Ebree 11:6 - New Testament

⁶ Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Ebree 11:6 ပူးပေါင်းရင်းမြစ်များ

Maatiyee 11:26

Man-Caa! Ñɔsɔɔlɩna se pɩla ḿbʋ́ nɛ pɩla ɖɔɖɔ.»

Maatiyee 5:12

Mɩ-taa ɛhʋlʋmɩ nɛ ɩmayɩ amaya, mbʋ́ pʋyɔɔ yɔ, mɩ-kɩhɛyʋʋ ɖɔ Ɛsɔ cɔlɔ pɩtɩɩfɛyɩ. Meheyiɣ-mɩ se ḿbʋ́ paawɛ náyaa mbá pɛlɛyɩ-mɩ kɔm yɔ pa-wayɩ kaŋ kaŋ.»

Maatiyee 6:16

Yesu tasɩ-wɛ heyuu se: «Yee ɩhɔkʋʋ nɔɔ lɛ, ɩtaañɩŋ mɩ-ɛsɩndaa ɛzɩ tɛɛ nɛ pʋ-yɔɔ ñɩma lakʋʋ yɔ. Peyeki se pɛ-ɛsɩndaa ɛlɛɣzɩ nɛ ɛyáa tɩŋa na-wɛ se pɔhɔkʋʋ nɔɔ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ.

Maatiyee 6:33

Ɩcalɩnɩ ñɩnʋʋ Ɛsɔ Kewiyaɣ nɛ mbʋ́ e-liu wɛɛ yɔ nɛ ɛtɛzɩ-mɩ haʋ mbʋ́ pɩtɛɖɩɣ-mɩ yɔ pɩtɩŋa payɩ.

Maatiyee 6:5

Yesu tasɩ-wɛ heyuu se: «Yee ɩsɛɣ Ɛsɔ lɛ, ɩtaala ɛzɩ tɛɛ nɛ pʋ-yɔɔ ñɩma lakʋʋ yɔ. Pɔsɔɔlɩ sɩŋʋʋ Ɛsɔ ɖɩsɛyɛ taa nɛ habɛɛ nɔsɩ alɩwaatʋ ndʋ́ pɛsɛɣ Ɛsɔ yɔ se ɛyáa ɛna-wɛ. Toovenim lɛ, meheyiɣ-mɩ se pɛtɛm pa-kɩhɛyʋʋ mʋ́ʋ!

Maarkɩ 16:17

Ɩɩnaɣ Ɛsɔ hama lakasɩ nzɩ́ mbá pɛwɛnɩ lidaʋ ɛ-yɔɔ yɔ, pɔkɔŋ labʋ yɔ: pɔɖɔɔnʋʋ aleewaa nɛ mon-ɖoŋ nɛ pɔyɔɔdɩ kʋnʋmɩŋ ndɩ ndɩ ɖɔɖɔ.

Luka 12:31

Pʋ-yɔɔ lɛ, pʋwɛɛ se ɩcalɩnɩ ñɩnʋʋ Ɛsɔ Kewiyaɣ nɛ ɛtɛzɩ-mɩ haʋ mbʋ́ pɩtɛɖɩɣ-mɩ yɔ pɩtɩŋa payɩ.»

Luka 6:35

Mɩ lɛ, pʋwɛɛ se ɩsɔɔlɩ mi-koyindinaa nɛ ɩla ɛyáa camɩyɛ. Ɩkɩndɩ-wɛ, ɛlɛ́, ɩtaaɖaŋ se paahɛyɩ-mɩ. Peeɖe ɩmʋʋ kɩhɛyʋʋ sɔsɔʋ nɛ pɩwɩlɩ se ɩkɛ Ɛsɔ Caabiyuu piya. Mbʋ́ pʋyɔɔ yɔ, ɛlakɩ mbá pɛfɛyɩnɩ ɛsɩmɩyɛ yɔ nɛ kañadɩnaa camɩyɛ lakasɩ.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Yohanɛɛsɩ 8:24

Pʋ-yɔɔ meheyi-mɩ se yee itetisi se: ‹Ma lɛ weyi mɛnkɛnaa yɔ› yɔ, ɩsɩkɩ mɩ-kɩwɛɛkɩm taa.»

