Ebree 11:27 - New Testament

²⁷ E-lidaʋ ŋ́gʋ́ kʋ-yɔɔ ɛkʋyɩ Ejiptɩ nɛ sɔɔndʋ takpa-ɩ nɛ wiyaʋ sɔsɔ pana. Mbʋ́ pʋyɔɔ yɔ, ɛɖɔkɩ ɛ-tɩ kpam nɛ pʋwɛɛ ɛzɩ ɛnaɣ Ɛsɔ yɔ, ŋgʋ́, paapɩzɩɣ pana-ɩ.

Ebree 11:27 ပူးပေါင်းရင်းမြစ်များ

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maatiyee 24:13

Ɛlɛ́, weyi ɛɖɔkʋʋ ɛ-tɩ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Maarkɩ 13:13

Mɔ-yɔɔ ɛyáa tɩŋa kɔŋ-mɩ paɖʋʋ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.»

Maarkɩ 4:17

Ɛlɛ́, paayeki se tɩlabɩ-wɛ tʋmɩyɛ camɩyɛ. Pɔɖɔkʋʋ-tʋ nɛ kʋñɔŋ nakʋyʋ talɩ-wɛ yaa pɛwɛɛ pa-wayɩ kaŋ kaŋ tɩ-yɔɔ lɛ, pɔtɔlɩ Ɛsɔ nʋmɔʋ taa.

Tʋma Labʋ 2:25

Daaviidi yɔɔdɩ Yesu tɔm se: ‹Mɔncɔŋaɣnɩ Kɩpaɣlʋ tam. Toovenim, ɛwɛɣ mɔn-cɔlɔ lɛ, maatɔlʋʋ.

1 Kɔrɛntɩ 13:7

Etisiɣ pɩtɩŋa payɩ, ɛwɛnɩ lidaʋ pɩtɩŋa pɩ-taa, ɛtaɣ liu se pɩtɩŋa payɩ pʋkɔŋ labʋ, ɛɖɔkʋʋ ɛ-tɩ pɩtɩŋa pɩ-taa.

2 Kɔrɛntɩ 4:18

Đɔɖɔ lɛ, pɩtɛkɛ mbʋ́ panaɣ yɔ, pʋ-yɔɔ ɖɩmaɣzɩɣ. Ɛlɛ́, mbʋ́ paanaɣ yɔ, pʋ-yɔɔ ɖɩmaɣzɩɣ. Mbʋ́ pʋyɔɔ yɔ, mbʋ́ panaɣ yɔ, pɩwɛɣ alɩwaatʋ pazɩ yem nɛ mbʋ́ paanaɣ yɔ, pʋbʋ ñɛwɛɣ tam.

Koloosi 1:15

Ɛsɔ wɛʋ yɔ, paanaɣ-ɩ, ɛlɛ́, Krɩstʋ lɛ ɛ-lɛzʋʋ. Ɛnʋ lɛ kajalaɣ tʋ mbʋ́ pɩtɩŋa payɩ Ɛsɔ laba yɔ pɩ-taa.

1 Timootee 1:17

Ɛyáa tɩŋa payɩ ɛsam-ɩ nɛ paɖʋ-ɩ hɩɖɛ tam. Mbʋ́ pʋyɔɔ yɔ, ɛnʋ lɛ Wiyaʋ sɔsɔ weyi e-kewiyaɣ tɔɔʋ fɛyɩ tɩnaɣ yɔ, ɛɛsɩkɩ, nɔɔyʋ ɛɛnaɣ-ɩ, e-ɖeke koŋ lɛ Ɛsɔ tam! Pɩla ḿbʋ́!

1 Timootee 6:16

E-ɖeke koŋ ɛɛsɩkɩna, ñalɩmɩyɛ naɖɩyɛ taa ɛwɛɛ. Nɔɔyʋ ɛɛpɩzɩɣ ɛñɔtɩnɩ-ɖɩ. Nɔɔyʋ tana-ɩ, nɔɔyʋ ɛɛpɩzɩɣ ɛna-ɩ ɖɔɖɔ. Paɖʋ-ɩ hɩɖɛ nɛ e-ɖoŋ wɛɛ tam! Pɩla ḿbʋ́.

Ebree 10:32

Ɩtɔzɩ kajalaɣ kɩyakɩŋ weyi ɩ-taa Ɛsɔ ñalɩmɩyɛ ñalɩ mɩ-yɔɔ yɔ ɩ-yɔɔ. Alɩwaatʋ ńdʋ́ʋ́ ɩtɔɔ kʋñɔŋ siŋŋ. Ɛlɛ́, ɩɖɔkɩ mɩ-tɩ kpam mɩ-lʋbɩyɛ taa.

Ebree 11:1

Ɛsɔ yɔɔ lidaʋ wɛnaʋ lɛ se ɖɩtɩlɩ se mbʋ́ ɖɩɖaŋ kpam yɔ, pʋkɔŋ labʋ. Ḿbʋ́ ɖɔɖɔ mbʋ́ ɖɩɩnaɣnɩ ɖɛ-ɛsɛ yɔ, pʋwɛɛ.

Ebree 11:13

Mbá paawɛnɩ lidaʋ Ɛsɔ yɔɔ yɔ, pɔɖɔkɩ-kʋ ḿbʋ́ nɛ pʋcɔ pɔkɔɔ pasɩ patɩŋa payɩ. Ɛlɛ́, petehiɣ mbʋ́ Ɛsɔ kaɖʋwa se ɛhaɣ-wɛ yɔ. Polosi-pʋ kulosuu poliŋ taa nɛ pɔyɔɔdɩ se pɛkɛ agɔmaa nɛ ñɩtʋ sʋyaa yem kedeŋa yɔɔ cɩnɛ.

Ebree 6:15

Ḿbʋ́ yebina nɛ Abraham ɖɔkɩ ɛ-tɩ nɛ ɛwɛɛ ɖaŋʋʋ yɔɔ nɛ ɛkɔɔ ɛmʋ mbʋ́ Ɛsɔ kaɖʋwa se ɛlakɩ-ɩ yɔ.

Yakubu 5:11

Đɩtɔŋ se pehiɣ pa-tɩ! Mbʋ́ pʋyɔɔ yɔ, paaɖɔkɩ pa-tɩ kpam. Ɩtɛm nɩʋ ɛzɩma mbʋ́ Yɔɔbʋ kɔɖɔkɩ ɛ-tɩ ɛ-kʋñɔŋ taa yɔ. Đɔɖɔ lɛ, ɩna mbʋ́ Kɩpaɣlʋ ha-ɩ pʋwayɩ yɔ. Ɛlabɩ-ɩ ḿbʋ́, mbʋ́ pʋyɔɔ yɔ, ɛnaɣ ɛyáa pʋtɔdɩyɛ nɛ ɛlakɩ-wɛ camɩyɛ.

1 Pɩyɛ 1:8

Ɩtana-ɩ nɛ mɩ-ɛsɩyɛ, ɛlɛ́ ɩsɔɔlɩ-ɩ. Paa ɩtana-ɩ yɔ, ɩwɛnɩ lidaʋ ɛ-yɔɔ nɛ mɩ-laŋa hʋlʋmɩ siŋŋ, pɩfɛyɩ yɔɔdʋʋ.