Ebree 12:14 - New Testament

¹⁴ Ɩñaɣ pana nɛ mɩ nɛ paa weyi mɩ-laŋa hɛnɩ ɖama nɛ ɩcaɣ wezuu ɛzɩ Ɛsɔ liu wɛʋ yɔ. Pɩtɛkɛ ḿbʋ́, ɛyʋ ɛɛpɩzɩɣ ɛna Kɩpaɣlʋ.

Ebree 12:14 ပူးပေါင်းရင်းမြစ်များ

Maarkɩ 9:50

«Đɔm kɛ pʋyʋ kɩbanʋ. Ɛlɛ́, yee pilesi pi-leleŋ lɛ, ɛzɩma palakɩ-pʋ nɛ pɩɖaɣnɩ kpaʋ leleŋ yɔ? Mɩ lɛ, pʋwɛɛ se mɩ-taa ɛwɛnɩ ɖama leleŋ pɩŋŋ ɛzɩ ɖɔm wɛʋ leleŋ yɔ nɛ mɩtɩŋa payɩ ɩwɛɛ laŋhɛzɩyɛ taa.»

Luka 1:75

Đɩkpakɩɣ ɖa-tɩ ɖɩcɛlɩ-ɩ nɛ ɖɩla mbʋ́ pʋtʋʋzaa yɔ ɛ-ɛsɩndaa kɩyakɩŋ tɩŋa ɖe-wezuu caɣʋ taa.

Room 12:18

Ɩñaɣ pana ɛzɩma mbʋ́ ɩpɩzɩɣ yɔ nɛ mɩ nɛ ɛyáa tɩŋa payɩ pʋwɛɛ leleŋ.

Room 14:19

Pʋ-yɔɔ lɛ, ɖɩñɩnɩ mbʋ́ pɩhɛzɩɣ ɖa-laŋa nɛ ɛzɩma mbʋ́ ɖɩsɩnɩ ɖama nɛ ɖɩtɛzɩ pɩʋ Ɛsɔ nʋmɔʋ taa yɔ.

Room 6:22

Ɛlɛ́, lɛɛlɛɛyɔ, Ɛsɔ holi-mɩ nɛ kɩwɛɛkɩm nesi taa nɛ ɩpɩsɩ e-yomaa. Mbʋ́ pɩlɩ-mɩ pɩ-taa yɔ lɛ se ɩpɩsɩ ɛ-ñɩma nɛ pɩtɛmna se ihikiɣ wezuu maatɛŋ.

1 Kɔrɛntɩ 1:10

Taabalaa Yesu ŋgbɛyɛ taa ñɩma, meheyiɣ mɩtɩŋa payɩ nɛ ɖa-Kɩpaɣlʋ Yesu Krɩstʋ nɔɔ se ɩnɩɩnɩ ɖama camɩyɛ. Tayʋʋ nabʋyʋ ɛtaawɛɛ mɩ-hɛkʋ taa. Ɛlɛ́, ɩla nɔɔ kʋɖʋmaɣ nɛ ɩwɛnɩ lɩmaɣza kʋɖʋma.

1 Kɔrɛntɩ 13:12

Alɩwaatʋ tʋnɛ tɩ-taa lɛ, pʋwɛ ɛzɩ ñɩnʋʋ fiɖiyii ñɩŋgʋ taa ɖɩcɔŋna yɔ, ɖɩɩnaɣ pɩtɩŋa camɩyɛ. Ɛlɛ́ puwiye lɛ, ɖɩkɔŋ pɩtɩŋa naʋ ɖɛ-ɛsɩndaa kaŋŋ. Lɛɛlɛɛyɔ mantatɩlɩ pɩtɩŋa, ɛlɛ́, mɔnkɔŋ tɛzʋʋ pɩtɩŋa payɩ sɩm puwiye ńɖɩ́ ɛzɩ Ɛsɔ sɩm-m ɖɔɖɔ yɔ.

2 Kɔrɛntɩ 6:17

Pamawa ɖɔɖɔ se: Kɩpaɣlʋ tɔŋ se: «ɩlɩɩ azaɣ́a ḿbá pa-taa nɛ iyebi-wɛ. Ɩtaatukuni azuluma pʋyʋ nɛ piyele mamʋ-mɩ.»

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Galaatɩ 3:21

Pɩwɩlɩɣ se paɣtʋ kʋyʋʋ mbʋ́ Ɛsɔ ɖʋwa se ɛlakɩ yɔ pʋ-yɔɔ yaa we? Toovenim lɛ, pɩtɛkɛ ḿbʋ́! Yee paaɖʋ paɣtʋ natʋyʋ nɛ tɩhaɣ ɛyáa wezuu yɔ, tɩɩpɩzaa nɛ tɩpɩsɩ-wɛ kʋtʋʋzaa Ɛsɔ ɛsɩndaa. Ŋgʋ́, pataɖʋ natʋyʋ ḿbʋ́.

Efɛɛzɩ 5:5

Mbʋ́ pʋyɔɔ yɔ, ɩtɩlɩ camɩyɛ se paatayɩɣnɩ acɛyɛ laɖʋ nɛ azuluma tʋ yaa liidiye laɣzaɣ tʋ ñɩm mbʋ́ Ɛsɔ ñɔɔzaa nɛ ɛsɩɩ ɛ nɛ Krɩstʋ pe-Kewiyaɣ taa yɔ. Liidiye laɣzaɣ tʋ ñɛwɛ ɛzɩ agɔlɩma kpɛyɩyʋ yɔ.