Room 10:14

Ɛlɛ́, ɛzɩma papɩzɩɣ payaa-ɩ se ɛsɩnɩ-wɛ nɛ pɛfɛyɩnɩ lidaʋ ɛ-yɔɔ? Ɛzɩma papɩzɩɣ pɛwɛnɩ lidaʋ ɛ-yɔɔ nɛ patanɩɩ ɛ-tɔm nɔɔyʋ cɔlɔ? Ɛzɩma papɩzɩɣ panɩɩ ɛ-tɔm nɛ nɔɔyʋ tosusi-tʋ?

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Ebree 11:26

Toovenim lɛ, ɛmaɣzaɣ se yee peniɣzi-i ɛzɩ Krɩstʋ yɔ yɔ, pʋwɛɣ wazaɣ nɛ pɩkɩlɩ ñɩm mbʋ́ pʋwɛ Ejiptɩ yɔ. Mbʋ́ pʋyɔɔ yɔ, ɛcɔŋaɣnɩ kɩhɛyʋʋ ŋgʋ́ kʋwɛnɩ ɛsɩndaa yɔ ki-ɖeɖe.

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Ebree 4:2

Peheyi-ɖʋ Laŋhɛzɩyɛ Tɔm ɖɔɖɔ ɛzɩ paaheyuu mbá paawɛ lakʋ taa yɔ. Ɛlɛ́, tɔm ndʋ́ panɩwa yɔ, tɩtawazɩ-wɛ pʋyʋ, mbʋ́ pʋyɔɔ yɔ, mbá panɩ-tʋ yɔ, pataawɛnɩ lidaʋ tɩ-yɔɔ.

Ebree 4:6

Mbá pacalɩ Laŋhɛzɩyɛ Tɔm ńdʋ́ nɩʋ yɔ, patasʋʋ hɛzʋʋ ḿbʋ́ pɩ-taa, mbʋ́ pʋyɔɔ yɔ, pɛkɛ kaañamtʋ tɩnaa. Pʋ-yɔɔ lone ńɖɩ́ ɖɩwɛɛ se lɛlaa ɛsʋʋ.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Ebree 7:25

Pʋ-yɔɔ ɛpɩzɩɣ ɛya mbá patɩŋɩɣnɩ ɛ-yɔɔ nɛ pañɩnɩɣ Ɛsɔ yɔ pa-ñʋʋ kpem. Mbʋ́ pʋyɔɔ yɔ, ɛwɛ wezuu tam nɛ etendiɣ Ɛsɔ pɔ-yɔɔ.

2 Pɩyɛ 1:10

Taabalaa, pʋ-yɔɔ lɛ, mɩ-tʋmɩyɛ labʋ taa lɛ, mɩ-pana ñaɣʋ ɛwɩlɩ-mɩ se Ɛsɔ ya-mɩ. Mbʋ́ pʋyɔɔ yɔ, yee ɩlakɩ ḿbʋ́ yɔ, ɩɩtɔlʋʋ Ɛsɔ nʋmɔʋ taa kaʋ.

2 Pɩyɛ 1:5

Pɩ-maɣmaɣ pʋ-yɔɔ lɛ, ɩñaɣ pana pɩŋŋ nɛ ɩwɛnɩ lidaʋ nɛ ɩwɛɛ siɣsiɣ ɖɔɖɔ mi-wezuu caɣʋ taa. Ɩwɛɛ siɣsiɣ mi-wezuu caɣʋ taa nɛ ɩkpɛlɩkɩ ɖɔɖɔ mbʋ Ɛsɔ liu wɛɛ yɔ.

2 Pɩyɛ 3:14

Mɛ-ɛgbaɣdɩnaa, pʋ-yɔɔ lɛ, pɩ-ɖaŋʋʋ taa lɛ, pʋwɛɛ se ɩñaɣ pana nɛ ɩwɛɛ cɩɖɩcɩɖɩ Ɛsɔ ɛsɩndaa nɛ pataana kɩdɛkɛdɩm nabʋyʋ mɩ-yɔɔ. Ɩñaɣ pana ɖɔɖɔ nɛ ɩwɛɛ laŋhɛzɩyɛ taa ɛ-ɛsɩndaa.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»