Ebree 11:4 - New Testament

⁴ Aabɛɛlɩ wɛnɩ lidaʋ Ɛsɔ yɔɔ yɔɔ ɛla-ɩ kɩlaʋ nɛ kɩkɩlɩ ɛ-ɖalʋ Kayɛnɩ ñɩŋgʋ. Kʋ-yɔɔ ɛ́lɛ́ kaɖaa se ɛkɛ kʋtʋʋzʋ. Mbʋ́ pʋyɔɔ yɔ, ɛ-haɖɛ ńɖɩ́ ɖɩkɛdɩnɩ-ɩ. Aabɛɛlɩ ɛnʋ, mbʋ́ ɛlaba nɛ pɩtɩŋnɩ e-lidaʋ ŋ́gʋ́ kʋ-yɔɔ yɔ, pʋ-yɔɔ pɛkɛdɩɣ-ɖʋ ɛ-tɔm halɩ nɛ sɔnɔ nɛ pʋwɛɛ ɛzɩ ɛnʋ yɔɔdʋʋnɩnɩ-ɖʋ yɔ. Ŋgʋ́ ɛsɩba.

Ebree 11:4 ပူးပေါင်းရင်းမြစ်များ

Maatiyee 23:35

Pʋ-yɔɔ mbá patɩŋa payɩ ɩkʋ-wɛ ɖulum yɔ, pa-sʋʋtʋ tɩŋa pɩsɩɣ mɩ-yɔɔ. Pɩpazɩɣnɩ kʋtʋʋzʋ Aabɛɛlɩ nɛ puwolo pɩsɩɩnɩ Baraacii pɩyalʋ Zakaarii weyi ɩkʋ Ɛsɔ ɖɩɣa kadaɣ taa lone kaɖɛ ñɩnɖɛ nɛ kɩlaŋ ɖɩlayɛ pɛ-hɛkʋ taa yɔ.

Luka 11:51

Meheyiɣ-mɩ se: Ɛsɔ ɖʋʋ-mɩ kʋñɔŋ náyaa mbá pakʋ-wɛ kpaɣ ɖooo pakʋʋ Aabɛɛlɩ nɛ puwolo pɩsɩɩnɩ Zakaarii weyi pakʋ Ɛsɔ ɖɩɣa kadaɣ taa lone kaɖɛ ñɩnɖɛ nɛ kɩlaŋ ɖɩlayɛ pɛ-hɛkʋ taa yɔ pɔ-yɔɔ.

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

Ebree 11:2

Lidaʋ ŋgʋ́ ɖooo lɔŋ taa ñɩma kɛwɛnɩ Ɛsɔ yɔɔ yɔ, kʋ-yɔɔ pɔ-tɔm kɛdɩnɩ-ɩ.

Ebree 12:1

Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.

Ebree 12:24

Iwobi Yesu nɛ ɛ-calɩm mbʋ́ pɩkpɛdaa nɛ pɩkɩlɩ wazaɣ Aabɛɛlɩ ñɩmbʋ yɔ pɔ-cɔlɔ. Ɛnʋ lɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa.

Ebree 5:1

Paa cɔjɔnaa ñʋʋdʋ weyi lɛ, ɛyáa hɛkʋ taa palɩzɩ-ɩ. Ɛ-tʋmɩyɛ lɛ se ewolo Ɛsɔ ɛsɩndaa nɛ ɛlɔ nɔɔ nɛ ɛcɛlɩ-ɩ haɖɛ ndɩ ndɩ nɖɩ́ pahawa yɔ nɛ ɛlaa-ɩ kɩlaŋ nɛ ɛ́lɛ́ kpeɣ-wɛ pa-kɩwɛɛkɩm.

Ebree 9:22

Paɖʋ paɣtʋ taa se calɩm ñalɩɣ wondu sakɩyɛ nɛ tɩwɛɛ cɩɖɩcɩɖɩ. Calɩm ɛtɛkpɛdɩ yɔ, kpeɣu ɛɛwɛɣ.

Yuudi 1:11

Pɩya-wɛ! Mbʋ́ pʋyɔɔ yɔ, patɩŋ nʋmɔʋ ŋgʋ́ Kayɛnɩ tɩŋaa yɔ. Liidiye yɔɔ lɛ, pakpaɣ pa-tɩ pasʋzɩ nʋmɔʋ kilebuu taa ɛzɩ Balaam yɔ. Pɛtɛŋɛlaa kpem, mbʋ́ pʋyɔɔ yɔ, pakʋyɩ Ɛsɔ yɔɔ ɛzɩ Kooree kalabʋ yɔ.