Filiipu 3:12

Maatɔŋ se mɛntɛm hiɣu pɩtɩŋa payɩ yaa mɛntɛm kɛʋ weyi ɛmʋnaa yɔ. Ɛlɛ́, mɔnɖɔŋ ñaɣʋ pana se mantalɩ nɛ mamʋ man-kɩhɛyʋʋ. Mbʋ́ pʋyɔɔ yɔ, Krɩstʋ Yesu tɛm-m mʋ́ʋ.

1 Tesalooniki 3:13

Ḿbʋ́ eyeki nɛ ɩtɛzɩ pɩʋ nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ ɖa-Caa Ɛsɔ ɛsɩndaa puwiye nɖɩ́ ɖa-Kɩpaɣlʋ Yesu nɛ ɛ-ñɩma tɩŋa payɩ pɔkɔŋ yɔ.

1 Tesalooniki 4:7

Ɛsɔ tayaa-ɖʋ se ɖɩwɛɛ azuluma taa, ɛlɛ́, ɛya-ɖʋ se ɖɩwɛɛ cɩɖɩcɩɖɩ.

1 Tesalooniki 5:15

Ɩkpa mɩ-tɩ nɛ ɖama kɩmɩyɛ kpaʋ. Ɩwɛɛ ɖama camɩyɛ labʋ yɔɔ nɛ ɩkpɛndɩnɩ lɛlaa tɩŋa payɩ.

1 Timootee 6:11

Weyi ña ŋkɛ Ɛsɔ ɛyʋ yɔ, koli pɩtɛ lakasɩ ńzɩ́. Ñɩnɩ mbʋ́ pʋtʋʋzaa yɔ nɛ ŋñɩnɩ ɖɔɖɔ se ŋla mbʋ́ Ɛsɔ liu wɛɛ yɔ. Ñaɣ pana nɛ ŋwɛnɩ lidaʋ Ɛsɔ yɔɔ ḿbʋ́ nɛ ŋsɔɔlɩ ɛyáa nɛ ŋɖɔkɩ ña-tɩ nɛ ŋwɛɛ leleŋ.

2 Timootee 2:22

Se ɛzaɣ́tʋ ndʋ́ evebiya nɛ pɛlaa pe-liu wɛɛ kpem se pala yɔ. Ña nɛ mbá pasaŋ Kɩpaɣlʋ nɛ laŋa kɩbana yɔ, ɩñɩnɩ mbʋ́ pʋtʋʋzaa yɔ nɛ ɩwɛnɩ lidaʋ nɛ ɩsɔɔlɩ lɛlaa nɛ ɩñɩnɩ laŋhɛzɩyɛ.

Ebree 12:10

Toovenim lɛ, ɖa-caanaa hɔŋaɣ ɖa-nɩŋgbaaŋ alɩwaatʋ pazɩ ɛzɩ pamaɣzʋʋ se pʋmʋnaa yɔ. Ɛlɛ́, Ɛsɔ ñɔhɔŋ-ɩ ɖɛ-kɛzɛɣa maɣmaɣ yɔɔ se ɖɩtɛzɩ wɛʋ ɛzɩ ɛnʋ yɔ.

Ebree 9:28

Ḿbʋ́ ɖɔɖɔ Krɩstʋ ha ɛ-tɩ kpaagbaa haʋ se palaa-ɩ nɛ Ɛsɔ kpeɣ ɛyáa sakɩyɛ pa-kɩwɛɛkɩm. Pʋ-yɔɔ lɛ, ɛkɔŋʋʋ nabʋlɛ ɖeɖe yɔ, kɩwɛɛkɩm tɔm ɛɛtasɩɣ wɛʋ. Ɛlɛ́, ɛkɔŋ se ɛya mbá paɖaŋ-ɩ kpam yɔ pa-ñʋʋ.

1 Pɩyɛ 3:11

Pʋwɛɛ se pʋdʋ ɛha ɛzaɣ́tʋ siɣ́ye nɛ ɛla mbʋ́ pʋwɛ ɖeu yɔ. Ɛwɛɛ ñɩnʋʋ yɔɔ se ɛyáa ɛwɛɛ laŋhɛzɩyɛ taa.

1 Pɩyɛ 3:13

Yee mɩ-ɛsɛ ɛsɛnɩ mbʋ́ pʋwɛ ɖeu yɔ pɩ-labʋ lɛ, anazɩɣ-mɩ yɔ? Nɔɔyʋ fɛyɩ.

2 Pɩyɛ 3:11

Yee ḿbʋ́ pʋwɛɛ se pɩtɩŋa payɩ pʋkɔŋ ɖem yɔ, pʋwɛɛ se ɩɖɔ ɛzɩ pʋmʋnaʋ yɔ. Ɩwɛɛ cɩɖɩcɩɖɩ mi-wezuu caɣʋ taa nɛ ɩla mbʋ́ Ɛsɔ liu wɛɛ yɔ.

2 Pɩyɛ 3:18

Ɛlɛ́, pʋwɛɛ se ɩɖɛɛnɩ ɛsɩndaa lootiye nʋmɔʋ taa nɛ ɩtɛzɩ sɩm ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ. Pasam-ɩ kpaɣ lɛɛlɛɛyɔ nɛ paa ɛzɩmtaa. Pɩla ḿbʋ́!

3 Yohanɛɛsɩ 1:11

Mɛ-ɛgbaɣdʋ! Taatɩŋ lɛlaa ɛzaɣ́tʋ nʋmɔʋ taa, ɛlɛ́, tɩŋ-wɛ mbʋ́ pʋwɛ ɖeu yɔ pʋ-nʋmɔʋ taa. Weyi ɛlakɩ mbʋ́ pʋwɛ ɖeu yɔ, ɛkɛ Ɛsɔ pɩɣa. Weyi ɛ́lɛ́ ñalakɩ ɛzaɣ́tʋ yɔ, ɛtasɩ Ɛsɔ.