔzaa nɛ ɛsɩɩ ɛ nɛ Krɩstʋ pe-Kewiyaɣ taa yɔ. Liidiye laɣzaɣ tʋ ñɛwɛ ɛzɩ agɔlɩma kpɛyɩyʋ yɔ.

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

1 Timootee 1:9

Pʋwɛɛ se ɖɩtɩlɩ se: pɩtɛkɛ mbá palakɩ mbʋ́ pʋtʋʋzaa yɔ paɖʋ paɣtʋ. Ɛlɛ́, mbá paaɖɔŋ tɩ-yɔɔ yɔ nɛ kaañamtʋ tɩnaa nɛ mbá pɛpɛŋɩɣ Ɛsɔ tɛtɛ yɔ nɛ kɩwɛɛkɩm laɖaa nɛ mbá paalakɩ mbʋ́ Ɛsɔ liu wɛɛ yɔ yaa paañaŋ ɛ-ñɩm yɔ nɛ mbá pakʋʋ pa-caanaa yaa po-ɖoonaa yɔ nɛ ɛyáa kʋyaa paɖʋ-tʋ.

Ebree 13:4

Pʋwɛɛ se ɛyáa tɩŋa payɩ ɛɖʋ halɩkpaɣyɛ hɩɖɛ. Abalʋ ɛsʋnɩ ɛ-halʋ ɖeke nɛ halʋ ɖɔɖɔ ḿbʋ́. Mbʋ́ pʋyɔɔ yɔ, Ɛsɔ kɔŋ hʋnaʋ hayitu nɛ acɛyɛ pa-laɖaa.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!